Над 100 хомосексуалци биле притворени а најмалку тројца се убиени од властите во Чеченија, пишува Њујорк Тајмс цитирајќи извор на руски јазик.
Извештајот на Новаја газета се потпира на неименувани владини и полициски извори а следува по неколку неделните гласини дека хомосексуалци мистериозно исчезнуваат од улиците на Чеченија.
Тивко биле апсени лица меѓу 16 и 50 години „во врска со нивната нетрадиционална сексуална ориентација или сомневање во врска со неа“.
А официјална Чеченија тврди дека во земјата - нема хомосексуалци. Портпаролот на Рамзан Кадиров демантираше дека имало какви било апсења или притвори на оваа тема.
„Ако такви луѓе и постојат во Чеченија, силите на безбедност не мора да се ангажираат околу нив бидејќи самите нивни семејства и роднини ќе им покажат каде им е местото“, изјави портпаролот Алви Каримов.
