Во иднина луѓето ќе пијат апови кои ги прават среќни и на глава ќе носат кациги за виртуелна реалност. Што е, нели, многу различно од денешниот модел кога по цел ден висат на Фејсбук и се палат на чудотворни лекови кои лечат и од смрт.

Сестрата е 29-годишната Ким Јо-Џонг, шефот е 33 годишниот семоќен господар на Северна Кореја Ким Јонг-Ун, кој тргнувајќи од старата корејска поговорка "после 30 ни ѓаволот нема да те омажи" реши да организира натпревар за избор на зет.

Лени Кравиц го засакува Принц на прво слушање, кога уште е средношколец. Подоцна овој му станува ментор. "Со него умре и дел од мене," кажа Кравиц.

Жална вест за почината жена од Вирџинија. Соочена со изборот да гласа или за Доналд Трамп или за Хилари Клинтон, таа решила да умре. Нека ѝ е лесна земја.

Кинескиот уметник познат по неколку контроверзни "перформанси" на тема бегалци, во Атина отвори изложба на која едни од најистакнатите експонати се патрони солзавци кои македонската полиција ги користеше да ги одврати бегалците од влегување во земјава.

Два експерта сведочат во американскиот Конгрес за тема од медицинската регулатива. Иако комплетно независни еден од друг, доаѓаат со речиси идентични текстови. Како е можно тоа? Просто. Биле платени од исти лобисти.

Исто како и кај генералната популација, и познатите Англичани се поделени околу останувањето или напуштањето на ЕУ, прашање кое ќе се решава на референдум во јуни. Само, за разлика од кај нас, таму нема драматични раскинувања другарства по Фејсбуци и вадење валкан веш од времето кога биле "искрени" пријатели и колеги.

Два големи француски рок фестивали ги шутнаа Илгс оф дед метал од својот распоред, откако фронтменот на бендот пред некое време повторно се отвори околу случувањата за време на масакрот во Париз.

Американската таблица со "Прехранбени факти" која е задолжителна на секоја можна пакувана храна што се продава и произведува во земјата, ќе добие редизајн кој ќе треба да биде воведен до јули 2018-та. Една од најголемите промени во редизајнот - колку шеќер има додадено во производот.

Сите проблеми на Европа - приливот на сириски бегалци, евро кризата, воинственоста на Владимир Путин, анемичниот раст на евро зоната, се поголемата склоност на Источна Европа кон национализам, Брегзит - продолжуваат да завршуваат во скутот на Ангела Меркел.

Дивеењето за време на викенд може да збрише цела недела вежбање. Еве неколку финти, со помош на кои ќе можете да забавувате како рок ѕвезда, а да се чувствувате здраво во понеделник.

Цели 107 часа Португалија имаше нула емисии на штетни гасови, откако целата побарувачка за електрична енергија во овие 4 и нешто дена ја покри од обновливи извори: ветер, сонце и вода.

Реакцијата на Сноуден се однесува на вчерашната вест дека ЦИА по грешка го уништила единствениот примерок од деталниот извештајот на Сенатот од 6.700 страни за "напредните" техники за испрашување.

Сите членови на Рејџ Агенст Д Машин освен Зак де ла Роча, плус Чак Ди од Паблик Енеми и Би-Риал од Сајпрес Хил, се собираат и формираат нова супергрупа.

По цели 25 години од завршувањето на Студената војна, германската армија ќе ги проширува своите вооружени сили. Бегалците, Сирија, Украина... си повлеквит.

75-годишниот адвокат Мишел Темер е новиот претседател на Бразил. Кратката рецензија на неговиот нов кабинет е: првиот избор за министер за наука му беше креационист, а за министер за земјоделие избра земјоделски тајкун кој до сега е одговорен за дефорестација на огромни парчиња од Амазон. По пат, Темер е првиот претседател во изминатите децении што нема жени во својот кабинет.

Тазе венчана двојка од Кина ја минале нивната прва брачна ноќ препишувајќи го уставот на нивната држава. Word count: 17.000 зборови. Цел: да ја помогнат националната кампања за подигнување на свеста за вредностите на кинескиот систем. 

Новата граница на климатски ужас со кој треба да живееме (барем до крај на месецов) е дека годинешниов април не само што беше најтоплиот април во последните 137 години, туку тој беше и 12-от последователен месец што го постави овој рекорд.

Американците сакаат да се лидери во многу работи, особено во големите прашања какви што се енергетските проблеми на оваа планета. Па сепак, тие како 5% од светското население трошат 20% од глобалните енерго ресурси. Политичката цена на тоа в лице да им се каже дека треба да олабават е висока. Прашајте го Џими Картер.

Додека другите мереа гласови, гео-стратешки поделби и кој на кого му е брат по Евровизија, Порнхаб за време на финалето 61-та Евровизија мереше кој колку го посетувал нивниот сајт.

Холандија сместува бегалци од сириската криза во своите затвори. Но, кочете малку со тој цинизам на прва топка.

Заради потребата од финансиска диета и желбата да се врати на својот стар карактер, Би Би Си реши да го ослаби веб сајтот. Меѓу другото, од таму ќе бидат тргнати 11.000 бесплатни онлајн рецепти за храна.

Македонската политичка криза го роди Пржино, украинската го изнедри договорот од Минск. Практично и двата договора се во колапс но таму се 'понапред' од нас па веќе звецкаат со оружје.

Унијата ќе заработи два пати повеќе пари од бегалците отколку што ќе потроши на нив, односно моментално растечкиот јавен долг ќе биде надоместен со уште поголем раст на БДП-то, покажа веројатно првата суштинска анализа на темата.