Шефовите на ББЦ настојувале да ја извртат историјата на Британија и да ја прилагодат на агендата на воук активистите. Ги игнорирале критиките од професори од Оксфорд и Кембриџ, кои се пожалиле дека документарци за колонијалното минато, за ропството и за гладот во Ирска се полни со неточни податоци, претставени како вистинити, а намерно биле премолчени важни факти.

Додека Гугл ја брани својата империја од регулаторите во САД и ЕУ, информатичкиот гигант ја предвидел оваа битка и се спремал за неа пред повеќе од две децении. Се врзувал со еврокомесари и плаќал лобисти за да покаже дека доминацијата ја обезбедил со иновации, а не со матни бизнис зделки. Сега е соочен со најсериозната битка во Брисел.

Микроорганизми во океанот еволутивно стекнале способност да се хранат со пластиката со која луѓето ги загадија морињата. Во големите длабочини, каде што речиси и нема храна, јаглеродот од цврстата пластика им помага на бактериите да преживеат. Оваа способност нема да ги исчисти океаните, но може да послужи за нови третмани за рециклирање и чистење на копното.

Владата на Кир Стармер потрошила 200 милиони фунти од даночните обврзници за да им помогне на големите компании да постигнат „нето нула“ емисии на штетни гасови, иако „зелените“ проекти во кои се вложени парите реално не ја компензираат штетата. Се финансираат и апсурдни проекти како запирање на загадувањето на морињата во африкански земји без излез на море.

Кинеските електрични автобуси за градски превоз „Јутонг“ што ги купиле Данска и Норвешка имале скриени СИМ-картички што му овозможуваат на производителот да ги деактивира, дури и кога се во движење. Механизмите досега не биле злоупотребени, но не се знае кој сè може да ги вклучува и исклучува. Данска тврди дека вакви дупки имаат сите уреди со кинеска електроника.

Арапскиот сервис на британскиот јавен медиум во своите извештаи за војната во Газа ги ширел тврдењата на терористичката група и ги минимизирал страдањата на Израелците. Сите извештаи насочени против Израел биле објавувани без соодветни проверки, се пренесувале изјави на лица што ги славеле терористичките напади на 7 октомври, забележува комисијата за контрола.

Во акумулацијата од која Техеран црпи вода за пиење останало доволно вода за само уште две недели. Веќе е прекинато водоснабдувањето во неколку населби. Мегалополисот со десет милиони жители е погоден од историска суша, но кризата е предизвикана и од лошото управување со капацитетите и прекумерната експлоатација на подземните ресурси на вода.

Херојот што им го спаси енергетскиот систем на Украинците од руските бомбардирања сега е на суд, поради спорно обвинение за случај од пред седум години. На суд заврши и поранешниот претседател Порошенко, за да не се кандидира за избори. Зеленски ги користи судовите како оружје за да го исчисти полето од конкуренти и да го зацементира монополот врз власта.

Некој кој бил роден кон крајот на 1930-тите, шансите да тврди дека е „трансродов“ или „небинарен“ практично биле нула. И покрај драматичните промени во сексуалната еднаквост и слобода, следните 60 години тој број се движел околу 0,4%. А потоа, овој број одеднаш се зголемува после 2008 година, кога кохортата родена во 1990 година станува полнолетна. Одеднаш ли биологијата почна толку да греши и да фрла луѓе во погрешни тела?

Десетте најбогати Американци во изминатата година го зголемиле своето богатство за уште 698 милијарди долари. Заработувале сто пати повеќе од средната класа и речиси илјада пати повеќе од најсиромашните. Оксфам во својот нов извештај укажува дека администрацијата на Трамп го зголемила јазот во богатството во САД, но тоа го правеле и демократите пред него.

Британската корпорација монтирала снимки од обраќањето на Доналд Трамп за време на немирите на 6 јануари 2021 година за да изгледа дека тој повикува на напад врз Капитолот. Трамп всушност повикувал на поддршка за сенаторите. Монтировката била емитувана една недела пред претседателските избори во САД во 2024 година, во очајнички обид да се влијае врз гласачите.

Како што ни се приближува кометата-натрапник во нашиот Сончев систем, така се повеќе ги збунува, па и ги вознемирува астрофизичарите со своето непримерно однесување. 3I/ATLAS едноставно не се движи по очекуваната патека теоретски дефинирана од гравитацијата и зад себе остава чудна опашка. Тоа физичарите не можат да го објаснат, ако кометата нема сопствен погон.

