Вести › Набрзинка

Пленковиќ: Две европски држави на Македонија ѝ одземаа 21 година

16 октомври 2026

Две држави членки на Европската Унија ѝ одзеле на Македонија 21 година од нејзиното институционално приближување кон Унијата, изјави Андреј Пленковиќ, бранејќи ги осумте услови што Загреб ги постави пред Црна Гора. Тој тврди дека Хрватска постапува конструктивно, за разлика од начинот на кој Македонија била блокирана на својот европски пат.
„На пример, ја имате Македонија која во 2000 година беше пред Хрватска во институционален поглед, а сè уште не ги отвори преговорите. Постојат две држави кои од 2005 до 2026 година одзедоа 21 година од институционалното приближување кон ЕУ“, изјави Пленковиќ во Брисел.
„Хрватска не го презеде тој пристап. Наспроти тешкото наследство, ние кон Црна Гора пристапивме многу конструктивно и ги издвоивме само оние точки за кои сметаме дека треба да ги исполнат и кои, како идни членови на ЕУ треба да ги преземат како европски вредности“.
Германија била најактивна во притисокот кон Хрватска и обидите да се најде решение за осумте хрватски барања. Владата на германскиот канцелар Фридрих Мерц веќе понудила посредување меѓу двете земји.

извор

Сомалиленд го слави „признавањето“ од Трамп

16 октомври 2026

Жителите на Харгиеса, главниот град на Сомалиленд, масовно излегоа на улиците, вееја американски знамиња и извикуваа „Да живее Америка!“, прославувајќи ја изјавата на Доналд Трамп дека нивната самопрогласена држава е „сосема различна земја од Сомалија“. Изјавата, сепак, не значи дека САД го признаваат регионот за независна држава.

„Изјавата на Доналд Трамп го означува почетокот на американското признавање на Сомалиленд“, изјави Али Хаши од Харгиеса.
Отцепениот регион, кој е на стратешка геополитичка локација во Аденскиот Залив, досега е признаен само од Израел. Поседува сопствена валута, пасоши и војска и важи за постабилен и подемократски од Сомалија.
Сомалиленд стекна независност од Британија во 1960 година, само пет дена пред Сомалија да се ослободи од италијанските колонизатори. Двата региона се споија во Република Сомалија, но во 1980-тите почнаа граѓанска војна. Сомалиленд повторно прогласи независност во 1991 година.
Патем, Трамп забележа дека не му се допаѓа името Сомалиленд. Му било позгодно да биде „Сомалија Ленд“.

извор