Вести › Набрзинка

Ја тужи кладилницата во која ги изгорел парите

10 ноември 2026

Американец кој на спортско обложување изгубил 308.000 долари ќе проба да ги врати парите со тужба дека не требало да му дадат да се клади.
Тој ја тужи платформата за предвидување Калши дека нелегално работела кога тој ги уплатил парите.
Американски обвинители од многу сојузни држави бараат начини да ги затворат популарните платформи како Калши и Полимаркет заради кршење на законите за коцкање но овие засега успеваат да тврдат дека тоа нивното не е коцкање (тукуи предвидување на настани). А многу интересни пари се влезени во тој бизнис, како оние на Трампови, на пример (види подолу).
Исходот од тужбата на Скот Брајт против Калши ќе биде сигнал дали малерите како него ќе можат да си ги вратат парите.

Види: Трамп ја претвори Америка во најголемото казино на светот во кое сите губат

извор

Мерц ќе го блокира буџетот на ЕУ ако Украина не биде финансирана колку што треба

10 ноември 2026

Германскиот канцелар Фридрих Мерц се заканил дека ќе го блокира усвојувањето на следниот седумгодишен буџет на Европската Унија доколку сите земји членки не се обврзат да ја продолжат финансиската поддршка за Украина.
Мерц бара Украина да влезе во буџетот на ЕУ до 2034 година. Според проценките, Украина само следната година би можела да се соочи со недостиг од 70 милијарди евра.
Повеќегодишното финансирање на Украина од 2028 година вклучува и покривање на каматите на веќе преземените обврски.

извор

Трамп: Војната со Иран е „практично завршена“

10 ноември 2026

Доналд Трамп оцени дека војната со Иран „всушност е завршена“. Поморската блокада ќе продолжи сè додека не се постигне официјален договор со Техеран за нуклеарната закана и за сообраќајот низ Ормускиот проток.
„Во овој момент, преземањето воени дејствија не изгледа како нешто неопходно – но ние сме целосно подготвени и вооружени, спремни да реагираме доколку се појави причина за тоа“, изјави Трамп.
По разговорите во Овалната соба со катарскиот премиер, Трамп истакна дека САД немаат причини да ја ескалираат војната, бидејќи нивите сојузници се добро заштитени.
„Израел, како и целиот Блиски Исток, се заштитени од иранската опасност и закани... Ќе се погрижиме интересите на Америка во секое време да бидат заштитени. По завршувањето на овој воен ангажман, американскиот народ, а и светот, ќе бидат многу побезбедни и посигурни“, изјави Трамп.

извор