Најдобри филмови, најдобри книги, најдобри албуми и најдобри песни, добиени како просек од сите (што дошле при рака) топ 10 листи за 2016 објавени периодов.

- Кинеската потрошувачка на купување американски и европски компании во 2016 е поголема отколку во трите претходни години заедно. За 2016 сумата е 163 милијарди долари (88 во Западна Европа, 75 во САД).

На 53-годишна возраст во својот дом почина пејачот Џорџ Мајкл, ја пренесува Би-би-си изјавата на неговиот публицист.

Едно од најчестите правила што се претставуваат како неприкосновен канон на исхраната е дека можеш да го имаш тој екстра тост, сладолед или пијачка ако планираш тие калории да ги согориш со физичка активност. Најмалку 60 научни студии го порекнуваат тоа правило.

Не е потребно ни оружје, ни тренинг во некој терористички камп, ни обука, ни ништо. Потребно е во земја каква што е Германија (која има 80 милиони возила), да набавиш едно возило и да начекаш толпа народ. Ама, како што вели една балканска поговорка: Бој се овна, бој се говна, кад чемо живети?

Сојузот на Советски Социјалистички Републики официјално престана да постои на 26 декември 1991. Црвеното знаме со срп и чекан дента беше спуштено пред Кремљ во 19:32. Во рок од половина час, на негово место беше издигнато црвено-бело-синото руско знаме.

Или ќе се накрцка пари од говоранции и мудрувања како Бил Клинтон или ќе си приушти време за некое хоби како Џорџ Буш со своите акварели. Или двете.

Пораката од годишната конференција на Путин со околу 1.400 новинари беше: 1. разберете дека ви се немаме мешано во изборите, 2. цело време верувавме дека он ќе победи.

Победата на Доналд Трамп на американските претседателски избори предизвика целосна вчудовиденост кај интелектуалната елита, длабоко загрижена поради погрешниот избор на народот. Наместо да размислат за причините за привлечноста на „антиелитистичката“ и „протестна“ политичка реторика, многу коментатори се посклони да заклучат дека проблемот не е во системот и досегашните политики, туку во народот, кој не ги разбира.

Досега водено како главно обележје на десницата, и тоа посебно на нејзиниот крајно неразумен дел, поседувањето оружје стана сè позачестено и за левиот дел од Америка под сосема разумното оправдание дека по изборот на Трамп, тие се подготвуваат за колапсот на општеството. Освен главниот лик, алибито е верна копија на тоа што десницата го збореше последните 8 години.

Во една бракоразводна парница канадски судија морал да им објаснува зошто во нивната разделба, законот не може нивните кучиња да ги третира како што се третираат децата во иста ситуација.

Бројката е нешто ситно над 400 илјади велосипедисти субвенционирани од белгиската влада да користат велосипед за да стигнат до работа, за што во просек добиле субвенции од нешто над 230 евра годишно.

Прелесното расфрлање со поимите фашизам и фашисти доведува до нивна инфлација - колку повеќе ги има во оптек, толку помалку вредат или нешто навистина значат. Наместо прецизна вредносна содржина, се добива обична навреда која зачестено служи за дисквалификација на политичките противници. А има нешто примамливо и во тоа што кога ќе го прогласиш противникот за фашист, во своите очи автоматски стануваш антифашист.

Со години паѓа продажбата на омекнувачите за алишта, а глобално најсилните производители на таквите средства мислат дека на младите не им е најјасно за што служат тие.

Точно е дека работата го создала човекот, но неработењето го има создадено господинот. Некаде на половина на минатиот век работите почнуваат да се менуваат.

Како Бугарин можам да ви кажам дека меѓународните медиуми изборите во малите европски земји ги покриваат исто како што професор по литература чита шпионски роман: интересна занимација, ама за кратко ги заборава ликовите, а не му е многу гајле и ако наративот се испомеша. Обично ова не е проблем, ама следната година може да биде.

На социјалните мрежи се појави хаштагот #RussiansDidIt, кој Руска реч го објаснува како „три едноставни збора што помагаат да се извадите од која било непријатна ситуација“.

Трамп Јуниор и Ерик Трамп нудат приватни средби со татко им во замена за донација од 25.000 до 1 милион долари, објавува американскиот Центар за јавен интегритет.

Летово двајца тинејџери снимаат видео како преспиваат во Икеа, видеото прво добива над 1,5 милиони прегледи на Јутјуб, а потоа и дузина следбеници, тинејџери, кои го копираат нивниот пример.

Гревот на Клинтонови, отплатен во ФБИ-истрага на само неколку дена пред гласањето, е што и двајцата идентично чувствуваат дека „правилата не важат за нив“.

По неодамнешниот неуспешен состанок на Тереза Меј со нејзината сојузничка Ангела Меркел, британската премиерка објави дека „ѝ треба време малку да се прибере“. Како што пишува поранешниот полски заменик-премиер, Ростовски, по почетната постреферендумска ароганција и еуфорија, станува сè појасно дека владата на Меј комплетно погрешно ја проценила реакцијата на ЕУ во однос на брегзит.

Компјутерот за храна е производ на МИТ, кој го создаваат по комплетниот крах на јапонското земјоделство предизвикан од цунамито и нуклеарната катастрофа во Фукушима, инаку главниот земјоделски регион во земјата. Сега од МИТ сакаат секој сам да го направи компјутерот и да се зафати со земјоделство.

На луѓето веќе не им се ни потребни информативни текстови за да побрзаат своето мислење да го напишат во коментар. Доволно е да го видат насловот и да се испукаат (од себе) и исплукаат (со друг). Коментарите се покажаа како магнет за секакви отрови. А и голем мерак е кога на офф ќе напишеш долг текст и замислуваш како некој неупатен идиот се мачи да скрола до доле за да дојде до местото за коментар.

Во западните извештаи од Алепо нема да ги сретнете имињата на групите што се борат против војската на Башар Ал Асад. Во тие извештаи сите тие ќе бидат означени како „бунтовници“, небаре се Титовите партизани што со храброст и пожртвуваност ја ослободија Југославија од нацистите. А не се.