Ја видовме ние таа смешка уште-рано само ни се виде банала па не ѝ обвнавме големо внимание. Не ни помислувавме во какви сè правци ќе отиде приказната. А отиде насекаде: стигнување на топ листи, забрана на Јутјуб, правење драма од ништо...

Од едно гледиште спречувањето на климатската катастрофа е крајно комплицирано. Од друго, тоа е стварно едноставно: само треба да престанеме да вадиме фосилни горива од земја. Сите заплашувања, говори и екстравагантни ветувања од Глазгов се еднакви на ништо ако оваа едноставна и очигледна работа не се случи.

„Во нашиот поларизиран медиумски пејсаж, митови и невистини се шират како шумски пожар. Во отсуство на дискусии и дебати, новинарите денес често завршуваат одгледувајќи паралелни светови. Го гледаат она што сакаат да го видат“, пишува Френк Фуреди за медиумскиот третман на европските земји кои не го забораваат прашањето за националниот суверенитет. 

Не „групњак“ во Порнхаб смисла на зборот, туку во смисла на групно изживување и малтретирање луѓе на Твитер и социјални мрежи.

Околу 400 приватни авиони деновиве извршија десант на Шкотска за да ги донесат своите сопственици до самитот на кој треба да зборуваат како сите во светот треба помалку да загадуваат.

85 возила имаше автомобилската колона што го придружуваше Бајден по улиците на Рим, каде инаку е дојден да се договори околу глобалното затоплување. И ова е без возилата на италијанската полиција и безбедност.

Клиничка студија покажала дека постоечки и широко користен лек сериозно ги намалува ризиците од хоспитализации и смртни епилози на ковид случаи. Се работи за лек против депресија.

Сакајќи да го привлече вниманието на јавноста, првиот човек на Светската програма за храна на О.Н, изјави дека само 2% од богатството на Илон Маск е доволно за да се реши гладта. Маск порача не е проблем, ама има два услова.

Скот Смит е татко на 15 годишно девојче кое било сексуално нападнато во школско веце од машко кое носело сукња. Откако реши да биде гласен и да ја брани својата ќерка, беше распнат од твитер легионерите на кои им е побитно да буткаат про-трансџендер агенда отколку да се секираат за некаква безбедност на учениците. 

Американски молови кои потклекнаа поради е-комерцијата и пандемијата, добиваат нови функции и намени, како магацини и дистрибутивни центри на Амазон. Експерти проценуваат дека 50% од дуќаните базирани во молови, трајно ќе затворат до крајот на годинава.

Најбројната држава на светот реши дека е доста со тој чалам да се дигаат предимензионирани кули во мали градови. Со тоа што кај нив, во мали градови спаѓаат оние со помалку од три милиони жители.   

Како што кампањата на Ши Џинпинг за прераспределување на профитите почна да добива на сила, така кинеските богаташи почнаа да се стишуваат, бришејќи ги своите профили од социјалните мрежи и префрлајќи ги парите на сигурно.

Законот со кој насилството против ЛГБТ лицата и мизогонијата во Италија требаше да се квалификуваат како злочин од омраза, беше одбиен во Сенатот со над 154 гласови од 315 можни.

ММФ не штедеше во интервентни пари за помагање во борбата против пандемијата но секогаш потсетуваше дека, кога и да е, ќе дојде време да се проверат сметките. Македонија е една од оние земји кои во друшто со Нигерија, Конго, Малави и слични е од оние кај кои не се знае како и за што се трошело.

Непослушноста на Полска кон ЕУ, овој пат околу судските реформи, ќе ја чини државата 1 милион долари на ден, секој ден дур не реши да послуша.

Го памтите ли она хорор видео кое го спакуваа против гувернерот на Флорида, Рон ДеСантис, зашто се дрзна да не воведува задолжителни вакцини, ковид пасоши и рестрикции, еретички изговарајќи: „Ние им веруваме на луѓето кога носат одлуки за себе“. Погодете во која држава сега има најмалку ковид?

Маж белец потпретседател за маркетинг во болница во Северна Каролина на суд добива отштета од 10 милиони долари за „обратна дискриминација“ откако е отпуштен и заменет со две жени, од кои едната црнкиња, како дел од програмата на болницата за разноликост и инклузивност.

Вилата се наоѓа во центарот на Рим и е единствена куќа на светот чиј таван е насликан од италијанскиот сликар Караваџо. Цената од 471 милион евра е само почетна.

Соочени со опасност дебело да платат отштета и да им изгори цела фирма, Џонсон и Џонсон се реши на еден потег многу познат на балканските транзициони арамии. Ја подели фирмата на два дела и опасниот дел го однесе во банкрот.

Личните богатства на некои од водечките имиња во фармацевтската индустрија пораснаа главно заради скокот на акциите на нивните компании, што се базира на добрата продажба на вакцини низ светот.

Не е дека Безос сака да избега од сите вас, ама кога би посакал би имал канцеларии и хотел во вселената, кои би требало да му се готови до крајот на деценијава.

Дечкото кој го бои стрипот на Супермен најави дека заминува од ДЦ Комикс бидејќи му е преку глава од „разбуденото“ шминкање на суперхеројот. „Сè се тоа куп идиотизми,“ вели Гејб Елтеб.

Ако човек го критикува саудискиот режим може бааги да си го искомплицира животот и да очекува дека кај и да е, некој ќе му тропне на врата. Само што овојпат не зборуваме за во Саудиска Арабија, туку за Англија.

Освен во итен случај никој од 4 милиони жители на кинескиот град Ланџоу во идниот период нема да смее да го напушти својот дом. На страна тамошните 6, во Кина има пријавено уште 23 нови случаи. Во цела Кина.