Британските власти издвојуваат средства за поддршка на ранливите категории граѓани и им нудат поволни кредити, а потоа го блокираат пристапот со висок бирократски ѕид. Каква социјална помош е да се бара од луѓе во возраст кога ги напушта силата и видот да одговорат на 450 прашања за да добијат помош  за огрев?

Британскиот премиер Кир Стармер се чини страда од воена грандиозност, но никаква доза на ароганција не може волшебно да создаде сериозна воена сила.  Учебничкарски пример за лидер без кормило, непопуларен дома а грандиозен на светската сцена заради ПР поени. Најавите за „војска на терен“ не се ништо друго освен позирање што не им носи ништо добро ниту на Британија ниту на Украина.

За да се врати во преговарачкиот процес за Украина, на Европа ѝ треба впечатлив лик, со авторитет во Вашингтон и Москва, некој што би ја кренал слушалката на црвениот телефон од реторичкото прашање на Кисинџер: Кому да се јавам во Европа? Можеби Ангела Меркел е европскиот одговор на Американецот Кит Келог.

Маслата од семки во последно време ги бие лош глас. Ги нарекуваат „The Hateful Eight“. Џон Кенеди Јуниор бара да бидат исфрлени и да бидат заменети со говедска лој. Во хор му се придружија инфлуенсери и подкастери, па и ресторани. Проблемот се масните киселини омега-6 и рафинирањето. Рецептот за добро здравје е во разумен компромис.

До 2050-та, над половина возрасни и една третина тинејџери ширум светот ќе бидат влезени во категоријата дебели (правилниот збор е ужасен: обезни). Преброени по човек, најмногу ќе ги има во Кина, Индија и САД, но на сцената се појавуваат некои неочекувани тешкаши. Нигерија, на пример. Во 2021 година имала 36 милиони буцмасти а на средината на векот ќе ги има 141 милион. Машала.

Арапските соседи нацртаа своја верзија на Газа од иднината, расчистена и разубавена со паркови, шеталишта и сите други салтанати. Слично како и брошурата за Газа од Доналд Трамп. Со разлика што во арапската Газа ќе останат да живеат Палестинците. 

Мобилниот телефон сигурно ви е при рака. Или можеби на него ги читате овие редови. Ве фаќа уплав ако не го гледате околу себе? Ново истражување потврдува дека смартфоните се дрога слична на никотин или алкохол. Апстиненцијата може, но не мора да го подобри расположението.

Како со плата од 170.000 долари годишно конгресмен може да стане мултимилионер? Никако, вели Илон Маск. А, сепак, ги има многу такви. Останува дилемата дали поголема плата ќе ги демотивира да крадат. Од наше искуство - тешко.

Германската индустрија кризира додека е на терапија на одвикнување од рускиот гас. Охрабрени од напорите на Доналд Трамп да ја запре војната во Украина, компании во источниот дел на Германија веќе кројат планови за блиско идно време, кога рускиот гас повторно ќе протече низ вентилите. 

На 75 години почина Дејвид Џохансен од групата која, кога почна да пржи на почетокот на 70-тите, п од панк немаше на европската сцена. Заедно со Велвет и Стуџис ја обележаа њујоршката сцена во таа деценија иако во првата фаза имаа само два албума. Кога се распаднаа, во Европа допрва почнуваше панкот бидејќи вирусот веќе беше раширен.   

Информатичката технологија поминува низ историска трансформација на работната сила. Брзиот развој на вештачката интелигенција го префрли фокусот од програмирање кон бизнис. Работниците и компаниите што не умеат брзо да се прилагодат ризикуваат да бидат прегазени од времето и конкуренцијата.

Секое спомнување на Сомалија ги потсетува Американците на смрт и бомби, на соборените хеликоптери „блек хок“ и масакрот на војниците во Могадишу. Сол на раните се сведочењата и обвинувањата дека САД преку УСАИД всушност ги финансирала сомалиските терористи од Ал Шабаб.

