- Љубителите на фудбалот во Бугарија, а пред сè навивачите на ривалските клубови ЦСКА и Левски Софија се обединија во акцијата за собирање средства за помош при лекување на фудбалските легенди Љубослав Пенев и Борислав Михајлов.
- На педесет и девет годишниот легендарен центарфор Љубо Пенев му е откриен рак на тестиси кој веќе бил во поодмината фаза, за што зборувал неговиот долгогодишен менаџер и пријател од Шпанија кој рекол дека Пенев е во болница во Германија на лекување, дека ослабнал 30 килограми како и дека е во мошне тешка состојба. Пенев ја започна кариерата во ЦСКА Софија чија клупска легенда е. Потоа блескаше во шпанскиот фудбал во дресовите на Валенсија и Атлетико Мадрид.
- Пенев за Бугарија одигра 62 натпревари и постигна 14 гола. По крајот на играчката кариера беше тренер, од 2009 до 2024 водеше повеќе бугарски клубови а беше и селектор на Бугарија од 2011 до 2014. За неговото лекување во Германија 300.000 евра собрале поранешни фудбалери и симпатизери на бугарската репрезентација предводени од Стилијан Петров.
- Легендарниот голман на Бугарија, пак, Борислав Михајлов кој бранеше на фамозното Светско 1994 кога Бугарите завршија трети, веќе неколку дена е во кома. Тој бил донесен во тешка ситуација по активирана цироза, бил дезориентиран после што лекарите во софиска болница решиле да го стават во интубација.
- Шпанскиот тренер на клупата на Арсенал, лидерот на Премиер лига, Микел Артета по синоќешниот триумф 2:0 над Брентфорд во меѓунеделно коло, се исплашил кога ги видел Деклан Рајс и Кристијан Москера како криват и мораат надвор од терен.
- Арсенал досега одиграл 21 натпревар од 17-ти август а за многу репрезентативци кои одиграа и 6 квалификациски кола за своите селекции, тоа испаѓа по еден натпревар во просек на секои четири дена. „Топџиите“ сега играа четири натпревари во само 11 дена!
- Тоа си носи данок па играчите почесто се жалат на повреди. Артета бара екипите кои играат и во еврокупови да имаат повеќе денови за одмор.
- „Веројатно не е само едно нешто (за повредите на Арсенал), но можеме да им помогнеме на играчите, и на сите во лигата и на сите што работат што работат, ако ни дадат ден одмор. Посебно екипите што играат толку многу во Европа, на сите општо зошто ако имаме одмор ќе имаме само корист од тоа. Мораме да се обидеме да го сториме тоа, ве молам. Не е ова дискусија. Мислам дека е заеднички став. Премногу е и играчите не се машини“.
- Центарфорот на Јувентус и на репрезентацијата на Србија Душан Влаховиќ го чека пауза од 3 до 5 месеци. После повредата на задна ложа на левата нога, Влаховиќ го чека операција а опоравувањето од ваков тип повреди и оперативни зафати обично е од три до пет месеци.
- Скај Спорт Италија пишува дека ако поранешниот фудбалер на Фиорентина и Партизан се реши за операција а не за алтернативни методи, би можел да пропушти 17 или 20 натпревари за Јувентус во сите турнири. Тој веќе го пропушти натпреварот со Удинезе (2:0) во Куп на Италија.
- На бјанконерите во напад им остануваат Џонатан Дејвид, Кенан Јилдиз и Лоис Опенда.
