Рецептите и другите "забава и живот" рубрики полека го одвлекоа угледниот британски јавен сервис во трка со весниците и магазините кои живеат од тоа. Ваквата разноликост секако носи публика но тоа знае да отиде на штета на препознатливоста на содржините на еден медиумски бренд каков што е Би Би Си.
"Публиката очекува од нас да сме присутни на интернет но ние никогаш не сакавме имаме сè и за секого. Ова ќе биде непопуларна одлука кај дел од читателите но убедени сме дека носиме исправна одлука", велат од BBC објаснувајќи ја промената во тактиката и одлуката во иднина да бидат "фокусирани и дистинктивни".
Во наредните 12 месеци од сајтот на BBC ќе бидат укинати цел куп магазински рубрики а ќе се крати и на локалните вести. Ваквата рационализација се очекува да им донесе заштеда од 15 милиони фунти годишно.
Најмногу болат рецептите односно рубриката за храна. Сајтот ќе се откаже од 11.0000 онлајн рецепти а оние од тв емисиите ќе останат на нет 30 дена по нивното емитување. Сето тоа ќе оди во архива, што значи дека и натаму ќе постои но ќе биде ѓаволски тешко да се дојде до него. Од куќата велат дека во иднина некому ќе му биде потребно упорно и упатено копање по структурата на сајтот за да дојде до рецептите.
Некои британски готвачи најавија дека ќе одат контра ваквата одлука на BBC (против која има и петиција веќе потпишана од речиси 100.000 луѓе) и дека сè што имаат, ќе го стават на интернет, затоа што и самите научиле да готват главно со помош на бесплатните онлајн рецепти.
