Суд на ЕУ ќе пресуди дали шефицата на Европската комисија прекршила закони кога ги избришала СМС-пораките со кои од „Фајзер“ нарачала 1,8 милион дози вакцини против ковид. Правни експерти бараат посилна реакција против грубото кратење на правото на граѓаните да се информираат, бидејќи „кога ќе заврши мандатот на Урсула, од транспарентноста нема да остане ништо“.

Бактерии како ешерихија коли генерираат струја додека дишат на специфичен начин. Тоа не значи дека утре ќе можеме да ги замениме енергетските централи со плантажи од бактерии, но специфичната способност придонесува за развој на биоелектронски сензори во средини без кислород, нови алатки за медицинска дијагностика, следење на загадувањето или мисии во вселената.

Ветер не може да се поседува, но очигледно може да се украде. Кога ветер ќе помине низ густо насадени турбини губи значителен дел од енергијата, поради што ветерниците поназад се вртат побавно и генерираат помалку струја. Во брзање да стаса до „нулта емисија“ на гасови, ЕУ заборава дека изградбата на плантажи на ветер чини многу пари, а никој инвеститор не сака да биде турбина од втор ред.

Системите за вештачката интелигенција повеќе грешат и даваат недоверливи одговори ако корисникот инсистира да добие краток и концизен одговор. Ако точноста на информациите ви е важна, не барајте премногу концизни одговори и оставете ѝ на вештачката интелигенција простор да го објасни контекст. Посебен проблем е што ако баш му запнете околу нешто на четботот, ќе ви попушти.

Пред кардиналите да се затворат за конклавата, фаворит за тазе папа беше Италијанецот Пјетро Паролин, искусен ватикански дипломат и најблизок соработник на покојниот Франциско. Но, веќе на вториот ден од конклавата станувало јасно дека 267-ми поглавар на Католичката црква со 1,4 милијарди верници ќе стане Американецот Превост. Противниците на Паролин имале тактика за гласањето, велат инсајдери.

"Симион и Георгеску ти се исто. Број еден!"му рекол таксист на колумнистот на Unherd и поранешен воен репортер, Арис Русинос, во вообичаена такси анализа. Зборува за десничарскиот претседателски кандидат кој неодамна убедливо победи во првиот круг и оној кому претходно му ја поништија победата. Ваквата увереност на таксистот од Букурешт е токму она од што уплав имаат и Брисел и романските политички елити.   

Вештачката интелигенција за појадок јаде по еден мегават струја. За една единствена генерирана слика се троши енергија како за полнење смартфон до стотка. Центрите во кои се обработуваат податоците за ВИ сега трошат струја речиси колку цела Франција. Мајкрософт прв купи нуклеарна централа. Веднаш потоа и Гугл, но малку му е една, па сега потпиша договор за уште три.

Независниот сенатор од Вермонт, Берни Сандерс, потрошил над 221.000 долари за приватни авиони за време на неговата турнеја „Битка против олигархијата“. Сандерс го правда користењето приватни авиони бидејќи тие биле единствениот начин да стигне онаму каде што сакал да стигне. Пошто комерцијалните авиони честопати доцнеле а не е убаво да го чекаат.

Ако по името папата се познава, работниците треба да се молат за долговечност на 69-годишниот Лео 14-ти. Тој дискретно најавува дека ќе ja продолжи мисијата на својот имењак од 19 век, кој кревал глас за угнетуваните и сиромашните во свет сличен на денешниот. Не само да ги благословува, како што правеше Франциско, туку и да ги брани од „богатите сопственици и сите господари“.

Современата технологија конечно го оствари сонот на средновековните алхемичари. Од олово е создадено злато, кое за жал нема да збогати никого освен физичарите и инженерите. Големиот хадронски колајдер на ЦЕРН треба да судира атомски честички на олово повеќе од 3.000 години за да ги создаде шесте грама злато колку што ги има во обичен прстен.

Џо Бајден ангажира искусен стратег за кампања и комуникации за да помогне да се разубави неговото наследство во време кога многумина демократи бараат тој конечно да се симне од политичката сцена за да не прави уште поголема штета. Медиумскиот гуру треба да го спаси од гафовите снимени во интервју и од книга што говори за очајничките обиди да ја прикрие својата сенилност.

Поранешна функционерка во администрацијата на Буш тврди дека САД изградиле подземни градови за десетици илјади милијарди долари тајно извлечени од буџетот. Нема одговор како е можно никој од армијата градежници да не каже ни збор за тоа. Но, факт е дека во САД уште од Студената војна цвета бизнисот за копање бункери, без оглед дали се луксузни или егзистенцијални.

