Нема тука некоја вест, главна е фотографијата која го релативизира смртно сериозниот имиџ на високите евро - авторитети и нивната способност доброволно да изгледаат како да изгубиле опклада од некои локални мајтапџии. Шпанија, Ван Ромпуј.

Бразил е петта по површина држава во светот, а Мундијалот ќе се игра во 12 градови низ целата земја. За репрезентацијата која ќе победи во финалето ова значи дека во просек ќе треба да пропатува 12.000 километри.

(И покрај тоа што совршено звучи, насловот не е име на нова турска серија) Теоријата е дека причина за егзекуцијата на вториот најмоќен човек во Северна Кореја, е дека тој не ракоплескал доволно силно.

Математиката е да се провери колку месеци му требаат на просечниот работник за да ја заработи сумата што неговиот ЦЕО заработува со еден час работа.

Том Круз партал го направија откако ја спореди тежината на својата работа со онаа на американските војници во Авганистан. Кога истото го изјави и Канје Вест, сите му преќутеа, толкувајќи го го тоа како еден од неговите бројни его излети. Сè додека еден полицаец од Охајо не седна и му напиша одговор.

Млекарската индустрија во САД има започнато масовна кампања за да ги убеди купувачите дека чоколадното млеко е најдобар пијалак за спортистите после тренинг. Колку се во право?

Неколку дена пред пуштањето на третиот албум, Лејди Гага се раздели со својот менаџер Трој Картер. Кратко по ова и Џон Мајер ја отпушти својата менаџерка. Трент Резнор го отпушти Џим Гуеринот, за да потпише за агенцијата што ги води Фу Фајтерс и Квинс оф Стоун Ејџ.

Неколку главни работи што можат да се научат е дека нема многу секс и нема премногу пари во работата (за американски услови), ама можеш да бидеш сигурен дека ќе имаш само згодни колешки.

На Твитер 2013-та започна со паѓањето на хеликоптер во Лондон, во Германија се расправаа за шовинизам, од Австралија го гледавме отвореното првенство во тенис, а Обама чекаше на втората инаугурација.

Во текот на еден ден низ канализацијата на Мумбај минуваат доволно отпадни води за да се наполнат околу 4.500 Олимписки базени.

Фејсбук ги извади бројките за тоа што најмногу сме правеле кај нив на социјалната мрежа во 2013-та. Главна занимација за годинава на светско ниво - менување вашиот љубовен статус.

Откако премијата се наталожи затоа што последните 20 кола беа неуспешни, за извлекувањето на петок 13-ти премијата достигна 400 милиони долари. Шансите да ти се падне џекпотот се 259 милиони спрема 1.

Турски лешници, малезиско палмино масло, нигериско какао, бразилски шеќер, француска ванила..и македонски мерак да се јаде.

Група активисти за права на животните се инфилтрира во фабрички фарми за производство на месо, каде тоа што животните треба да умрат за да се претворат во храна и не е најлошата вест. Она што го регистрираат е доволно да ве претвори во доживотен зобач на овес.

Комплетниот фонд на книги на Националната библиотека на Норвешка се дигитализира (се префрла од печатено издание на компјутер) и без разлика на авторот или сопственикот на правата, книгите ќе бидат бесплатни за читање.

Виралноста е светиот грал на рекламите, нема рецепт кој ќе ти гарантира успех во ова, единствено ако рекламата почне да ти се тркала на интернет знаеш дека си направил нешто добро и си ја погодил жичката. Ова се најгледаните реклами на ЈуТјуб за оваа година.

Додека во САД темата беше што му текна на Обама да прави селфи за време на погреб и колку многу ќе треба да се објаснува со жена му, Данците се бесни затоа што никој не ја препознал нивната премиерка во фотографијата со Обама и Камерон.

Во потрага по бескраен живот, научниците анализирале 46 различни видови вклучувајќи цицачи, растенија, алги и габи. На крај успеваат да најдат вид кој има вечен живот.

Гино, Џоле, Мите и Тања. Се викаат Темпера, ова им е првиот хит. Тазе - најтазе. 

Регионот на Југоисточна Европа се наоѓа на енергетски крстопат- во следните десет години се планира да се потрошат 30 милијарди евра за енергетски проекти во нашиот регион. Македонија, како?

Оваа компаративна анализа на половите нема врска со правата и еднаквоста, ова е чисто хардверски

Во конкретниов случај колегите ти се високи дипломати во министерства за надворешни работи низ ЕУ, а сопруга ти е Карла Бруни.

Пресметката е направена за брза помош во САД, ама уште од старт да ви кажеме дека нема некоја конечна цена бидејќи сумата има многу варијабли кои ја менуваат цената. Ама ако претпоставиме дека ви се слошило во Монтереј Каунти, Калифорнија, доаѓањето на амбулантна кола ќе ве чини 2.206 долари.

На 14 декември 2012-та, 20 деца и 6 возрасни беа убиени во основното училиште Сенди Хук. Тоа изгледаше како да е крајот на комплетната дебата за правото на носење оружје. Во годината од тогаш убиени се уште 194 деца.