Политичката цензура која денес владее на Запад е точно иста како онаа што владееше во Кина во ерата на Мао Це Тунг. Ова не го тврди некој денешен чауш од Комунистичката партија на Кина. Ова го вели познат кинески политички уметник и дисидент кој има пораснато, живеено и работено  во северозападна Кина а веќе осум години живее на Запад. 

Успесите што Украина во 2022 ги имаше кај Киев, Харков и Херсон ветуваа неизбежен успех на уште подобро подготвуваната и опремена летна контраофанзива во пробивање на руските линии и конечно враќање на окупираната украинска територија. Контраофанзивата почна и заврши, однесе илјадници животи на двете страни, не донесе никаков успех.

Некогаш кафанскиот муабет „абе треба сите да ги оставиш колку сакаат да шибаат стероиди“ е на пат да стане реалност откако организаторот на „Олимпијада на стероиди“ доби поддршка од еден од најбогатите луѓе од Силициумската долина, Питер Тиел.

Пред воопшто да се потпише каков било договор за решавање на палестинското прашање меѓу Палестина и Израел, палестинската држава би можела да биде признаена од Британија, порачува британскиот министер за надворешни работи, Дејвид Камерон.

Канада ја стопира контроверзната програма за асистирано самоубиство на ментално болни лица, бидејќи не може да собере доволно доктори кои би учествувале во истата.

Две третини од најпросперитетните држави во светот се во Европа (иако тоа не значи автоматски и во ЕУ; првите три на оваа табела не се членки на Унијата), но нееднаквоста е огромна, и во самата ЕУ и споредено со оние кои се надвор од неа. Луксембург и Бугарија се два света, иако во иста Унија. Ние? Додека Талат се курчи со паркирани Мерцедеси на плоштад додека пие кафе, ние ќе скроламе за да се најдеме.

Лондонскиот градоначалник Садик Кан инвестира 150 милиони фунти на „таен“ технолошки проект, кој на оние што возат по Лондон, ќе им наплаќа надомест за користење на улиците по изминат километар. Ќе дочекаме ли и за дишење да наплаќаат по градовите?

Спотифај и Џо Роган го одработија фамозниот тригодишен договор по кој блокбастер подкастот досега одеше ексклузивно на оваа стриминг платформа. Не ја прекинуваат соработката. Напротив. Потпишуваат нов договор и сега уште повеќе пари се во игра. Оние што го бојкотираа Спотифај заради него веројатно сфаќаат дека не можеш сите да ги замолчиш со бојкотирање.

Вегански ресторан кој или погрешно ја проценил својата публика или своето знаење од веганска гастрономија, ставен пред избор меѓу пропаѓање или воведување месо, одлучил да го распафка ќумурот.

Во Франција беа испратени оклопни возила да го заштитат пазарот во Париз за продажба на земјоделски производи на големо, во Брисел земјоделци опколија згради на ЕУ, Германија беше блокирана од трактори, а на протести се кренаа и земјоделци од Италија и Грција.

Воден од идејата дека вештачката интелигенција не може да се победи со стопирање и регулација а дека на крајот таа сосема извесно ќе биде супериорна во однос на нас, Маск верува дека за таа претстојна битка и егзистенцијална закана и ние мора да се апгрејдираме. Го ставија првиот чип во човек и немаме ништо против, сè додека не го поврзат со интернет. Дури тогаш ќе се испогубиме.

Universal Music ќе ги повлече своите милиони песни од ТикТок откако преговорите на оваа тема пропаднаа. Се разбира, се работи за пари.  Овој потег би значел дека социјалната платформа повеќе нема да има пристап до песни на артисти како Тејлор Свифт, The Weeknd, Дрејк.... Тие држат околу 30 посто од светската музика а ТикТок има над милијарди корисници.

Четири години по набавката САД и понатаму е упорен дека Турција треба да се откаже од рускиот С-400, а стимул за тоа е дека Вашингтон ќе се прави како ништо да не било и пак ќе ги вклучи Турците во Ф-35 програмата.

Номинацијата на Трамп се базира на неговата заслуга за постигнување на Аврамовите спогодби меѓу Израел и Арапите, која според предлагачите се уште го нема добиено заслуженото признание.

Војната во Украина не е добра само за американскиот воено-индустриски комплекс, како што обично во САД се правда масовното праќање оружје на Украина, од аспект на зголеменото производство и работните места во тој комплекс. Затоа што и Русија има воено-индустриски комплекс. ММФ сега тоа го признава и ги менува прогнозите за Москва. 

Украинскиот претседател се откажал од смената на генералот Валериј Залужниј, барем за сега, откако добил закана дека заедно со Залужниј ќе заминат и највисоките офицери на украинската армија.

Првиот човек на норвешките вооружени сили предвидува дека Западот има две до три години за да се подготви за војна со Русија, Трамп победува на Њу Хемпшир, а Путин кон крајот на минатата недела се појавува во Калининград, сето ова аналитичарот на Телеграф го смета за причина што Британија за прв пат по децении е преплашена од започнување на Трета светска војна.

Студија открила дека оние кои донираат крв и крвна плазма, полесно се ослободуваат од таканаречените вечни хемикалии кои се неуништиви а ги има насекаде во човековата околина. Веста е добра за оние што донираат, но отвора проблем за оние што примаат, затоа што тие концентрации не се мерат. Дали некои сега ќе донираат крв само за да си го исплакнат организмот?

Како што блокадата на Републиканците за нова воена  помош за Украина се одолговлекува во четврти месец, администрацијата на Џо Бајден најде итар начин да им доставува оружје и муниција на украинските сили. Им даваат оружје и воена опрема на Грците за овие потоа да им даваат на Украинците.

Јасната економска математика покажува дека колку повеќе луѓето инсистираат да го задржат својот економски статус со зголемување на платите, толку повеќе придонесуваат кон растот на инфлацијата. Решението е или да се откажат од повисоки плати или да се откажат од пониска инфлација.

Судија во Делавер, американска држава во која е регистрирана компанијата Тесла, пресуди дека пакетот компензации кој Маск го добива за она што го прави за компанијата не може да биде поголем од 55 милијарди долари. Значи, може да си купи уште еден Твитер (за кој плати 44 милијарди) а другите 11 милијарди, за што попрво... Маск предлага, ако не ви се плаќа, дајте акции.  

Последно што објави Гардијан е дека Зеленски побарал од Залужни да даде оставка но популарниот командант на украинските вооружени сили одбил па се очекува да биде сменет. Ако е вистина тоа, Ким Дотком има една морничава верзија што се случува зад кулисите на оваа битна кадровска смена. Според него, конците ги влече „вистинскиот претседател на Украина,“ Викторија Нуланд.   

Нов водител и извршен продуцент на водечкото шоу на Комеди централ ќе биде човекот што го прослави и го претвори Дејли шоу во бренд и најпопуларниот водител на шоуто - Џон Стујарт.

За да се намали ќарот и исплатливоста на нелегалната продажба на кокаин, градоначалничката на Амстердам побара регулирање на продажбата и употребата на супстанцата, слично на формулата што беше искористена за марихуаната.