Вака спакуваниот гнев кој трае веќе неколку месеци, деновиве се претоври во „аларм за се похаотичното чувство околу владините политики и застрашувачкото губење доверба во германските институции.“
Пратеници на Слободните демократи ова го толкуваат како разочарување на Германците кои некогаш верувале дека живеат „во добро управувана држава, држава која била подобро управувана од најголемиот дел европски држави.“
За Фајненшл тајмс соменжите околу начинот на кој Германија се справува со кризата се „кристализираа“ минатата недела кога Меркел ги нападна лидерите на 16-те германски држави обвинувајќи ги дека ги олабавиле мерките токму кога државата има експоненцијален раст на бројот на заразени.
Меркел се закани и дека ќе преземе повеќе овластувања од регионите доколку тие не престанат самоволно дасе однесуваат околу препораките на централната власт.
„На драматичен начин се покажува дека германската држава не може да се справува со пандемија,“ изјавува првиот човек на ДББ синдикатот на јавни службеници, Улрих Силбербах.
Истото ова време минатата година Германија беше глобален пример за справување со пандемијата. Тогаш, како и сега, раководена до Меркел имаше далеку помал број на заразени и починати од ковид-19 од останатите европски држави.
Ваквите резултати доведоа партијата на Меркел да достигне поддршка од речиси 40%.
Една година подоцна, на почетокот од месецов, партијата на Меркел доживеа еден од најголемите изборни порази во две сојузни држави кои со децении беа фикс нивни. На овој пораз претходеше повеќе пратеници од коалицијата на Меркел заработиле огромни провизии од зделките за набавка на маски за лице сред панемијата.
Стравот е дека ова ќе се одрази на парламентарните избори кои треба да се оддржат за 6 месеци, и кои според некои процени може да значат пораз на ЦДУ и губење на канцеларската позиција за прв пат по 16 години.
На страна провизијата, чувството е дека сите нивоа на власт (федерална, регионална и локална), носат одлуки кои се повеќе се „арбитрарни, контрадикторни, па и апсурдни.“
„Не за маските, па потоа да. Не за рапидни тестови, потоа не можеме доволно брзо да се тестираме. Школите отворени, па затворени, па потоа повторно отворени. Прво нема доволно заштита опрема, потоа нема доволно вакцини. Никој веќе не може да ја издржи полтичката колебливост,“ го пренесува Фајненшл тајмс статусот на една докторка од Есен.
Освен гореспомантите, Германците минаа и низ колебање за бесплатен тест за анти-тела кој требаше да биде пуштен на 1 март, како и проблемите со Астразенека, која прво беше забранета за лица над 65 години, па потоа одобрена за сите, за пред некој ден да одлучат дека таа пак ќе биде забранета но за лицата помлади од 65 години.
Ова е само дополнување на претходните забрани за собирање, затворање продавници и стопирање на производство, кои ја уморија гермнаската јавност.
Гневот околу вакцините пак е што германска компанија Бионтек ја создаде првата вакцина која доби одобрение за користење од Западот, а и покрај тоа „Германците се последни што ќе ја добијат.“ За ова на Германците главно им е виновна ЕУ која нарачала предоцна и премалку дози, меѓутоа „не можат да разберат“ зошто властите толку споро вакцинираат и со дозите кои ги имаат. Споро во Германија е 262.000 луѓе, што е помалку од пикот од 306.000 вакцинирани за еден ден.
Самата Меркел порачува дека властите мораат да бидат пофлексибилни, „можеби ние некогаш сме премногу перфекционисти, сакаме сè да направиме правилно затоа што кој и да згреши го чека сериозна казна.“
Без разлика што биле „перфекционисти“, самата процеудра е претерано комплицирана, па така мобилните екипи што вакцинриаат низ земјата се составени од:
„Фармацевт кој го полни шприцот, медицинска сестра која ја дава вакцината, доктор кој им ја објаснува процедурата на пациентите и тројца вработени на Црвениот крст кои вршат административна работа.“
Посебен проблем е финансиската помош која се уште не може да се распредели заради проблеми во развојот на дигиталната платформа за аплицирање. Заради ова голем број компании уште чекаат помош која им беше ветена во ноември, па иако беа ветени 80 милијади евра помош „тие се толку лошо менаџирани што предизвикуваат многу гнев.“
Едно од најголемите разочарувања околу вакцинацијата дојде кога Германците дознаа дека Грција има поголем број на вакцинирани од нив.
