Ресторани во Фиренца и други места почнаа повторно да ги користат малите отвори низ кои векови наназад, во време на епидемии, им било давано вино на муштерии од пристојна социјална дистанца.  

Настапите на Доналд Трамп едно време одеа придружувани со песната Rockin' in the Free World. Нил Јанг забрани да се прави тоа. Па ја пуштаа You Can't Always Get What You Want. Стоунси забранија. Па пробаа со It's the End of the World as We Know It ама РЕМ забранија. Добрата вест за Трамп е што на избор има уште околу 15 милиони песни.

Човекот од Луизиана ќе го мине и остатокот од својот живот зад решетки затоа што пред 23 години пробал да украде ножици за ограда. После две децении решил да се пожали на казната. „Не, таман си е казната,“ процениле врховните судии од земјата чија амбасада во Македонија обожава да проценува судски одлуки.

Моментално не знаеме колку деца без документи живеат во Европа. Не знаеме ни колку деца без документи се во притвор заради имиграцискиот статус на нивните родители. Меѓутоа знаеме точно колку млечни крави има во ЕУ и Британија.

Кина ги испорача 6-те воени дронови што Србија минатата година ги нарача и плати како дел од својата одбранбена агенда. Со ова Србија стана првата држава на европско толо што распоредила кинески воени дронови. И ништо од ова не му е по мерак на НАТО.

Тоа што пред некое време го имавме како скеч, се потврдува и со сериозни студии: колку и да се трудат да звучат како да се на спротивни и непомирливи политички позиции, и задртите крајни десничари и самопрогласените разбудени прогресивци се во суштина слични карактерни профили: дрвачи кои би да ги контролираат другите.   

Системите за препознавање лица се повеќе се користат како начин за идентификување луѓе на аеродроми и во други безбедносни ситуации. Но, истражувачи покажаа како може да се прелаже системот да препознае лице кое всушност не е тука.

Додека човештвото работело од дома (барем тие што можеа) во месеците дур беше под клуч, бројот на работни часови се зголемил за речиси 50 минути дневно.

Доналд Трамп ја обвини Германија дека профитира од американските бази и „заработила богатство“ од американските војници сместени во земјата.

Дури и Њујорк тајмс се жали дека за време на пандемијата издишал со реклами, ама затоа па растурил со претплатите за дигиталното издание.

Коронавоирусот кој предизвикува ковид-19 досега заболе 16,5 милиони луѓе. Ако постоел момент да го капсулираме, тој момент наверојатно е пропуштен. Најизгледното сценарио е дека вирусот никогаш нема да го снема и ќе демне додека сме живи. Ама па што? И инфлуенцата така, па живи сме.

Официјалните нови канадски клинички насоки се дека дебелината треба да биде дефинирана според здравјето на човекот, а не само според неговата тежина. ПЛУС, ги советува докторите да престанат на дебелите пациенти да им препишуваат само „вежбај и држи диета“.

Се работи за пратка од 2750 тони амониум-нитрат кој од 2013 бил сместен во хангарот 12 на пристаништето во Бејрут, и уште пред 6 години властите официјално биле предупредени за опасноста од него.

Еден дел се реновирани, еден дел се во тек на реновирање, но сите до една се продале, а сега откако пандемијата малку стивна, ќе има и уште една тура.

Чудењето на тазе родители е - како тоа Кокомелон се уште не е бизнис од милијарда долари? Чудењето на сите останати - што е тоа Кокомелон? До овие вториве, полека, и вам ќе ви дојде ред да се крстите во него.

Еден податок за Епл од пред неколку дена: вредноста на компанијата на берза за еден ден порасна за 170 милијарди долари, што е повеќе од БДП-то на Унгарија; а кога само ова еднодневно покачување би излегло на берза тоа би било 33-та по големина компанија на S&P500 индексот. Имајќи го сето ова предвид, Епл бара да му ги намалат кириите за дуќаните.

Во 1906-та година, гинат Даме Груев и Петар Поп Арсов. Во 1906-та година, Холандија воведува задолжителна возачка дозвола за управување моторно возило. Во истата таа 1906-та година, во зоолошката во Бронкс е изложено црно момче, заедно во кафез со орангутани.

Предупредувањето доаѓа од Обединетите нации, а според Генералниот секретар на оваа организација, пандемијата предизвикала најголемо нарушување на образованието во историјата.

Да ви раскажеме како една бубачка успева да преживее дури и кога е проголтана од жаба - накратко, така што се пробива низ целиот дигестивен тракт на душманот и на крај излегува од неговиот анус. Молиме да не се брза со евтини политички паралели: онаму од кај што излегува бубачката, во светот на политиката, тоа обично е место во кое се влегува.  

САД е земја во која попрво ќе се забрани некоја апликација отколку да се забрани секоја будала да поседува полу-автоматска пушка. Со тој факт во моментов се соочува ТикТок кому Трамп му е намерачен да го забрани. Но, на повидок е бел витез со многу пари.

Во лошото комбо пандемија плус протести, во американските градови сè повеќе се гине. Во 36 од 50 најголеми градови во земјата, бројот на убиства е поголем од лани, некаде и за преку 50 проценти. 

Арсенијевиќ е писател, панкер, најмлад добитник на НИН-овата награда за најдобар роман (и тоа за неговата прва книга „Во потпалубата“, 1994), основач на книжевниот фестивал Крокодил, денес пишува колумни и есеи... „Секогаш ќе имаме лидер со набабрено его и куп лигуши околу него“, вели во интервју за Време.

Мајкл Шаленбергер е повеќедецениски климатски активист и познавач на енергетските трендови кого магазинот Тајм го има прогласено за „Херој на човековата околина.“ Сведочи за неговото непријатно искуство во американскиот Конгрес, кога, штом скршнал од очекуваните наративи ( а тоа значи безусловно навивање за обновливи енергии и ништо друго), веднаш му бил одземен зборот и бил нападнат дека му е до пари. 

Фирма за организирање секс забави добила 170.000 фунти државна помош за закрепнување од ковид-19. Дел од британските пратеници, женски и либерални, имаат проблем со ова.