Највисокиот американски авторитет за јавно здравје не испратил предупредување во врска со ковид вакцините и воспаление на срцето затоа што официјалните лица биле загрижени дека ќе се предизвика паника, покажува службен меил до кој дошол Епок Тајмс. Додека тие воделе сметка за својот имиџ во јавноста, мРНК вакцините масовно беа штанцани. 

Во Алабама е извршена првата егзекуција на затвореник осуден на смртна казна со помош на азот. Викаат дека тоа било похумано отколку со инекција со смртоносен коктел, како што вообичаено се изведува смртната казна во САД. Похумано? Јадников се мачел и се копрцал цели 22 минути пред да умре. Но, тоа не е сè. Претходно го имаат убивано четири саати. 

Акциите на Тесла паднаа за над 12%, откако берзата беше предупредена дека растот на продажбата годинава може да биде значително послаб отколку во 2023 година. Годишната заработка на Тесла, објавена ден претходно, исто така беше под очекувањата на Волстрит. Овие две работи инстантно избришаа околу 80 милијарди долари од берзантската вредност на компанијата на Илон Маск.

Некогаш синоним за слобода и животни шанси, денес Калифорнија пишти под разбудената агенда на гувернерот Гавин Њусом и суштински еднопартиската држава на која може да позавиди и кинескиот претседател. Децата во Калифорнија денес повеќе знаат за клима и зелени каузи отколку таблица за множење или граматика. А наскоро и рагби ќе им забранат.

Галамата околу оваа оценка на американскиот режисер не стивна ни кога Оливер Стон објасни дека му имаат извадено стара изјава која ја дал пред да излезе филмот. Попат Стон јако го запердаши и Џон Вик на Киану Ривс. А медиумите кои се гледаат како чувари на холивудските икони, оти па нема како да се опише Стон, го пишуваат како „апологетот на Путин.“ 

Се разбира дека ова не е вест и не би била вест да не беше светов ваков каков што па еден потег на актерката да црпне со шоља тазе снег и од него да си направи десерт не само што ги тригерна везден загружените онлајн кибицари туку стигна и до сериозни медиуми. Тие пак решија не само да ја пренесат „загрижноста“ на дел од јавноста туку и да консултираат експерти.    

Застрашувачка е помислата Јелена Карлеуша да им ги рецензира интерпретациите и да им мрси како се слаби со трилерите (мада, на Вејтс ваљда би му признала дека е добар „у доњим лагама“). Го прашале Дејвид Ковердејл истото, додуша не за Звезде гранда, туку за Американски идол. Не знае да одговори, не зашто не ги цени овие двајца, туку затоа што не гледа талент шоуа.

Главниот извршен директор на автомобилската компанија која ја има основано неговиот дедо, тврди дека привлечноста на електричните автомобили е ограничена и нивниот максимум ќе биде 30% од пазарот. Прво, сè уште се скапи, второ, недостасува инфраструктуира за полнење која таа опција ќе ја направи функционална и трето, милијарда луѓе на планетава живеат без струја. 

Амстердам ќе менува име на улица кое носи име на морско оревче затоа што тоа, морското оревче, имало колонијалистички конотации. Глупи Грци, можеа да бараат со Преспански да ни се забрани и тоа име, да речеме затоа што употребата на терминот МОРСКО оревче сугерира дека имаме територијални претензии. Нема што немаше да прифатиме во таа фасцинантна капитулација. 

Како и многу пати претходно, американските и британските сили повторно се заедно во акција, овојпат мавајќи по Хутите кои начисто ја пореметија бродската трговија преку Црвеното море. Иако таа трговија е од витално значење за економските прилики во Европа, како и многу пати порано, европската бирократија е назад со материјалот. Имале план. 

За да се справи со сериозниот недостаток на луѓе во германската армија, државата планираше да дозволи да се пријавуваат и луѓе од другите држави од ЕУ. Но, и така не испаѓа сметката па можно е предлогот да се прошири и на кандидати од држави кои не се членки на Унијата со што би им се забрзал процесот за добивање германско државјанство.

