Пребарувачите и агрегаторите на вести на чело со Гугл направија империи со пренесување и сортирање на авторски новинарски содржини. Сега преминуваат на стратегија што егзистенцијално ги загрозува медиумите – нудат резиме составено со вештачка интелигенција за да обесхрабрат посета на оригиналниот извор на веста. Како курир што ја крие пораката и ја прераскажува.

Администрацијата во Вашингтон е на прагот да ја прифати иницијативата за одобрување на забранетите супстанции како ЛСД и екстази за третман на депресија, траума и други тешки состојби. Министерот за здравство Роберт Ф. Кенеди најави одобрување за 12 месеци. Тексас одобри проект за проучување на моќниот психоделичен ибогаин како третман за зависност од опиоиди.

Соборувањето на режимот на Башар ал Асад значително го намали бројот на баратели на азил во Европа. Германија повеќе не е дестинација број еден. Без бегалците од Сирија, ја претркаа Шпанија, Франција и Италија, во кои засолниште бараат лица од Латинска Америка, централна Африка и Средна Азија. Германија, сепак, се уште е европски рекордер според бројот на одобрени барања за азил.

Со испитувања, мерења и анализи, науката само го потврди она што одамна е врежано во многу култури, традиции и бабини совети низ светот – супата помага полесно да се оздрави од настинка или грип, па и од ковид. Анализа на десетици илјади записи и тестирања кај стотици доброволци покажале дека дејството на супата е особено ефикасно ако е топла, пилешка и ако е зачинета со лук.

Повеќе од 11.900 бизниси, илјадници нови домови, плус јавни установи како болници и противпожарни станици со години чекаат за да бидат приклучени во енергетската мрежа на Холандија. Системот едноставно нема капацитет да издржи толку големо оптоварување, особено откако беше прекинато производството на огромното гасно поле. Ист проблем ја чека цела Европа.

Планот на Урсула фон дер Лајен за буџетот од 2.000 милијарди евра, најголем во историјата на ЕУ предизвика општ хаос. Комесарите во Брисел се жалат дека планот им бил наметнат. Берлин веќе најави дека ќе го отфрли. Експерти предупредуваат дека има дупки во пресметките и дека фалат 300 милијарди... „Никој не знаеше што ќе добие или што ќе плати“, коментира човек вклучен во преговорите.

Осум здрави бебиња се родени во Британија со револуционерна процедура на комбинација на генетски материјал од три лица за да се спречи пренесување на наследни болести за кои нема лек. Мајките на овие бебиња имале мутации во митохондриите и имало висок ризик да пренесат генетски нарушувања кај своите деца. Тоа било спречено со додавање митохондрии од друга жена.

Билките и животните мошне веројатно несвесно комуницираат. Научниот тим што откри дека растенијата испуштаат звуци, сега тврди дека тоа го слушаат инсектите и дека ја разбираат пораката. Женските молци, на пример, избегнувале да положуваат јајца на растенија од домати ако испуштале звуци што ги поврзувале со страдање, што укажува дека се дехидрирани и нездрави.

Не сте чуле за NSSiF? Не ни требало, затоа што тоа е таен фонд што ги обезбедува модерните гаџети и опремата за агентите од британските разузнавачки агенции GCHQ, МИ5 и шпионската МИ5. Владата во Лондон ќе издвои уште стотици милиони фунти во фондот и ќе го извлече од дебелата сенка, за да го приближи до стартапи што развиваат технолошки иновации за одбраната.

Европската координаторка за антисемитизам во ЕУ се жали дека акциите за собирање хуманитарна помош за гладните деца во Газа „ги прават Евреите да се чувствуваат непријатно“ и поттикнуваат омраза. Ја критикуваше дури и акцијата на своите колеги од Брисел, кои во мај самите месеа печива и парите од продажбата ги донираа во фонд за палестинските цивили во Газа.

Хранењето на невроните со бакар драматично помага да се намалат оштетувањата на мозочните клетки, покажува ново истражување спроведено кај лабораториски глувци. За експертите тоа е ветувачки знак дека додавањето бакар во организмот може да биде ефикасен за луѓето што страдаат од Паркинсонова болест, слично на инсулинот или додатоците од железо против анемија.

Ниту еден имејл во историјата не предизвикал толку голема штета. Кралски маринец случајно испратил список со податоци за 25.000 Авганистанци што им помагале на британските трупи. Кога списокот бил споделен на Фејсбук, британските власти тргнале во две ризични и скапи мисии - да ги извлечат загрозените соработници, а за тоа да не дознаат пратениците и да не писнат медиумите.

