Пред изборите во јануари, Жижек имаше свој текст во кој пишуваше за "итната неопходност за победа на Сириза во Грција," и дека тоа е единственото вистинско решение за земјата. Деновиве го коментираше и (по него неизбежниот) пораз на Сириза во преговорите со ЕУ.

Британците прават истражување на тема како седењето дома (заради невработеност) влијае на твојот карактер. Заклучок - немој да се чудиш што имаш толку незадоволен народ.

Поранешната американска порно ѕвезда Саша Греј ја напушти својата актерска кариера и им се придружи на про-руските бунтовници во источна Украина сè додека не беше брутално убиенa од украинските владини сили.

Американските власти објавуваат нови прехранбени препораки, меѓу нив надвор од сите очекувања, и препораката дека треба да пиете повеќе кафе, затоа што има минимални ризици, а и помага за срцеви заболувања и тип 2 дијабет.

Денес (сабота) му е 91-от роденден на врховниот лидер, главниот командант во вооружените сили и претседателот на Зимбабве, Роберт Мугабе. Забавата ќе се одржи следниот викенд. Буџетот за настанот е околу 1 милион долари, а најголемиот дел е собран од народот (не по воља на народот).

Откако стави филтер што (по избор) може да го блокира целото порното кај интернет корисниците, британската влада откри еден пропуст - Твитер, каде се проценува дека дневно се објавуваат околу 500.000 фотографии за возрасни.

Во САД постои еден интересен медиумски модел на јавни радио станици и телевизии кои не живеат од реклами. Моделот не е доминантен но дава исклучителни резултати. Не, тоа не значи да крадеш од други медиуми и тоа да им го наплаќаш на читателите. 

За да покаже дека образованието е преценeто, американски милијардер им дава пари на студенти да го баталат факултетот и да почнат свој бизнис.

На трафиките во Грција од оваа сабота може да се најде и интергрална грчка верзија на парискиот сатиричен неделник. За авторите е предизвик  да се биде присутен во земја во која владее малку поинаков верски фанатизам од исламистичкиот.

Рецептите не се од Владата, туку од мексиканските картели и во основа се делат на два начина: перење пари преку финансиски институции, и без нив, со трговија и инвестиции.

Документарец на БиБиСи тврди дека еден од најблиските помошници на Принцот Чарлс им давал (штетни) информации на британските весници за Вилијам и Хари, со цел да ја спаси репутацијата на Чарлс.

Ако по завршувањето на Оскарите со себе не понесеш златна статуетка, тогаш е голема веројатноста дека со себе ќе понесеш торба со подароци, со вкупна вредност од 167.586 долари.

Епархијата на Келн направи годишна пресметка во која им излезе дека вредат околу 3,35 милијарди евра. Во исто време богатството на Ватикан се проценува на 2,64 милијарди евра.

Како премиер има потрошено 24.000 долари за една година на храна за носење. Овие 66 долари на ден ги потрошил и покрај тоа што во резиденцијата има личен готвач. Бројките се од извештајот на државниот ревизор. Цела држава е на нозе заради ова.

Додека траат натегањата меѓу Грција и ЕУ околу враќање на парите, кои моментално се некаде во сферата "јас имав мака што ти побарав пари, ти што мака имаше да ми ги дадеш," се разгледува и за сега најстрашната опција - напуштање на еврото.

Стрејт мажите е многу поверојатно од стрејт жените да се во заблуда дека некој/а им се пушта. А многу е лесно, ако ти се насмее не значи дека те сака или сака нешто од тебе, освен кога баш тоа значи, ама исклучокот не е толку чест, но сепак на тебе може често да ти се случува. Гледате, лесно.

Деновиве завршуваше судењето против Доминик Строс-Кан по основа на изнајмување проститутки. Неговата одбрана, барем за случајов, беше непробојна.

Бројката што ја гледате на шише вино, ја означува годината кога е собрано грозјето од кое е направено виното, и нема никаква врска со тоа кога е флаширано виното и кога се појавува на пазар. И генерално, ова не е нешто многу важно.

Водителот на Last Week Tonight посвети цели 20 минути од неделната епизода на тутунските компании, особено пржејќи го Филип Морис заради неговите судски спорови со држави кои се обидуваат да го заштитат нивното јавно здравје. Компанијата му возвраќа со неколку линкови.

Вол Стрит Журнал прави поделба на Оскарите меѓу номинираните во категоријата за најдобар филм, во категории кои никаде никој не ги ни споменал.

Надлежните (IETF HTTP Working Group) и официјално ја финализираа следната верзија на HTTP, која сега чека да го мине процесот на одобрување пред и официјално да стане стандард.

Луѓето имаат предодреденост да претпостават дека две работи се поврзани само затоа што се случиле една после друга (илузија на последователност) и ова не само што ќе цементира погрешни идеи во нашиот мозок, туку и ги спречува новите информации да ги корегираат нив.

Со страв и цврста рака Исламската држава лесно го воспостави посакуваниот дрес-код кај жените во териториите кои ги контролира. Но, бидејќи дисциплината е нешто што постојано треба да се вежба, сега се бара носење на двојно поставени бурки.

По две и пол години работа затворен е единствениот МекДоналдс во Бања Лука. За разлика од приказната кај нас, кај Босанците проблем беше цената и ќебапите.