Според најнова анкета на еден американски институт (The Public Religion Research Institute), бројот на Американци кои го сметаат претседателот за диктатор е зголемен во споредба со претходна анкета спроведена во март.
Анкетата била спроведена на 5.469 возрасни лица кои живеат во сите 50 држави и открива дека 59% од испитаниците сметаат дека претседателот „е опасен диктатор чија моќ треба да биде ограничена пред да ја уништи американската демократија“.
Во март така мислеле 52% од испитаниците.
Замолена за коментар, Белата куќа соопштила дека единствено релевантна анкета за нив е онаа од последните избори кога Трамп беше избран за претседател. Додале дека е јасно дека Трамп веќе направил историски прогрес не само за својата земја туку и за светот.
Друга анкета (Marquette Law School) покажала дека рејтингот на актуелниот претседател е паднат на рекордно ниско ниво од 38%.
И покрај ова, кандидатите поддржани од Трамп продолжуваат убедливо да победуваат на прелиминарните избори против други републикански претседатели во држави, како што беше во Индијана, Луизијана, Кентаки и Тексас. Огромни 71% од републиканците рекле дека би поддржале кандидат поддржан од Трамп.
