САД користеле тајно оружје кое ја неутрализирало венецуелската одбрана при акцијата за грабнување на претседателот Николас Мадуро. Трамп го нарече „дискомбобулатор“, но не дава други детали. Се шпекулира дека тајното оружје создава моќен електромагнетен пулс кој ја блокира електричната мрежа и соничен пулс кој привремено ги парализира луѓето.

Компании во САД лажно се регистрирале за да добијат пристап до чувствителни податоци од здравствени картони на 300.000 пациенти без нивна согласност. Овие „организирани синдикати“ потоа манипулирале со податоците и ги продавале на адвокатски канцеларии, кои ги користат за да бараат потенцијални клиенти за групни тужби.

Овогодинешниот самит во Давос имаше наслов „Дух на дијалог.“ Можеби и заликуваше на дијалог додека не дојде Доналд Трамп и го претвори настанот во монолог и толкување на пораките од тој монолог во стил на библиска херменевтика. Европјани се јачаат дека победиле бидејќи го натерале Трамп да ги де-ескалира заканите кон нив, но британскиот историчар Најал Фергусон мисли обратно. Европа не сфаќа дека пола од она што го кажува Трамп е покерски блеф. 

Тогашниот британски премиер Борис Џонсон, во 2020 година ја прогласи ковид вакцината АстраЗенека за „триумф на британската наука“ и таа беше клучен елемент во раното воведување на вакцините во Велика Британија. Уште рано се појавуваа извештаи за несакани последици но бројките допрва откриваат дека се работело за доста масовно пријавување.   

Во европската одбранбена политика се дискутира за идејата „НАТО, но без САД“. Ако постапките на Трамп во последните неколку недели покажуваат нешто, тоа е дека САД не може засекогаш да се сметаат за столб на одбраната на НАТО. Но, ако одбранбената политика на Европа покажува нешто, тоа е дека Брисел не е подготвен да оди по свој пат.

Администрацијата на Трамп го прекинува финансирањето на истражувања со човечко фетално ткиво од абортуси извршени по желба. Ќе може само од спонтани. Застапниците против абортусот ова го бараа со години. Критичари предупредуваат дека одлуката ќе има последици за биомедицински истражувања за неплодност, дијабетес, ХИВ и невродегенеративни нарушувања.

И покрај долгиот список на глобални војни и закани, како и колапсот на домашната индустрија, нова анкета покажува дека Германците за најголем проблем ја сметаат миграцијата. Во споредба со порано, зголемена е и загриженоста од задушувањето на слободата на изразување. Не е загрижена само владата на Мерц, која ги тера старите политики на социјалдемократите.

Европа лансира свој одговор на X на Илон Маск. Платформата W наводно ќе овозможи „вистинска“ слобода на говорот. За да биде појасно: Дел е од шведска медиумска организација за климатска акција, сака да ја освои довербата од европските институции и регулатори, а корисниците ќе мораат да го потврдат идентитетот со лична карта со фотографија.

Поради грешка во софтверската надградба, стотина сообраќајни камери низ Британија погрешно идентификувале најмалку 2.650 случаи на пребрзо возење во изминатите пет години. Сега се прават напори да им се поништат паричните казни и одземените бодови на возачите. Многу потешко ќе биде да се врати довербата во системот за казнување.

Додека Трамп во Давос собира членарина од по 1 милијарда долари од светски лидери за место во неговиот Одбор за мир, Израел тивко ги поместува камењата за демаркација во Газа и потоа систематски ги протерува Палестинците и им ги урива домовите. Жолтата линија за разграничување на мировните карти ја опишува како „илустративна“.

Земјите од БРИКС ја напуштаат идејата за воведување заедничка валута и се фокусираат на градење сопствен механизам за финансиски трансакции. Алтернативниот систем BRICS Pay е стратешки обид на земјите од блокот да ја намалат ранливоста од западни санкции, да ги намалат трошоците за трансакции и да ја зајакнат автономијата на членките.

Охрабрени од успешната операција за грабнување на венецуелскиот лидер Николас Мадуро, САД активно планираат до крајот на оваа година да го променат режимот на Куба. Администрацијата на Трамп заедно со кубанската дијаспора бара потенцијален соработник во комунистичкото раководство во Хавана, кој би можел да соработува со Вашингтон.

