Платформата за професионални профили LinkedIn, за април 2026 година пријави 1,3 милијарди регистрирани корисници. Секојпат кога некој од нив ќе ја посети страницата, скриен код го скенира неговиот уред за инсталиран софтвер и екстензии (се монитораат меѓу 3.000 и 6.000 ставки). Резултатите се испраќаат на серверите на платформата но и на трети страни, меѓу кои и една изралско-американска фирма.

Германци на возраст способни за во армија досега требаше да бараат дозвола од Бундеверот да ја напуштат земјата на подолго време само во две екстремни ситуации: ако земјата е под директна воена закана или пак е нападната. Веќе не. Имало ли закана или напад или немало, дозвола мора да се бара ако се сака да се оди во странство подолго од три месеци.

Речиси 750 американски војници се ранети или убиени на Блискиот Исток од октомври 2023 година, но, Пентагон не го признава тоа. Централната команда на САД, или ЦЕНТКОМ, која ги надгледува воените операции на Блискиот Исток, се чини дека е вклучена во „прикривање на жртвите“, нудејќи им на луѓето од Интерсепт ниски и застарени бројки за жртвите, без никакви појаснувања за случаите.

Сериозен кинески научник напушти истражувачка позиција на престижниот факултет Јеил за да се врати во Кина. Зад потегот не стои носталгија по дома туку непишаните но и тоа како функционални расни лимити и бариери за научници со кинеско потекло. Плус, во матичната земја на ред е петолетка во која државата дополнително ќе се фокусира на науката. 

Наместо разни графикони и досадни криви за движењето на БДП, јавниот долг, дефицитот, берзите и слично, во последно големо внимание се врти кон неформални параметри кои досега се покажале како необично прецизни индикатори за тоа дали зад аголот се крие некоја нова рецесија и криза. На пример, посетата и бакшишите во стриптиз баровите. 

Доктор од Нов Зеланд побара од американската амбасада во Велингтон да ги надомести трошоците за гориво во неговата клиника. Логиката е разбирлива: Со оглед на тоа што цените на горивото скокнаа до небо поради војната во Иран која Трамп не мораше да ја започне, ред е Вашингтон да се фати за џеб. „Ако не се држиме до принципи, што ни останува?“ порачува лекарот.

Во обид да го реши сообраќајниот колапс, најмалата земја-членка на Европската Унија започна контроверзна програма. Владата им нуди на младите возачи огромен паричен стимул доколку доброволно се откажат од своите возачки дозволи и се обврзат да не седнат зад воланот во следните пет години.

Иако Дубаи важи за убедливо најлибералниот од седумте емирати на ОАЕ, чуден е информативниот мрак од таму, иако многу медиумски куќи имаат свои бироа. Се запираат луѓе на улица за да им се проверат телефоните, луѓе се апсат за споделени фотографии во приватни групи. Емиратите сакаат по секоја цена да ја зачуваат сликата за себе како рај среде блискоисточниот пекол.    

Некои од познатите американски рапери - Травис Скот, Килер Мајк, Т.И., Јанг Таг, Фет Џо - доставија поднесоци до Врховниот суд на САД барајќи судиите да го спречат погубувањето на Џејмс Броднакс на 30 април. Тврдат дека неговиот случај е пример за поголем проблем во американските судници: употребата на рап текстови како доказ во судски процеси.

Иранската стратегија отсекогаш го почитувала фактот дека на чисто воено поле, не можат да ги победат САД и Израел. Но, на Техеран му беше јасно дека негов адут е способноста да ја запалат чергата и да нанесат сериозна економска главоболка во врска со цените на нафтата, гасот и другите суровини. Како ли Трамп поверува дека Иран е само уште една Венецуела?

Речиси секој шести човек во светот се чувствува осамено, а повеќе од 870.000 смртни случаи годишно се поврзани со тоа, велат податоците на Светската здравствена организација. Познавачите велат дека епотребно да се прави разлика меѓу самотијата и осаменоста. Човек може да биде опкружен со куп луѓе а сепак да се чувствува осамен. Особено на социјални медиуми.

Републиканците подготвуваат амбициозен буџетски проект кој можеби ќе тежи и 200 милијарди долари за да се плати воената екскурзија на Трамп во Иран и амбициозните и скапи имигрантски политики. Ама, не стасуваат пари ако од некаде не се скратат. Загледани се во 30 милијарди долари од здравството.

