- Германија, Холандија, Австрија, Данска и Германија веќе идниот месец може да потпишат договор со Руанда за изградба на заеднички центар во кој ќе бидат депортирани мигранти.
- Претставници од овие земји во септември го посетиле Кигали, а делегација од Руанда неодамна била на турнеја низ Европа. Договорот би можел да биде потпишан на Конференцијата за миграција во Виена, која ќе се одржи кон средината на ноември.
- Во првичната фаза од иницијативата би бил изграден центар што би примил околу 100 луѓе, по околу 20 депортирани од петте европски земји.
- Советот на ЕУ на почетокот на октомври одобри депортирање мигранти во центри во „трети земји“ наместо во матичните, за да не им биде загрозена безбедноста. Предуслов е земјата што ги прифаќа европските мигранти да ги почитува меѓународните стандарди за човекови права.
- Руанда постигна сличен договор за прифаќање мигранти од Британија, но беше блокиран од Европскиот суд за човекови права и од Врховниот суд на Обединетото Кралство, кои оценија дека Руанда „не е безбедна трета земја“.
- Во ноќта меѓу сабота и недела, на 25 октомври, почнува зимското сметање на времето. Во 3 часот по полноќ станува 2 часот.
- Одговор на главното прашање: таа ноќ ќе спиеме еден час подолго.
- Со ова завршува периодот на летно сметање на времето, по што деновите попладне ќе станат пократки, односно порано ќе се стемнува, но и порано ќе се разденува.
- Поместувањето на часовникот двапати годишно со децении се оправдуваше со потребата подобро да се искористи дневната светлина да се намали потрошувачката на енергија.
- Европската комисија во својата анализа на ефектите од летното сметање на времето заклучи дека енергетските заштеди се маргинални.
- Во март 2019 година, Европскиот парламент гласаше за укинување на практиката од 2021 година, но тоа не беше доволно за законската промена да стапи во сила.
- Македонската влада тогаш изнесе став дека ќе се усогласи со одлуката на Брисел и ќе го укине поместувањето на часовникот кога и цела Европа ќе го стори тоа. Но, не беше донесен став дали Македонија трајно ќе остане во летното или во зимското сметање на времето.
- Извозот на нафта од Персискиот Залив во изминатата недела бил во просек над 24 милиони барели дневно, надминувајќи го предвоеното ниво од 23,3 милиони барели, според податоци на компанијата Kpler.
- Со танкери преку Ормускиот теснец, вклучувајќи ги и претоварите на отворено море, поминувале по околу 14 милиони барели на ден, што е 82% од нивото пред војната.
- Во септември околу 40% од суровата нафта од Заливот се извезувала преку нафтоводи на копно, за разлика од 17% во времето пред САД и Израел да му објават војна на Иран.
- Трговците предупредуваат дека оваа стабилизација не е одржлива, бидејќи Трамп веќе се закани со уште пожестоки напади врз Иран кога ќе завршат изборите за Конгресот во САД во ноември.
- Се очекува цената на барелот нафта на светските берзи да се задржи над 100 долари - и поради зголемената побарувачка и поради тоа што транспортерите сега го наплаќаат и ризикот од блокада или ракетирање на бродовите.