Британските ветерни турбини лани попусто потрошиле енергија од 10 терават часови, колку што е потребна за годишно напојување со струја на сите домаќинства во Лондон. Причината е ограничувањата на системот за пренос на енергија, поради кои турбините мора да се гасат и да се активираат централи на гас. 

Трамп објави дека постигнал договор со НАТО за иднината на Гренланд и за целиот арктички регион. Без да употребат воена сила и економски притисоци, САД би добиле воени бази на островот во трајна сопственост. Планот треба да се усогласи на преговори со Данска. Плус, заканата од царини за осумте европски земји повеќе не важи. 

Кога Илон Маск го презеде Твитер во 2022 година, се откри увид во повеќекратните тајни владини напори за масовна цензура. Мејнстрим новинари барале цензура. Ниеден вистински новинар не бара цензура од своите колеги. Она што произлезе беше „Индустриски комплекс за цензура“, кој директно произлезе од воено-индустрискиот комплекс.

Саудиска Арабија по територија е држава која е дури 84 пати поголема од Македонија. Немаат ни една единствена река ни езеро. Ама затоа имаат пари и кралско семејство кое управува со земјата и на кое му е јасно дека водата за нив не е само прашање на квалитет на живот туку и прашање на опстанок. Затоа, под земја. Ем да не испарува, ем да не може човек пластични шишиња да фрла во неа.

Откако за една година го промени светскиот поредок, Трамп сега бара соодветен контролен механизам со кој ќе може ефикасно да управува со новиот свет што го создаде. На Обединетите нации не рачуна, зашто не запреле ниту една војна, а тој лично завршил осум. Алтернативата на ОН би бил Одборот за мир за Газа, во кој членството се наплаќа милијарда долари.

Светскиот економски форум, кој со години упорно ги пумпаше фосилните горива и климатските промени како најголеми закани за човештвото, се откажа од зелената агенда што агресивно им ја наметнуваше на светските лидери. Сега доминантни теми се геоекономската конфронтација, заканите од војни и како да се подобри животот на луѓето.

Со фамозните „бомби на Заев” рајата се фрапираше што сè се случува во политичкиот бекстејџ и  веруваше дека добила вистинска слика за луѓето кои ја водат државата. Ако е така, Трамп го стори истото, само на многу поголем размер. Објави пораки кои ги добил од Макрон и Руте. Да го фати човек секонд хенд срам, во нивно име.

Светот влезе во ера на „глобален банкрот на водата“ што засегнува милијарди луѓе, се наведува во извештај на ОН. Прекумерната употреба и загадувањето на водата мора итно да се решат бидејќи никој не знае кога целиот систем би можел да се распадне, со незамисливи импликации за мирот и социјалната кохезија. Извештајот открива дека многу општества долго време трошеле вода на кредит.

Трамп ќе ја добие битката за Гренланд. Европејците нема да го сопрат, бидејќи се слаби и поделени. Иронијата е што Европа ја избра оваа воена и геостратешка слабост. Дозволи Гренланд да се отцепи  од ЕУ. Избра да ги остави своите војски без потребните ресурси во корист на социјална помош и поддршка за невладини организации. И не може да се договори за ништо.

Норвешките власти почнаа да ги предупредуваат граѓаните дека армијата можеби ќе мора да им ги заплени домовите и возилата доколку избувне војна со Русија. Во понеделникот биле испратени писма до 13.500 адреси, со предупредување до семејствата дека во период од една година може да им бидат запленети имот, возила, чамци и машини.

Веганската исхрана како „поздрава“ алтернатива на месото пред само неколку години се промовираше како „културна револуција“. Рестораните и супермаркетите сега се откажуваат од продажба на веганска храна поради намалениот интерес на купувачите. Луѓето им се враќаат на свинското и на пилешкото како едноставни и поевтини извори на протеини.

Студенти во Амстердам биле силувани откако биле принудени да живеат во комплекс заедно со 125 бегалци за да „помогнат во интеграцијата“. Социјалниот експеримент за градење соживот завршил со тепачки, сексуални напади, дури и групно силување. Полицијата ги игнорира пријавите. Сириец, обвинет за силување, е казнет со три години затвор. Но, проектот не е запрен.