Изборот на кардиналот Превост, умерен прагматичар близок до Франциско, е показател дека кардиналите на конклавата барале стабилна рака што ќе ја води Католичката црква низ трнливите доктринални дебати што ги поттикна неговиот претходник. Неговиот избор на името Лео што означува „сила за време на криза“ покажува спремност за она што ја чека црквата во време на глобална нестабилност.

Кина и Русија, стратегиските сојузници на Пакистан и на Индија, се воздржуваат од мешање во новата војна во Кашмир. Престрелката на соседите со нуклеарно оружје се одрази кај членките на НАТО. Мнозинството реагира неутрално, иако ѝ е наклонето на Индија, како важен пазар за продажба на оружје и воена опрема. Отскокнува Турција, која е поврзана со Пакистан по исламска линија.

Директорот на DeepMind на Гугл, Демис Хасабис, не е сигурен дека сме. Упатени проценуваат дека тој ден ќе дојде следната деценија. Сем Алтман од Опен АИ пак, тврди дека тоа ќе се случи за само пет години. Хасабис вика дека ноќе не спие заради ова прашање. Не би спиеле ни ние ако баш се замислиме на проценките дека шансите да НЕ преживееме се 99,9 (и многу деветки потоа) проценти. Па затоа не се замислуваме.

Францускиот претседател Макрон симболично вети поддршка за „новата“ Сирија, промовирајќи го ребрендирањето на нејзиниот лидер од озлогласен џихадист Абу Мухамед ал Џoлани во претседател Ахмед ал Шара. Командантот на група на Ал каеда по кого беа распишани потерници низ светот, си го промени борбеното име, но не и ќудот. Неговите сили во март масакрираа 1.700 луѓе.

Српските студенти речиси шест месеци ги блокираат тамошните факултети и универзитети во протест за паѓањето на  настрешницата во Нови Сад. Пропалестински активисти во Универзитетот Колумбија во Њујорк блокирале и вандализирале библиотека… Управата повика полиција, која ги расчистила активистите за помалку од шест часа. Меѓу нив не биле само студенти.

Пред осумдесет години на денешен ден, монструозната машинерија на Третиот Рајх конечно беше уништена во прашина. Свастиката беше откорната од Рајхстагот, логорите на смртта беа ослободени, а Европа - крвава, трауматизирана, но непотклекната - излезе од најтемната ноќ во историјата.

Група научници од Цирих со еден удар два пати надитриле кавгаџиски настроена заедница на Редит. Не само што во широка расправа скришно претставиле модели со вештачка интелигенција како да се луѓе, туку и прилично успешно им ги променувале ставовите на корисниците. Експерти го осудуваат тајниот експеримент како „најлошото прекршување на етиката во интернет-истражување“.

Точно 14 дена по најсмртоносниот напад врз цивили во Кашмир во изминатите десет години, Индија го нападна Пакистан. Властите во Њу Делхи објавија дека воената операција Синдор е одмазда за убиството на 25 Индијци и еден Непалец. Соседите секоја деценија водат по една војна за Кашмир, но овој пат ситуацијата е посериозна, бидејќи има помалку разум а повеќе нуклеарно оружје.

Нови духови ги опседнуваат компаниите. На оглас за вработување избираш кандидат со најдобро CV, правиш интервју преку камера и дури кога е предоцна сфаќаш дека човекот не постои. Си вработил бот, чија цел е да украде податоци од системот или да уфрли малициозен софтвер и да бара откуп за да го избрише. Вообичаен белег на ботовите е перфектно составено резиме. 

Двајца Кинези едвај спасија жива глава од хуманоиден робот што ненадејно и неконтролирано се размавта во халата во која бил изложен. Добрата вест е што никој не бил повреден. Лошата е очигледна од снимката што го обиколи светот и е крајно вознемирувачка. Мала грешка во кодот може од кроток робот да направи убиствена машина. А што ако некој намерно го програмира?

САД се прочуени по заштита на светоста на приватниот имот па секое влегување во нечиј двор може да доведе до фатални последици ако сопственикот е а) напнат и б) има оружје. Заради тоа ги ставаат оние знаци за забрана за минување („No Trespassing“), за на сите да им биде јасно да се свртат и да заминат. Но, во речиси половина држави не ни ставаат знаци туку предупредуваат со боја.

Шпоретите на гас ослободуваат доволно големо ниво токсични гасови за да предизвикаат рак, покажува нова студија. Главниот виновник е бензенот, кој се создава со согорување на природен гас или пропан. Децата се двојно повеќе изложени на ризикот од возрасните. Добрата вест е што подобро вентилирање на домот, макар и отворен прозорец покрај шпоретот, го намалува ризикот.