Според извештајот на фирмата за енергетска аналитика Монтел, трошоците за намалување на работата на ветерните турбини лани биле 1,4 милијарди фунти. Попусто потрошените 10 терават часови енергија биле за 22% повисоки во споредба со претходната година.
Поставувањето нови ветерници го зголемува товарот врз мрежата далеководи, кои немаат капацитет да ја пренесуваат струјата до градовите и потрошувачите на кои им е најпотребна. Тоа резултира со „трошоци за намалување“, кои им се плаќаат на ветерните централи кога се бара да ги исклучат турбините.
Во исто време, за да се задоволи потребата за струја, операторите се принудени да бараат вонредно вклучување на гасните централи, што исто така создава трошоци.
Северна Шкотска претрпе најголемо намалување на потрошувачката. Над 8,8 TWh енергија од ветерниците во овој регион беше исклучена, што е доволно за да се задоволи целата побарувачка на струја за домаќинствата во Шкотска во 2025 година, соопшти Монтел.
Цената на „фрлената“ струја се зголемува пропорционално со воведувањето нови извори на обновлива енергија во Британија. И од соларните централи се бара да бидат исклучени од мрежата кога се создаваат тесни грла.
Трошоците за намалување на потрошувачката на сончева енергија се зголемија во текот на годината на вкупно над 252.000 фунти. Иако ова е значително пониско од соодветните бројки за ветер, тоа претставува зголемување во однос на занемарливите трошоци забележани во 2024 година, забележаа аналитичарите.
За да се спречат трошоците за вклучување на изворите на обновлива енергија, државниот регулатор Огфем одобри планови на трите оператори за пренос на струја да инвестираат 90 милијарди фунти за изградба на нови далеководи и трафостаници.
Изградбата ќе трае најмалку пет години и во тоа време се предвидува дека уште повеќе ќе растат трошоците предизвикани од лошиот систем. Фирмата „Октопус енерџи“ предупредува дека трошоците во 2030 година може да достигнат 8 милијарди фунти.
Без клучното проширување на електричната мрежа, заедно од оние што ја поседуваат и од индустријата, постои ризик трошоците за намалување да продолжат да растат, објави Националниот енергетски систем.
