Додека остатокот од ЕУ не може да се помири дека биле шпионирани од својот најголем сојузник, Германците се многу позаинтересирани за тоа кој дел од индустриските тајни им се украдени со прислушувањето.

Министерството за надворешни работи на САД потрошило 630.000 долари за да собере што е можно повеќе фанови на Фејсбук.

Во речиси половина од јапонските домаќинства сопругите го контролираат буџетот, ова значи дека тие контролираат и колку пари ќе му дадат на мажот за излегување и слични потреби.

Од почит кон светиот месец Рамазан стражарите во Гвантанамо ќе престанат преку ден со сила да ги хранат затворениците муслимани кои штрајкуваат со глад. Наместо тоа (од почит) ќе почнат со сила да им бутаат храна после зајдисонце.

Новинарот Том Стаал живи фати двајца евро парламентарци како влегуваат во зградата на Европскиот парламент само колку да се регистрираат за да можат да земат дневница за денот.

Професор-хонорарец кој предава цела учебна година на Сити Универзитетот во Њујорк може да очекува плата од 25.000 долари годишно. Сепак ако неодамна си дал отказ како директор на ЦИА и решиш да предаваш на овој Универзитет, тогаш можеш да добиеш и до 8 пати поголема плата, за само дел од работата.

ИБМ со своите повеќе функционални билборди (со поента дека ИБМ ги прави градовите да бидат попаметни) го освои Гран прито во категоријата надворешни реклами на годинешниот Кан Лајонс Фестивал.

Гардијан има ексклузивен извор со уште еден огромен комплет докази за американското шпионирање и како европските влади го дозволуваат тоа. Откако објавуваат, решаваат да го гуглаат името на својот извор. Undo.

Старите парови ги решаваат конфликтите на тој начин што воопшто не ги решаваат, туку наместо тоа само ја менуваат темата на разговор.

Најзборуваното ТВ шоу за годинава, во исто време според бројките на ТорентФрик ги држи и рекордите за најпиратирано шоу на сезоната.

Најмалку еден оригинален филм годишно и многу помалку продолженија е планот на Пиксар за иднината.

Од Турција до Бразил луѓето излезени на улици му пркосат на солзавецот и ја прескокаат државната цензура, додека државните медиуми станаа единствена публика сами за себе.

Цела шема за перење пари е откриена само заради тоа што главните ликови ги фатила мрза и одлучиле наместо на ситно, да префрлат милиони долари за купување на 10 милиони парчиња сапун.

Како што добар дел од работите кои ги гледаме во порното се преувеличени, така и бројките за тоа колку има порнографија на интернет се сериозно преувеличени.

Пред 30 години просечниот извршен директор во голема американска компанија, заработувал 30 пати повеќе отколку просечниот работник. Денес разликата во платата на едниот и другиот е меѓу 202 и 273 пати.

Без разлика на се што се случува во моментов, младите (од 18 до 30 години) сметаат дека иднината ќе биде добра, и најдлабоко се уверени дека можат да го променат светот (на подобро) и нивната околина.

Лиса Блументал од Бостон пред некое време купи две паркинг места во градот за 560.000 долари, не и требаа на неа туку и било незгодно гостите што немало каде да паркираат. Без разлика како ни изгледа цената, ова не е ниту најскапото, ниту единственото вакво паркинг место.

Во рок од 20 секунди украинскиот УБОП (Управа за борба против организиран криминал) хируршки прецизно реши една 7-члена гангстерска банда од Киев.

Ресторан смее да понуди домашни јадења само ако тие се свежо подготвени, стои во новиот француски закон против подгревањето храна во ресторани.

Елизабета Втора за 2014-та (која очигледно се очекува да ја истера до крај) ќе добие 5% поголема плата, и ќе изнесува колку платата на Коби, ЛеБрон и Тони Паркер заедно.

Магазинот Форбс ја прогласи Опра за највлијателна славна личност на планетава, што и не е нешто ново, она што е ново е што одлучија да ја променат методологијата за составување на листата и да ги избришат насловните страни на списанијата како дел од равенката.

Со седум години казна затвор и доживотна забрана за вршење на јавна функција, завршува кариерата Берлускони, а со тоа и крајот на Втората република. (Првата беше 7-кратниот мандат на Андреоти.)

Дел од проблемите што од Гугл ги поставуваат за време на интервјуата за работа, се крајно бескорисни во откривање на тоа кој би бил добар вработен.

Да, милион пати сме го виделе фамозниот црвен телефон на релација Белата куќа - Кремљ кој служи за исклучителни ситуации да се чујат супер силите пред да се дигнат во воздух. Ама на екран. А на екран сме го гледале и Лазе Бараков, па никогаш не ни отворил порта.