Шест месеци по почетокот на војната во Газа, Нетанјаху бил спремен да ја запре. Но, го поколебале јастребите во кабинетот, без чија поддршка ќе ја изгубел власта. Од тој момент Нетанјаху наредувал офанзиви, отфрлал примирја и отворил нови фронтови само за да трае војната што е можно подолго, тврди Њујорк тајмс. Резултатот е уништување на Газа и смрт на десетици илјади цивили и деца.

Јазичен модел со вештачка интелигенција на ОпенАИ ги оставил вџашени врвните математичари што тајно се состанале за да го тестираат. Без проблем ги решавал сите равенки и задачи што му ги составиле, дури и некои од најтешките проблеми во математиката. Генијалците договориле награда од по 7.500 долари за секоја задача која ботот нема да може да ја реши. Не се опариле многу.

Фрустриран од однесувањето на Владимир Путин, американскиот претседател Трамп ја разгледува опцијата да ѝ даде на Украина долгострелно оружје со кое би можела да ги гаѓа Москва и Санкт Петербург. Според извори на Фајненшл тајмс, тој дури и лично го прашал Володимир Зеленски какви проектили ќе завршат работа. Кремљ веќе предупреди дека таквиот напад ќе значи војна со САД.

Дури и кога се прочистени со стандардните процедури, зелените салати на продажба во супермаркети низ цела Европа содржат отпорни паразити. Кога ќе се навлезат во човек, трајно се вгнездуваат и ги нагризуваат мозочните клетки. Сегашните европски прописи за безбедност на храната се фокусираат на бактериска контаминација и не налагаат тестирање за паразити во свежи производи.

Западот (во политичка смисла) сака да му веруваат дека почитува правила и вредности а цело време истите тие ги крши. Западот сака да се убеди дека води битки против брутални диктатори а брутални диктатори му се најдобрите сојузници (додека одат по ќеиф). Запад мисли дека со санкции ќе ја скрши Русија, а со една Куба не успеа во тоа. Запад се колне во суверенитетот и територијалниот интегритет на Украина, додека не го прашаш: А Косово?  

Левичарите се подбиваа со Хавиер Милеи кога во кампањата се фати за моторна пила за да покаже колку сурово ќе ги сече трошоците и бирократијата. Тврдеа дека неговата радикална фискална реформа ќе ја закопа економијата на Аргентина. Се покажа спротивното. УНИЦЕФ сега му изразува признание поради тоа што извлекол од сиромаштија 1,7 милион деца. И тоа не е сè.

Глобалното затоплување се забрза од околу 2010 година, што доведе до неодамнешната низа рекордно топли години. Но, причините за тоа не се само во загадувањето предизвикано од луѓето, покажува ново истражување. Напротив. Со чистењето на смогот од големите градови и индустриските центри се отстранува вештачкиот чадор што ја штити површината од сончево зрачење.

Италија и Грција попусто ги предупредуваат партнерите од ЕУ и од НАТО дека претерано се фокусирани на војната во Украина и забораваат на сериозните закани за европската безбедност од Либија. Не само што од таму во изминатите недели се засили бранот мигранти, туку и се зголемува интересот на Москва да ја пополни безбедносната празнина за да отвори нов хибриден, па и воен фронт.

Австрија му го одзеде државјанството на Украинец што ги исполнил сите услови за да добие пасош, освен еден – да ја отпее националната химна. Суд ги отфрлил неговите аргументи дека како следбеник на христијанскиот ред Јеховини сведоци, за него пеењето химна бил неприфатлив „чин на богослужба“, а ѝ не сакал да ѝ се заколне на верност на татковината, како што налага текстот. 

Благодарение на огромниот медицински напредок во третманот на срцеви удари, смртноста од срцеви заболувања во САД и Европа значително се намали во последните децении. Но, нова студија открива вознемирувачки тренд: додека инфарктите стануваат сè помалку смртоносни, хроничните болести на срцето, како што се високиот крвен притисок и аритмиите сè повеќе одземаат животи.

Форензичари и археолози од целиот свет од денеска со големо внимание ќе почнат да ја откопуваат вистината за една од најголемите дамки во историјата на Ирска. Ќе ги ексхумираат останките на речиси 800 бебиња што починале во мистериозни околности во католичко прифатилиште за млади жени. Државата ги охрабрила и четири децении ги криела злосторствата на калуѓерките.

Луѓето што не ги сакаат понеделниците имаат добра причина за тоа. На денот со кој почнува новата работна недела се зголемува анксиозноста. Научници докажаа дека тој стрес остава сериозни траги врз телото и го зголемува ризикот од кардиоваскуларни заболувања. Биоритмот толку многу се програмира, што понеделничкиот стрес останува трајно врежан во психата и телото.