Голите диктатури - во форма на фашизам, комунизам или воени хунти - исчезнуваат од глобалната сцена. Пучевите и другите насилни средства за доаѓање на власт се реткост. Повеќето земји одржуваат регуларни избори, луѓето слободно гласаат. А демократиите сепак умираат, сега на поинаков начин.

Најбогатиот фонд на светот, чија вредност веќе ја надмина границата од 1.000 милијарди долари, објави дека 2017 ја завршил со доход од инвестиции од 130 милијарди долари, кој како што ви изгледа рекордно на вас така е рекорден и за фондот во овие 20 години постоење.

Деновиве хашкиот трибунал ги објави резултатите на истрагата за тоа како хрватскиот генерал Праљак воопшто стигнал до отровот со кој што се самоуби и како успеал да го прошверцува во судница. Одговорот е: за органите на Обединетите Нации е невозможно да откријат како човек сместен во нивен затвор успеа да дојде до отров, и како истиот тој човек успеа да го прошверцува отровот за да се самоубие сред нивна судница. Во меѓувреме Дневник.хр ги добива двете писма кои генералот ги напишал на два дена пред самоубиството.

Текстилните работници од Њу Делхи често пати опишуваат дека живеат во запуштени колиби „кои едвај одговараат за животни“. Шивачка од Мијанмар треба да бира дали ќе ги нахрани своите деца или ќе ги прати на училиште. Во Бангладеш шивачките работат над 100 часа неделно, и пак не можат да спојат „први со први“.

За парите што ги даде, Амазон веќе нема да мора ни еднаш да ѕвони кога ќе ти влегува дома.

Го направија бендот пред 56 години, денес заедно имаат 294 години. Најстариот од нив (две постар од Ричардс и Џегер) вика дека не би се потресол ако Стонси се распаднат или некој од нив каже дека му било доста. А и за Боуви се чуди, што толку потресуење.

Сосема спротивно на локалните искуства, по кои сè што не беше шарено се прогласуваше за небањато (што е само еден облик на простачка дисквалификација на оние што мислат поинаку; додади и сендвич во равенката и ете те тебе во елитата), Гардијан пишува за научна студија од Шведска по која „гадливите“ имаат склоност да се десничари со авторитарни тенденции.

Дизелгејт на Фолксваген останува една од најголемите и најмасовни измами во историјата на корпорациите, не само на авто-производителите. Како што минува времето целата афера само се збогатува со содржина, последно е дека германската корпорација ги тестирала издувните гасови од своите автомобили на десет мајмуни.

Тоа што го зборат „не ти требаат пари за да бидеш среќен“ излезе дека е точно, само што почнува да важи некаде на околу 100.000 долари годишно (во регионов на 45 илјади).

Доналд Трамп е на пат да ја повтори победата на претседателски избори во САД. За да го спречат тоа, на оние кои таквата помисла ги ужаснува им треба многу повеќе отколку надмено да размислуваат дека првиот пат му се посреќи. На златокосиот му се посреќува во серија.

Пред дваесетина дена менаџментот на Њузвик го отпушти главниот уредник на медиумот, извршниот директор за вести и повеќе новинари (меѓу кои и пулицеровци). Сето ова во еден ден. Тогаш шпекулацијата беше дека се отпуштени затоа што почнале да ги истражуваат финансиите на својот сопственик.

Еден од највисоките германски судови одлучи дека градовите низ земјата имаат право да забрануваат дизел возила на нивните улици како мерка за намалување на загадувањето.

Бугарија како најсиромашна држава во ЕУ (барем до 2025) со БДП кој речиси е половина од просекот на Унијата, е решена до средината на годинава да поднесе официјално барање за влез во Европскиот механизам за девизен курс, првиот чекор до целосно членство во еврото. На потег е Европа.

2017 Тесла во Европа ја заврши со продажба на 16.132 автомобили од Модел Ес, основниот модел е 71.100 евра, што е за 30% повеќе автомобили отколку во претходната година.

Човекот беше назначен на позицијата во мај 2017. Во анкета направена седум месеци подоцна повеќе од една третина од населението не знае да го именува својот премиер. Прашањето што Економист го вади од ваквите резултати е: тогаш што ќе ти е премиер?

Американските закони забрануваат дискриминација врз основа на физички недостатоци. Реднековска Америка тоа го преведува како: тоа што некој е слеп не е причина да не му се даде оружје в рака. Што може да тргне погрешно?

Во Пјонгчанг Норвешка го имаше својот најдобар настап во историјата на Зимските олимписки игри, надминувајќи ги и своите оптимистички очекувања освои 39 медали, од кои 14 беа златни. Земјата со 5 милиони жители на Олимпијадата е пред Германија, Канада и САД по бројот на медали.

Кина го започна процесот за отстранување на ограничувањата за бројот на претседателски мандати што едно лице може да ги тера, што е од посебен интерес на актуелниот кинески претседател Кси Џинпинг, кој веќе брои ситно од својот прв мандат.

Државјанството во поновите форми е нешто што може да се купи, изнајми или да се добие со онлајн регистрација. Таквите цаки главно се за богати, односно за оние чие лично богатство е над материјалниот квалитет на нивната матична земја. Има аранжмани и за сиромаштија, ама, нејќете од тие.

Денес во светот околу 2,5 милијарди луѓе имаат смартфони. Неброените милиони што ги заработуваат производителите на смартфони, социјалните мрежи и луѓето што прават апликации, не се само од твоето дремење на телефон, туку од тоа што речиси никој од овие 2,5 милијарди не може да одолее и да го остави уредот.

Јапонската влада од април годинава ќе ги плаќа патните трошоци на раскажувачие што ги шират и прераскажуваат сведоштвата на преживеаните Јапонци од американските нуклеарни напади врз Хирошима и Нагасаки.

Многу пред брилијантниот предлог „вооружете ги учителите“ училиште од Њу Мексико во својата редовна програма има воведено задолжителна обука за борба во случај на вооружен напад.

Не е изненадување што минатата година, 2017, германската држава успеа да ја заврши со суфицит (пари останати од буџет откако сè платиле). Кога ќе видиш не е ни изненадување дека овој суфицит е најголем во историјата на обединета Германија. Само продолжете вие така.

Со цел намалување на тензиите неколку градови од Северна Ирска ја забранија ирската тробојка за време на парадите што ќе се организираат за Денот на Свети Патрик (17-ти мај), националниот празник на Ирска.