Ако македонската фудбалска репрезентација успее во бараж полуфиналето да ја изненади Данска, а потоа во финале да го совлада подобриот од дуелот меѓу Република Ирска и Чешка, на деби Светското првенство ќе се најде во А група со кодомаќинот Мексико, Јужна Африка и Јужна Кореја.
Но, за тоа ќе треба да почекаме уште скоро четири месеци, бидејќи бараж натпреварите се закажани за периодот 26-31 март, а Македонија се падна да игра на гости и во полуфинале и во евентуалното финале.
Мундијалот се отвора со мечот меѓу Мексико и Јужна Африка во Мексико Сити на стадионот „Ацтека“.
Во „Центарот Кенеди“ во Вашингтон денеска репрезентациите од четирите шешири ги извлекуваа НФЛ-играчот Том Брејди, Шекил О‘ Нил, бејзбол-играчот Арон Џаџ и НХЛ-легендата Вејн Гретцки.
