- Претседателот Володимир Зеленски ја предупреди Европа дека ќе мора да се соочи со масовен егзодус на милиони украински бегалци ако Русија победи во војната.
- „Ако тој победи, колку Украинци ќе дојдат во Европа? 20 милиони?“, праша Зеленски, без да објаснува како ја пресметал таа бројка.
- Според податоци на Eurostat, до крајот на август европските земји им дале привремена заштита на 4,43 милиони Украинци кои ја напуштиле земјата поради војната. Статусот им овозможува на Украинците престој и пристап до пазарот на трудот во ЕУ без редовна постапка за добивање азил.
- Зеленски во Брисел побарал и дополнителна финансиска и воена поддршка од најмалку 70 милијарди за одбрана, оружје и за зајакнување на отпорноста на Украина во 2027 година.
- Трамп блокира клучни американски санкции и царини поврзани со Русија, само неколку дена пред тие да стапат на сила согласно „Законот на Линдзи Греем“, усвоен од Конгресот и потпишан од претседателот минатиот месец.
- Мерките вклучуваат царини за увоз на руски стоки и казнени царини од 100% за земји што купуваат нафта и гас од Русија.
- Трамп истакна дека ги одложува санкциите „заради националниот интерес на САД“. Проценките се дека новите мерки дополнително ќе ги зголемат цените на горивата, токму пред изборите за американскиот Конгрес во ноември.
- Во новата наредба се истакнува дека законот не се укинува целосно и дека санкциите ќе може да бидат воведени „кога Трамп или високи функционери ќе проценат дека се соодветни“.
- Кирил Дмитриев, претставникот на Путин за инвестиции, ја нарече одлуката на Трамп „историски момент“, бидејќи законот ќе запрел секаква економска соработка меѓу Русија и САД.
- Кејти Закарија, новата прес-секретарка на Белата куќа е разрешена по само пет дена на функцијата. Почна со работа во понеделникот и сè уште не беше ни преселена во Вашингтон.
- Веќе на првиот (и единствен) брифинг за новинарите беше очигледно дека таа нема да издржи долго на позицијата. Читаше подготвен текст и ги прекина прашањата по само пет и пол минути. Нејзината претходничка Каролин Ливит имаше редовни брифинзи од по 45 минути.
- Потоа уследи лавина написи во медиумите откако лажно се претставила како адвокат, иако всушност не го положила правосудниот испит. Кога новинари прашале во која сојузна држава положила правосуден испит, таа двапати одговорила: „Кога се преселив во Кина“.
- Претседателот Трамп вчера изјави дека Закарија можеби ќе продолжи да работи за него, но во некаква попријатна форма“.
- Трамп ѝ ја понудил работата минатиот петок, по препорака од неговата влијателна советничка Натали Харп. За другите во Белата куќа, било големо изненадување ангажирањето на Закарија - поранешен хонорарен коментатор на „Фокс њуз“.
