Во тужбата Асанж го цитира тестаментот на Алфред Нобел, кој своето богатство го оставил за награда за мир за лица што придонеле најмногу за човештвото и кои „направиле најмногу за братство меѓу народите, за укинување или намалување на постојаните армии и за одржување и промоција на мировни конгреси“.
Ако Нобеловата фондација ѝ ја исплати наградата од 1,18 милиони долари на нобеловката Мачадо, ќе го претвори наследството на Нобел од инструмент за мир во инструмент за војна, тврди основачот на Викиликс.
Мачадо ги прекршила овие принципи со низа изјави со кои поддржува санкции, агресија и убиства. Таа ги нарече „оправдани“ и „визионерски“ ракетните удари на САД врз цивилните бродовите што наводно пренесувале дрога (во кои досега загинаа најмалку 95 луѓе), запленувањето на танкер, целосната поморска блокада и заканата од претседателот Доналд Трамп за копнена интервенција.
Воената ескалација може да биде единствениот начин... САД можеби ќе треба директно да интервенираат, изјави Мачадо на 30 октомври.
Асанж потсетува и на изјавата на Мачадо пред Конгресот на САД во 2014 година: „Единствениот пат што останува е употребата на сила“.
Од фондот за мир на Алфред Нобел не може да се потрошат пари за промоција на војна, вели Асанж.
Тој додава дека со исплатата Шведска би ги прекршила своите обврски од Римскиот статут, кој наведува дека „секој што помага, поттикнува или на друг начин помага во извршувањето на воени злосторства може да биде гонет од Меѓународниот кривичен суд“.
Бидејќи обвинетите се свесни за поттикнувањето и одобрувањето од страна на Мачадо на извршувањето на меѓународни злосторства од страна на САД и знаеле или требало да знаат дека исплатата на нобеловите пари ќе придонесе за вонсудски убиства на цивили и преживеани од бродоломци на море и ја прекршуваат својата обврска да ги прекинат исплатите, се вели во тужбата.
Асанж бара од шведските власти веднаш да го замрзнат претстојниот трансфер на паричната награда од 11 милиони шведски круни, да ѝ го одземат медалот на Мачадо и да отворат истрага дали претседателката на Нобеловата фондација, Астрид Седерберг Видинг и извршната директорка Хана Стјерн се одговорни за кршење на довербата, олеснување на воени злосторства, злосторства против човештвото и заговор. Предметот може да го предадат и на Меѓународниот кривичен суд.
******
Види и: Џефри Сакс за Венецуела: Просто е
Трамп тргнува против Венецуела