Личниот брокер на американскиот министер за одбрана, Пит Хегсет, во февруари оваа година контактирал со „БлекРок“ за трансфер на мултимилионска инвестиција во нивен менаџерски фонд од воената индустрија. Во фондот удел имаат компании чиј главен клиент е Пентагон. „Криминалци. Од прв до последен,“ коментира еден професор по право. 

Во време кога беснее глобално опасната војна во Ирак и Блискиот исток а енергетската криза допрва фаќа нагорна спирала, британскиот јавен бродкастер реши дека тема која треба прописно да ја покрие се кучињата односно дали на четвороножните човекови пријатели им се допушта премногу јавен простор. Некои тврдат дека и ова е сигнал за растечкото влијание на исламот на островот.

Доналд Трамп и неговата администрација „ја среди“ науката со булдожер: избриша повеќе од 7.800 грантови за истражување, намали 25.000 научници од владини агенции и најави десетици милијарди долари дополнителни намалувања на научните средства. Тоа лесно би можело да се врати како бумеранг а веќе постојат рани знаци.

Папата во последно време е сè поексплицитен во осудата на конфликтот во Иран. На последната миса пред Велиген, ги осуди оние кои тврдат дека може да се води војна во името на Исус.„Браќа и сестри, ова е нашиот Бог. Исус, Крал на мирот, кој ја отфрла војната, кого никој не може да го користи за да ја оправда војната“.

Израелскиот парламент усвои закон со кој смртната казна со бесење се воведува како задолжителна казна за смртоносни напади. Но, има уште еден услов: мотивот на тој напад да бил „крај на постоењето на Израел“. Тоа практично значи дека смртна казна ќе се изрече за Палестинците, но не и за еврејските Израелци кои извршиле слични злосторства.

Постојат многу причини поради кои Германија ја изгуби Првата светсака војна но историчари се согласуваат дека една од најважните е што планот, иако брилијантно осмислен, немал резервна варијанта. План Б нема ни Доналд Трамп во Иран. Ако воопшто некогаш имал и план А.

Рапидно се зголемува интернет содржината зад која не стојат човечки корисници туку ботови и вештачка интелигенција. Луѓето сè почесто им се обраќаат на чет-ботови за секојдневни прашања па ВИ сообраќајот се зголеил за 187 проценти додека автоматизираниот сообраќал лани растел осум пати побрзо од оној кој го создаваат луѓето.

Уште од неговиот прв мандат беше познато дека Доналд Трамп е „алергичен“ на читање. За да го намамат да ги прочита дневните брифинзи, неговите помошници се служеле со трикчиња - во материјалите му вметнувале слики и документи со неговиот потпис (кој обожава да го гледа). Денес е бетер. Наместо сериозни анализи за ситуацијата, му пуштаат двеминути видевца. 

Дубаи со години се преправаше дека живее со глава високо дигната над регионот во кој се наоѓа. Светкав меур кој лебди над Блискиот Исток, недопрен од хаосот околу него. А потоа дојде 28 февруари, иранските балистички ракети го распараа небото над него. Илузијата не преживеа ни едно утро. Парите и небодерите не купуваат гео-политички имунитет. На ракетите не им е гајле за брендирањето. 

Со оглед на денешната апсолутна доминантност на платформите за стриминг на музика, вакво предвидување се чини блесаво, но токму тоа го предвидува еден од највлијателните луѓе во тој бизнис. Моделот има финансиска „фабричка грешка“, ги фаворизира мега ѕвездите а ги изгладнува сите други. Досега се бараа начини како милион луѓе да ти ја слушнат песната еднаш. Во иднина ќе се бараат илјада души што ќе те слушаат засекогаш.

„Системот потфрли“ е џокер кој кај нас папагалски го повторуваат површни новинари, самонаречени аналитичари и самобендисани политичари, како адамов лист со кој се покриваат секакви гадости што се случуваат овде, од кочанската трагедија до трагедиите на оние кутри девојки кои загинаа во последно време. За разлика од кај нас, во развиени земји системот главно функционира. Само што чувството на гадење не секогаш е помало.   

Јанис Варуфакис пишува дека тоа што е и против режимот во Иран и против бомбардирањето на Иран не е седење на две столчиња. Теократскиот режим во Техеран е брутален ама е резултат на  70 години западна ароганција и агресија. Кога се осудуваат две страни во една беља, поштено е прво да се осудат „своите“, оние кои ти ги плаќаш. Жените во Иран сигурно нема да бидат ослободени од бомбите што  им паѓаат врз глава.