Во ни најмалку неочекуван исход, магазинот кој со децении беше синоним и парите ги правеше од избирање на најсовршените примероци на женскиот род и нивно објавување на насловната страна, ќе затвори само неколку години откако одлучи радикално да ги промени предусловите за појавување на нивните насловни.

Ако Киев сака да стави крај на војната и руската инвазија, Украина мора да се откаже од дел од својата територија, е пораката на новиот словачки премиер Роберт Фицо.

За прв пат по 1945 во Италија ќе биде дозволено римското отпоздравување, кое во Втората светска војна стана симбол на фашистите и нацистите, се додека истото не претставува закана за јавниот ред и мир.

Гардијан како „револуционерна“ оценува една научна студија од Универзитетот Колумбија чии наоди велат дека не е баш мудро да се откажеме од хартиените книги, како што сугерираа некои наши надобудни НВО курсисти. Науката порачува: за подлабоко читање - читање од хартија, за поплитко - читање од монитор. Станува јасна приложената фотографија? 

Паралелно со спогодбеното решавање на 5 милијарди долари тешката тужба по истата основа, Гугл јавно откри дека собира податоци од вашето користење на Гугл Хром дури и кога сте во „инкогнито“ начин на работење.

Кинеска компанија развила батерија која ќе трае подолго од уредите што ги напојува.  На нуклеарен погон е, помала од паричка и може да обезбеди енергија 50 години без полнење. Ја користи енергијата ослободена од нуклеарните изотопи и полупроводници за да ја претвори таа енергија во електрична енергија. На пронајдокот најмногу му се остри воената индустрија.

Продажните салони и придружните работилници во Германија што се во сопственост на Мерцедес наскоро ќе бидат продадени од компанијата, откако истото се покажало како успешен потег низ другите држави на Унијата како дел од нивната стратегија за оптимизација.

Владимир Зеленски стана махер да доаѓа до пари за Украина кога треба да се убедуваат државници чија работа е да располаѓаат со туѓи пари. Европјаните и Американците уште немаат пресметано колку пари од нивните даноци вкупно имаат отидено за Киев и војната против Русија. Но, кога се работи за приватни пари, работата оди малку потешко. 

Губејќи ја врската со работничката класа, социјалдемократијата во Германија ја изгуби смислата и останува без работа а нејзината улога ја преземаа партиски неутралните, но моќни синдикати. Невозможно е во бледиот социјалдемократки бирократ Олаф Шолц да се гледа како на некаков левичарски лидер. Тој останува во сенка на некогашната владина шефица од ЦДУ, Ангела Меркел, а кој би гласал за сенката кога има оригинали? 

Нов извештај на американски тинк-тенк наведува јасни докази дека високите корпоративни профити се главен двигател на тековната инфлација во САД.  Компаниите продолжуваат да ги одржуваат цените високи дури и кога нивните инфлациски трошоци се намалуваат. Како и кај нас, колку и да се намалиле некои влезни трошоци, фирмите не се откажуваат од ќарот на кој навикнаа.

Сопствениците на електрични автомобили во Велика Британија добија предупредување да ги држат колите наполнети во текот на ноќта и да ги загреваат пред употреба за да не бидат непријатно изненадени кога ќе излезат на пат на досега најниските температури оваа зима. Кај нив падна и на речиси минус петнаесет деновиве.

Глобалната компанија за изнајмување возила се пожалила дека муштериите повеќе преферираат коли со мотор со внатрешно согорување, плус високиот трошок за замена на електричната флота, заради што распродава дел од електричните возила што ги имаше.

Како што ОпенАИ отвори продавница за модифицирани верзии на ЧатГПТ, пример ми треба бот фокусиран на архитектура или историја или музика, така истата се преполни со готови ВИ девојки, а не требаше да има ниту една.