Локални советници во една од најстарите и најнаселените општини во Лондон ја злоупотребуваат довербата и обврските водејќи кампања за парламентарни избори во Бангладеш, од каде што пристигнале во Англија. Не прекршиле закон ниту во Британија ниту во Бангладеш, но покажуваат колку им е битна довербата што ја добиле од заедницата во која се интегрирале.

Првите луѓе на два од најголемите снабдувачи на гас на Европа предупредија дека ако не можат да работат успешно, ќе бидат принудени да го напуштат теренот. Станува збор за европските регулативи за оддржливост кои предвидуваат казни од пет проценти од нивните глобални приходи. Ако не можат да крадат руски пари или драконски да казнуваат во име на климата, од што ќе живеат евробирократите?    

Италијанка што добила воспаление на ‘рбетниот столб откако примила вакцини против ковид ќе добива отштета. Врз основа на сведочење на независни експерти, суд пресуди дека тешкото невролошко оштетување „не може да биде случајност, ниту може да се објасни со претходно автоимуно заболување“. Во Италија имало 593 случаи на трансверзален миелитис по вакцинација.

Кога Хавиер Милеи најави дека ќе биде претседател, луѓето се смееја. Откако победи, му претскажуваа масовни протести против кратењата и изборен пораз. Сега доби поддршка да ги заживее своите радикални реформи, кои треба да ѝ го вратат пристапот на Аргентина до меѓународните пазари на капитал и да ѝ обезбедат долгорочна стабилност без оглед кој е на власт.

Децата родени од мајки заразени со ковид за време на бременоста се соочувале со поголем ризик од аутизам, заедно со други невролошки разлики како што се доцнења во говорот и моторниот развој. Наодите од ново истражување не се цврсти докази дека ковид-19 ги предизвикал состојбите кај децата, но случаите биле 2,5 пати почести во споредба со мајките што не биле заразени.

Поранешниот прв човек на Фронтекс сведочи како под влијание на невладини организции, Европската комисија му вршела притисок и му објаснувале дека неговата работа не е да ги чува европските граници туку да ги пречекува мигрантите. Затоа ги советувал полските власти да не ги користат услугите на Фронтекс.

Европската Унија има премногу регулативи на кои инсистира а нивното исполнување е речиси невозможно, кажа индискиот министер за трговија и индустрија по последната јалова рунда преговори со ЕУ. Двете страни треба до крајот на годината да постигнат договор за слободна трговија но не се стигнати до никаде.  

Надзорниот орган на ЕУ отвори истрага дали Европската комисија крие што се дискутирало на стотици тајни преговори со лобисти и претставници на индустријата пред да ја почне серијата укинување на регулативи што се сметаат за „непријателски“ за бизнисите. Средбите се уредно забележани, но извештаите се претерано штури и не содржат детали.

Кога се соочени со нови факти, спротивни на нивните претходни ставови, шимпанзата повеќе им веруваат на поцврстите докази и ќе си го променат мислењето. Уште од Аристотел се сметаше дека само луѓето се способни за рационална промена на убедувањето. И додека се плашиме дека ќе изгубиме од вештачката интелигенција, ние уште мајмуните ги немаме победено во сите сфери.

САД ги зафаќа трет бран од „црвена паника“, овојпат не од Советскиот сојуз туку од Кина. Секој вработен во фирма која има некаков кинески капитал, мора да влезе во регистер на „странски агенти“. А такви се Моторола, Генерал Електрик, Епик Гејмс... Сомнителен е секој контакт или врска со Кина, макар се работело за научно истражување.     

Дури и на сателитски снимки се гледаат крвавите траги од масакрите во суданскиот регион Дарфур. Паравоени сили во еден ден убиле 460 пациенти и лекари во породилиште, одат по домови и ликвидираат цивили, пукаат во оние што бегаат. За само три дена убиле повеќе од 2.000 луѓе што не се Арапи. Градот Ел Фашер е Пекол на земјата. А западните влади упорно молчат.

Претстојната зима може да биде „последнииот чин“ на Зеленски и неговиот отпор кон руската нвазија, пишува надворешно-политичкиот колумнист на Тајмс, Роџер Бојес.  После речиси три години војна, Украина се соочува со сериозен недостаток на средства, уморни сојузници и сè помала волја на Запад да помага против Русите. „Спремете се за мир, нема да биде убав.“