По зачестените затајувања на смртоносните инјекции, САД им се враќаат на стрелачките водови, како „похуман“ метод за егзекуција на лица осудени на смрт. Повеќето сојузни држави погубуваат осуденици со инјекции, некои со гасни комори, други користат електрични столици, а одамна помина времето на бесилките. 

Добар дел од американските корпоративни медиуми оценија дека со кавгата со Зеленски, Трамп се посрамил и себе си и целата земја. Новинари, колумнисти, експерти за меѓународна политика фрлаат дрвја и камења по Трамп, обвинувајќи го за манипулирање, понижување, карање и изживување врз послабиот сојузник.

Европскиот парламент доби професорска лекција за генезата на војната во Украина, уште од 1991 година. Од човекот чии насоки и упатства го обликуваа постсоветскиот простор, советник на Горбачов и Елцин. А, што вели Џефри Сакс? Украина е жртва на американското фрлање коцки и мрдање војници во играта „Ризик“ на реалната карта на светот.

„Шепкачот на Трамп“ се чини дека е за напуштање на Северноатлантската алијанса и Обединетите нации. Трамповото незадоволство претходно се изразуваше преку податоците кој колку пари издвојува и желбата да не паѓа сиот товар врз САД.  Ова е првпат од неговиот „Кремљ“ да се поддржи идеја за напуштање на овие меѓународни организации. 

Овој каламбур што се случува на големата гео-политичка мапа а кулминираше со скандалозната кавга меѓу Трамп/Венс и Зеленски во Овалната соба, не дека не е виден во историјата. Само што овојпат немаше никаква обвивка од идеализам. Само чиста и брутална политичка и империјална моќ. Проценки велат дека на крајот, Украина сепак ќе прифати да биде економски протекторат на САД. Подобро и тоа отколку да клекнат на колена пред Путин.

Со враќањето на законите за богохулење и со други мерки спакувани во формат на различност, инклузивност и мултикултура, Западот всушност им дава уште поголема сила на исламистите. Тие што се противат на „исламофобијата“ мислат дека ги штитат муслиманите, а всушност ја бранат идеологијата на радикалниот ислам, вели активистката Јасмине Мохамад.

Како симболичен протест или од најразлични социјални, политички и идеолошки мотиви, активисти ги повикуваат Американците да се воздржат од купување. Голем бојкот е закажан за денеска a еден пастор астор ги повикува верниците 40 дена да постат со некупување. Експертите велат дека тоа нема долгорочно да ги погоди трговците.

Корисниците што сакаат да лиценцираат пиратска верзија на Виндоус 11 добија помош од неочекуван извор, вештачката интелигенција вградена во самиот оперативен систем на Мајкрософт. Постапката е објаснета чекор по чекор, за да може секој да разбере а попат се нафрлени и предупредувања за правните последици, ризикот за безбедноста и етичките дилеми.

Поминаа девет месеци откако навидум кроткиот 20-годишен Томас Метју Крукс пукаше во Доналд Трамп на предизборен митинг. Атентаторот беше ликвидиран на место, но до денес нема одговор дали навистина дејствувал сам. Приватен детектив тврди дека Крукс имал соработници и дека тие сè уште се активни.

Бандити поставуваат заседа, се качуваат на возот, ја запираат локомотивата во пуст дел на Аризона и бегаат со полни торби плен. Само што не е 1875, туку 2025 година. Бандитите не јаваат коњи туку возат камиончиња. Пленот не се сефови полни со пари или злато,  туку патики. Илјадници скапи „најки“.

Луѓе не се сеќаваат кога последен пат на ББЦ виделе некој што е против давање пари за војска. Во англискиот етер доминираат политичари, воени експерти и аналитичари кои верглаат дека земјата мора да го зголеми трошењето за оружје. Неопходно е тоа - запомагаат тие - НАТО е под закана, мора се пресретне заканата од Путин...

Птичјиот грип кој отепа повеќе од 166 милиони кокошки е главниот душман на американската економија. Цената на јајцата се крена толку високо што ресторани веќе наплаќаат „додаток за јајце“. Администрацијата на Доналд Трамп реагира со досега најголемата инвестиција - милијарда долари за одбрана на кокошките од агресивниот вирус.