Американец извесно време престојува во Финска и таа култура му помогнала да се одвикне од некои свои навики кои ги носел од дома. Зошто таков текст би бил важен за овдешнотото читателство? Затоа што, ќе видите, има и овде американски навики.

Народните партии и од левицата и од десницата на европските избори од минатиот мај освоија околу една четвртина од местата. Според Економист ова само го зголеми стравот од формирање про-руски блок во Стразбур.

Познатата стратегија за наметнување воља наречена "морков или стап", во Порторико звучи вака: Ако детето не јаде морков, родителот ќе јаде стап.

Пророштвото е заклучокот од неодамнешна студија спроведена од истражувачите од американските Федерални резерви, кои доаѓаат до границата од 45 години по анализа на официјални податоци од бирото на социјално осигурување од 1978-ма до денес.

30 проценти од Американците се обидуваат да го намалат или елиминираат глутенот во својата исхрана. На ниво на цел САД само 1% од населението има проблеми со глутен, останатите 29% имаат проблеми со паѓање на реклами.

Официјалниот заклучок од студијата на Брунел Универзитетот е дека згодните мажи се посебични од останатите мажи. Неофицијалниот заклучок од студијата е дека машките научници им љубоморат на згодните мажи, па им вадат муабети.

Печатницата се наоѓа во Квинс и е на површина од 48.000 метри квадратни, доволно голема за работниците да имаат на располагање трицикли за возрасни. Ноќната смена ја држат околу 350 вработени, кои вечерта треба да извадат 300.000 примероци од весникот. За викенди тиражот е два пати поголем.

Главниот проблем на технолошките гиганти е што откако нивните производи стануваат претерано успешни, тие почнуваат да се губат под притисокот за одржување на производот што ги збогатил, што пак ги оддалечува од сите промени околу нив и напредокот на технологијата. Ова му се случи на Хјулит-Пакард (кој сега ќе се разделува на две компании), му се случи на Микрософт, а ќе го снајде и Гугл.

"Растете зеленчук во оранжерии!" е еден од најновата реколта политички слогани кои ги произведе идеолошката елита на Северна Кореја. А ги има преку триста, за секоја тема од животот која на човека може да му падне на памет. Малку е проблем што во цела држава човек никаде не може да најде материјал за оранжерија.

Во описот на задолженија (или мераци) на ЦИА е да има и психолошки профили и дијагнози за светските лидери. И ова не им е ништо скорешно, водат есап уште од времето на Хитлер.

До сега оваа состојба (постојана поспаност преку ден и поспоро размислување) се смета за психолошка или измислена болест. Ново истражување го издига синдромот на физичко пореметување, со конкретна дијагноза.

Не знае кога (во текот на годинава) и не знае кој ќе го замени, ама Џон Стујарт објави дека ќе повлече од Дејли шоу, и ќе работи нешто друго. И тоа не се знае што ќе биде.

27 телохранители се суспендирани за тоа што 90-годишниот Роберт Мугабе се сопна и падна пред цел свет, што потоа заврши како масовен сеир на интернет.

Во ниту еден момент од формирањето на грчката држава во 1830-та таа не била оставена сама на себе, и постојано добива поддршка од надвор, "што во земјата создава лажно чувство на просперитет и ги спречува Грците да се соочат со нивната сегашна ситуација."

80 проценти од целиот челик што го употребува Бангладеш доаѓа од распарчување товарни бродови, индустрија на која во земјата работат околу 200.000 луѓе.

На 4,5 милиони долари за реклама од 30 секунди, редно е и малку подетално да знаеш како ти минало видеото кај публиката. Ембед.ли пресметува колку пари платиле брендовите и колку минутажа собрале за тоа.

За да може во буџетот да има дополнителни 7% пари за трошење на домашни проекти (социјално, училишта и сл.), Обама се обиде да ги одоброволи републиканците дозволувајќи им раст од 7% на буџетот за армијата. На републиканците не им се допаѓа првиот дел, со вториот се ОК.

Водителот на Ноќните вести на ЕнБиСи, Брајан Вилијамс, некое време ќе се повлече од телевизија откако призна дека измислил дел од своето СиВи, поточно еден херојски потег кој излезе дека не се случил.

Група од четворица Кинези, во рурална североисточна Кина пренаменуваат цела фабрика за во нејзе да постават рудник за биткоин. Ова е само една од 6-те локации што ги имаат.

Без да именуваме луѓе (полови), психологијата идентификува "жалители кои одбиваат решенија" како луѓе чија поплака на некоја тема не е со цел да добие или најде решение за истата, туку да добие сожалување од другите за сопствената неадекватност да се справи со ситуацијата. И ваквото кенкање е здраво за вас.

По маскарот што терористите го направија во Шарли Ебдо, локалните власти на Париз забранија снимање акциони сцени во градот, затоа што веќе не знаеш кој е кој.

Во над половина од сојузните држави во САД, најчесто работно место е возач на камион. Причина - возењето камион е имуно на трендовите кои ги уништија другите работни позиции: глобализација и автоматизација.

Клучни карактеристики на секој совршен одговор (посебно во време на интернет и онлајн коментари) е под а) да го потврди она во што вие веќе верувате и под б) да биде шамар за некој што веќе го презирате.

Во медиумскиот бизнис постои една стара максима која царува со децении и вели: "Луѓето сакаат крв". Ги форсираме приказните со насилство, трагедии, катастрофи и корупции, водени од мислата дека тие ќе привлечат најголемо внимание. Но, таквиот етос е погрешен, и функционално и етички. Тоа е лошо новинарство.