Со темата што тоа нè спречува да се сослушаме се имаат занимавано и сериозни теориски физичари. Ако во еден дијалог се влегува со мотив да се победи другиот (овдешните малоумници тоа го викаат „да избрише под со него“), таквиот дијалог само ќе доведе до уште поголема конфузија и недоразбирање.

Кон крајот на 2016-та Трамп во еден свој Твитер проглас порача "Обединетите нации имаат толку голем потенцијал, а моментално се само клуб на луѓе што се собираат, зборуваат и убаво си поминуваат. Тажно." Ова кај добар дел од поборниците на глобалната институција предизвика напад на уште повеќе твитање и пишување едиторијали.

New Scientist ни донесе вест која зрачи со политички оптимизам. Предизборните ветувања не се најкраткото нешто во нашиот универзум.

14 години откако врз основа на лаги (алтернативни факти) ја втурна земјата во ирачката војна, Џорџ Дуплове Буш комплетно се ребрендира па денес се прикажува како голем сојузник на слободните медиуми.

Американскиот ракетен штит (АБМ), кој вклучува неколку локации во источна Европа и бродови кои патролираат во близина на руските граници, му даваат можност на САД да започне "огромен изненаден нуклеарен напад на Русија".

Не е почеток на виц туку реакцијата на Џон Клиз откако беше објавена веста дека Керим Ахметспахиќ за 35 секунди скршил дури 111 блокови и го срушил Гинисовиот рекорд во оваа категорија.

Преземањето на Агрокор е во склад со шаблонот на рускиот економски продор од "Прирачникот на Кремљ" на Центарот за стратешки и меѓународни студии од Вашингтон. Се работи за процес кој авторите го опишуваат како "манипулирање на државата со доминирање и злоупотребување на стратешките економски сектори".

Белата куќа планира дека 1 милијарда долари ќе покријат изградба на 100 километри од ѕидот кон Мексико. Пресметките од одделот за Домашна безбедност покажуваат дека милијардата е доволна само за 77 километри. Она околу што сите се сложуваат е дека меѓу САД и Мексико има 3218 километри граница.

Спорот што науката се обидува да го реши е битката меѓу моногамија и не-моногамија (ова второво внимателно спакувано да не звучи како полигамија).

Италијанскиот парламент разгледува предлог-закон што ќе ги присили компаниите да обезбедат три дена месечно платен одмор за вработените жени што имаат проблематична менструација.

Промосковскиот политичар чиј потпис формално ѝ го предаде Крим на Русија, три години подоцна вели дека не се кае за тоа, ама не е тоа тоа што луѓето го очекувале.

Политичкиот револт е неизбежен во свет каде вработените се робови за плата, а шефовите супер богати, пишува Лари Елиот во Гардијан.

Двајца врвни професори од Принстон и Харвард, едниот левичар, другиот десничар, иницираа заедничка изјава. Клучна реченица: „Без разлика дали сте лево, десно или во центар, ПОСТОЈАТ луѓе со добра воља кои не ги делат вашите суштински убедувања“. Тоа е работа на професори, да ги потсетуваат пишпириците на важноста на слободата на говорот. А не...

Десетото јубилејно Првенство на бармени во Македонија, оваа година ќе се одржи на 28 март воMarriottХотел. Десетото јубилејно Првенство на бармени во Македонија, оваа година ќе се одржи на 28 март во Marriott Хотел.

На својата 60-годишнина, вознемирената ЕУ треба да најде инспирација во едно од своите најголеми наследства: мрачната германска филозофија.

Сите се колнат во НАТО, ама никој не сака да плаќа за него (слично важи и за ОН). Ама онаа будалетинка Трамп баш тоа ѝ го приредил на Ангела Меркел. Направил фактура колку Германија има заостанат долг кон алијансата и ѝ ја предал. А долгот е боли глава.

За време на говор во колеџ во Њујорк, поранешниот американски претседател им се отвора на студентите дека сепак му е жал што не се кандидирал за претседател на САД, порачувајќи „можев да победам“.

Звучи како едноставен и здраворазумски совет: јади овошје и зеленчук, движи се или вежбај и земај витамини. Последново, не баш. Ама па убави се бе!

Ако те слупа кола само затоа што си толку глуп да поминуваш улица зјапајќи во својот мобилен, можеби тоа еволуцијата ти дава до знаење што мисли за тебе и твоето размножување на планетава. Ама не, Холандија ќе ги продолжува и тие видови.

Знаете како функционираше робинхудовскиот принцип кај ликот од Алан Форд: кради од сиромашните и давај на богатите. Е, па, капитализам.

Не дека ваква сплетка не можеше да се очекува. Откако заради разочараност со капитализмот голем број десничарски движења од Источна Европа тргна во уште една пресметка со комунизмот, логото на холандското пиво Хајнекен се наметна како сериозен предизвик во оваа идеолошка забуна: симбол на продорот на капитализмот со петокрака на шишето. Не само тоа, неретко на либералите ова лого им претставуваше клуч во одбраната од нападите од десно.

Моќта го исфрла на површина нашиот вистински карактер, ги откочува инхибициите и го ослободува нашето внатрешно „јас“. Тоа значи дека ако си сељак и добиеш власт, после ова ќе станеш уште поголем сељак. Ако си господин човек, има шанса да станеш уште погосподин.

Во 90-те во Германија се крева сериозна галама откако се дознава за малтретирањето на стоката и условите во кои таа живее, пред да биде заклана. Мерките кои по ова се воведени го поскапуваат увозот на месо, меѓутоа Германецот спремен да плати за квалитет нема поплаки околу тоа. Тогаш месната индустрија прави пресврт - зошто ние да нè фатиме да произведуваме месо, а наместо месо ќе увезуваме касапи.