Уште неколку месеци светот ќе биде лишен од Трамп, меѓутоа кога ќе се врати во јавноста тоа ќе биде преку негова социјална мрежа, тврди портпаролот на поранешниот американски претседател.

Данска планира да го лимитира бројот на не-западни жители во урбаните центри. Во едно маало не ќе може да има повеќе од 30 посто такви. Властите сметаат дека кога ги има повеќе од тоа, почнува гетоизација, односно почнува процесот тие повеќе да ја менуваат Данска отколку што Данска ги менува нив.

По критиките од Берни Сандерс дека Безос и Илон претерале со правење пари и натрупале неверојатни богатства, првиот човек на Тесла (и други) одговори дека не му е до парите туку сака животот на човештвото да го направи мулти-планетарен.

Примањето на втората доза од вакцината се претвори во некакво си корона матурирање, кога човек ги спушта сите гардови и тргнува во прослава на својата новостекната авенџерска надмоќ над вирусот. И речиси и да не може да биде попогрешно од тоа.

После цели 40 години, тексашките ренџери се откажаа од хипнозата како истражен метод за решавање кривични дела. Не е мал бројот на луѓето кои се во затвори, некои од нив и на смртни казни, на основа на хипнотизирани сведоци. А хипнотизиран човек знае убедливо да лаже, без да е свесен за тоа.

Откако во немилост падна судијата кој го осуди и го оневозможи да учествува на последните избори на кои, со така расчистен политички терен, победи актуелниот претседател Болсонаро, на политичката сцена во Бразил се враќа Луис Инасио Лула де Силва, омилениот претседател на работниците и најомразениот лик меѓу домашните и странски богаташи. 

Не само што ги губи овие гледачи, туку најголеми се загубите кај клучната старосна група (за продавање реклами) од 24 до 54 години, која се намалила за речиси 50%.

Пошто од мажите се очекува да бидат галантни со пари кога се среќаваат со девојка и тоа им правело притисок, направиле „Лига на штедливи мажи.“ Да подобјасниме: на англиски е „stingy“, на женски е „стипси“, а на машки - „домаќини“. 

Над 350 доктори од цел свет тврдат дека има се поголем број докази дека ковид-19 може да предизвика дијабетес (и тип 1 и тип 2) кај некои пациенти, една подгрупа од нив дури тврди дека ковидот може создал целосно нова форма на дијабетес.

Од делот од планетава кој има нуклеарен капацитет да стави крај на сè на планетава, доаѓа вест која изминативе години престанавме да ја очекуваме да дојде од било каде, а посебно од Пакистан и Индија.

Коментарот на Путин околу ставот на Бајден дека рускиот претседател е убиец, е дека тоа е само одраз на минатите и сегашни проблеми на САД.

За време на неговиот четиригодишен мандат во Белата куќа, личното богатство на Доналд Трамп доживува стрмоглав пад. Човекот сега тежи 700 милиони долари помалку отколку пред да дојде на функција. Ви текнува ли на некој наш кој не-ко-гаш излегол од политика со помалку пари отколку што влегол? Да, глупости прашуваме.    

„Ти вредиш 182 милијарди долари... зошто правиш сè што можеш за да ги спречиш твоите работници да направат синдикат?“ запраша американскиот сенатор за време на сослушувањето на кое требаше да присуствуваат Џеф Безос и Елон Маск.

До сега дваесетина европски држави привремено го стопираа користењето на вакцината на Астразенека, што во пракса само дополнително ги напна односите меѓу експертите за безбедност на вакцини и одговорните за јавно здравје кои стравуваат дека ова ќе го зголеми бројот на жртви на пандемијата.

Американска градежна фирма добива проект за изградба на автопат на Косово, иако ММФ и Светска банка велат дека таков автопат е економски неисплатлив. Погодете каде ја завршува кариерата тогашниот американски амабасадор во Косово кој отворено навива за автопатот?

Во интервју за Еј-би-си, американскиот претседател се согласи дека рускиот претседател е убиец, и дополни дека веќе му има кажано на Путин дека „ќе плати“ за мешањето во американските избори.

Човек што читал стари комунистички весници не може да не се згрози или бар да не се преврти од смеење со каква тоа сериозност и бесрамност се фалеа некогашните најголеми синови на народите или Партијата која е исто со народот. Кој можеше да помисли дека тој стил денес ќе се чита во американскиот печат? 

Популарноста на текстовите објавени на сајтот на Телеграф ќе биде една од основите што ќе ја одредува платата на новинарите во британскиот медиум.

Истрагата е започната откако 57-годишен маж умира само неколку часа по вакцинирањето со контроверзната вакцина на Астразенека.

Јануари 2013 беше еден од клучните моменти во битката меѓу Вашингтон и Силициумската долина кога луѓето назначени од Обама за спречување монопол одбија да покренат обвинение против Гугл и покрај сите информации што ги имаа.

Диктаторите беа погодени повеќе од сатирата отколку некакви длабоки и паметни текстови кои ја анализираа нивната беда. Сега планот на сатирата, планот на хуморот, е покосено поле. Наместо луѓето да се ругаат, сега кукаат, а тоа е веќе последниот стадуим.

Само за викендот војската застрела 56 демонстранти, и додека Западот „најостро го осудува насилството“, воената хунта прогласи воена состојба во дополнителни делови од Мјанмар.

Во долга изјава која на кратко се сведува на тоа дека Господ „не и не може да благослови грев“, Ватикан го потврди својот став околу исто-половите бракови за сите што имаа некоја дилема околу тоа.

Во долниот дом на Думата мина предлогот со кој се главно се простува корупција кој се случила не сакајќи, и ги опфаќа речиси сите што работат државно.