Трансродовите тинејџери понекогаш решаваат да го променат полот. Понекогаш и повеќе од еднаш. Проблемот е во тоа што полот не е фризура па спонтано да се врати во првобитната состојба. Во такви ситуации, да се најде некој зрел во близина и не е така лоша работа.

Ништо националистички и расистички, туку пиар пред светот и бизнис, па додека Кина се брендира како центар за чиста обновлива енергија, целото свое производство на јаглен го преселија во Африка.

Занимливо е да се мозга како еден замислен просечен Македонец ќе ја прочита (доживее) приказната за Мијанмар и Рохинџите. Дали во Рохинџите ќе ги види македонските Албанци (заради нивниот муслиманскиот сепаратизам) или пак нивната ситуација повеќе ќе му асоцира на Македонците во Грција (заради обесправеноста и проблемот со името). Меѓу нас кажано, оваа енигма се потпира на една луда идеја: дека просечниот Македонец воопшто ќе прочита за што се работи.

Дали затоа што во секој момент може да твитне нешто што ќе заврши со смрт на десетици илјади луѓе, дали затоа што редовно игра по живци на јавноста со гранично расистички твитови или затоа што народ не сака да си легнува во паника од тоа што ќе твитне американскиот претседател во 4 и 20 сабајле, очекувањата на јавноста се дека Твитер ќе ја блокира и затвори сметката на Трамп. Е па, нема.

Вградувањето редовни "паузи" во твојата диета може да ти помогне да ослабеш повеќе и подолго да ја задржиш новата тежина отколку ако се обидуваш да тераш непрекината и поштена повеќемесечна диета, гласи најдобрата препорака што човек на диета би сакал да ја чуе и доаѓа од австралискиот Универзитет на Тасманија.

Државјани на ЕУ, особено оние од централна и источна Европа масовно ја напуштаат Велика Британија заради очекуваните компликациии околу  нивните работни места кои ги носи брегзит. А газди на ресторани а островот велат дека не можат да замислат Британец кој ќе стане од кревет и ќе оди некаде да мие чаши.

Со постава од препознатливи ликови но освен тоа чисто бескорисен, Комитетот за истражување на Русија речиси и да нема цел, пишува Хана Гаис во Аутлјан за новиот ангажман на Морган Фримен како заштитно лице за неодамна формираната „непартиска, непрофитна“ организација во чие име актерот објави дека Америка е нападната од Русија (наводното хакирање избори) и „ние сме во војна“.

Како што германските медиуми го срочија, минатата деценија и нешто беше "Меркел ваму, Меркел онаму, Меркел секаде". На изборите што ќе се одржат викендов, оваа пракса се очекува да биде продолжена барем уште еден мандат.

Белиот супрематист кој пред две години уби 9-мина невини верници во црква рече дека воопшто не се кае за масакрот. Но затоа не му падна сеедно кога дозна какви адвокати треба по службена должност да ја обжалат неговата смртна казна.  

По барање на Европската комисија и по цена од 360.000 евра изработена е студија за тоа како пиратеријата е штетна за продажбата на музика, книги, видео игри и филмови. Резултат: ЕУ никогаш не ја објави студијата.

Без да се навлегува во детали за сите можни демографии, предложеното правило што треба да се следи е: ако можеш да завршиш работа без лаптоп пред тебе, веројатно си ок.

Неколку месеци откако личното обезбедување на Ердоган сред главниот град на САД, пред полиција, медиуми и што уште не, потече од ќотек една група анти-Ердоган демонстранти, турскиот претседател одлучи додека е во Њујорк да одржи говор. На говорот дојдоа нови демонстранти, ама и ново обезбедување (на тие од Вашингтон ДЦ привремено им е забранет влез во САД).

Доминацијата на Нестле во индустријата за флаширана вода се базира на стратегија со два критериуми: да се најде регион кој има сериозни економски проблеми и лабави закони за управување со изворите на вода. После ова само пакуваш и рекламираш.

Цело Мексико било залепено за телевизор за да дознае што има најново во спасувачката драма околу едно 12 годишно девојче живо заробено под урнатините на своето училиште. Сè додека сето тоа комплетно не колабираше. Не урнатините, туку приказната.

Џери Луис почина на 91 годишна возраст, еден долг и сочен живот во кој имаше шест сина и една ќерка. Во тестаментот стариот се погрижил ниеден син да не добие ни паричка од неговото наследство.

Научници нашле начин како на едно дете сите потребни вакцини да му се вбризгаат со само една инјекција. Па после делови од тој коктел си се ослободуваат во организмот кога ќе им дојде време. Напредоков некогаш стварно звучи по малку језиво.

Еден од најугледните француски готвачи чиј ресторан ги има максималните три Мишелин ѕвезди веќе 20 години, побара тие да му бидат одземени и веќе да не учествува во рангирањето. Човекот не сака да живее под притисокот да биде еден од апостолите на светската гастрономска библија.  

Швајцарска компанија за пакување воздух најде совршен пазар (и причина за постоење) во милионските кинески градови преполни со милионери и загадување од сите можни појави.

Првиот човек на Панера бред (американски ланец пекари) објави отворен предизвик до генералните директори на Мекдоналдс, Вендис и Бургер кинг: седум ден за појадок, ручек и вечера секој од нив да јаде од детското мени од сопствениот ресторан.

Во средата ХТЦ ненадејно објави дека привремено го прекинува тргувањето на своите акции на берзата во Тајван. Еден ден подоцна Гугл објави дека потпишале 1,1 милијарда долари вреден договор за купување на тимот на ХТЦ кој до сега работеше на Пиксел.

Ќе дојде непознат млад дечко пред твоја врата дома за да го врати новчаникот полн со пари кој го нашол на улица. А тебе ќе ти биде страв да му отвориш.

Левицата во 60-тите ја прифати политиката на идентитети (човекови права на црнците, правата на ЛГБТ итн). Истовремено се оддалечи од работничките движења и стана технократска, идеолошки неутрална (види: Тони Блер). Со тоа левицата ја изгуби универзалноста и доведе до атомизација и фрагментација на самата себеси. Денес ѝ е потребна обединувачка тема, да се најде себеси со глобална визија.

Во јуни 2016 Мекартур фондацијата ја започнува 100&Change наградата за филантропија, која важи за цел свет и во која премијата е грант од 100 милиони долари "за која било група што ќе најде најдобро решение за унапредување на човештвото".

Истражувајќи за својата книга Неспокојот од изобилието, авторката Рејчел Шерман открива дека на богатите им е непријатно од тоа што се богати, или барем им е непријатно да бидат етикетирани како "богати". Притоа да нема заблуда дека заради незгодното овие луѓе планираат да се отарасат од парите или да ги праќаат децата во државни училишта.