Во текот на годината американскиот претседател редовно препорачуваше материјал за читање (сериозно), иако паралелно со тоа во повеќе наврати отворено признаваше дека баш и нема време за читање.

Стара и нерешлива е таа дилема, дали луѓето во суштина се добри а ги расипува околината и општеството, или пак во суштина се темелно кварни а општеството, њему хвала, постои за да го кочи лошотилакот кој во нив го има.

Ако херојскиот подвиг за годинава ти е да се избришеш од Фејсбук (што секако е добар почеток), немој да мислиш дека се имаш раатисано од социјалната мрежа, бидејќи таа продолжува да се апдејтува за тебе преку Инстаграм и Вотсап.

Нашата природна состојба е состојба на инертен хедонизам и оттука парадоксот: колку подолго живееме слободни, толку повеќе биваме неслободни, заробени во постоечките рамки на можностите, вели Слaвој Жижек. Затоа, во нашата сопствена слобода треба да нè подбутне некој од надвор.

1.500 вработени на Џул, производителот на електронски цигари, ќе поделат Божиќен бонус од 2 милијарди долари кој ќе им биде исплатен од Алтриа (поранешен Филип Морис) како дел од договорот за купување на удел во компанијата за е-цигари.

Да го прашаш Закерберг, тој сигурно годинава ќе ја памети по тоа што изгуби повеќе пари од кој и да друг милијардер. Да ги прашаш другите, тие сигурно ќе му ја паметат како годината кога јасно и гласно се разбра дека човекот ги шитка своите корисници за ќар, без да размислува на кого.

Поточно, корисни се само ако скокаш од авион во лет, инаку за ништо не служат, и ова е заклучок кој го бркаа професори по медицина во една неодамнешна студија.

Во копија на локалниот апсурд да имаш субвенции за тутун, а на секој чекор да забрануваш пушење цигари, ЕУ има субвенции за јаглен, додека е потписник на Парискиот климатски договор.

Со цел да ја заташкаат загаденоста на воздухот која беспоштедно беше е издадена од снегот, локални власти во Сибир почнале со фарбање на снегот со бела боја.

Во било кој друг контекст, текстов во Екатимерини би бил нишчо особено, повторување на очигледности. Но во случајов женава ѝ објаснува на грчката публика дека не е "расно чиста", и дека генетски не е премногу различна од луѓето на северниот сосед. Им укажува на фактот дека границата меѓу двете држави не е и граница за генетските профили. И дека е многу веројатно сите во регионот, барем делумно, да делат корени со Александар.

„Да, биткоинот беше меур и тој пукна“, пишува Ноа Смит во Блумберг за миленијалците, кои, како и многу други генерации пред нив, само што научија една болна лекција за „брза и лесна“ заработка.

Реално, мали се шансите нашиот теледиригиран премиер да се закити со таа престижна и контроверзна награда, иако мора да му се признае дека вешто го одработува проектот за лоботомизирање на граѓанството додека му се менува описот на државата. Нашата воздржаност е од чисто статистичка природа. Имено, за лоботомија веќе имаат доделено Нобелова награда, па нема ваљда два пати за исто.

Моментално главниот столб на козметичката индустрија е негата на кожа, каде посебно доминира категоријата „против-стареење“. Драмата што моментално се случува со загадувањето во градовите низ светот почнаа да и даваат снага на една досега речиси непостоечка категорија козметички производи „против загадување“.

Минатава недела Париз гореше, брегзит се претвори во психодрама, а автократите на Европа ни педа не отстапија пред протестите. Јасно ти е дека Европа е сред проблеми кога американските либерали почнуваат да се чувствуваат супериорни.

Ако има статистика која треба да се запамети за годинава тоа е дека 90,5% од вкупниот пластичен отпад никогаш не е рециклиран.

Германските регулатори се скептични околу повиците за бојкотирање на кинески Хуавеи што доаѓаат од Западниот блок затоа што до сега не постојат никакви докази дека компанијата би можела да ја употреби својата опрема за шпионирање во корист на Пекинг, објавува Шпигел.

Од постојаната бучава на домашните бељи, вообичаените но и вонредни порази (да, Преспа), забораваме дека светот си тера работа и без нас, некогаш на арно, некогаш на лошо. Овојпат за она првото.

Глупо е да кажеш дека 2-годишни деца можат да бидат инфлуенсери (како и за колку и да е годишни луѓе). Ама па како поинаку да ги кажеш кога за објавување на една фотка на нивниот Инстаграм се наплаќаат 5-цифрени суми (во долари).

Од една страна имаше огромна галама од бројни вработени на Гугл и надворешни луѓе што се општо против влегувањето на компанијата на кинески пазар под условите кои и беа наметнати. Од другата страна беа далеку помалубројните, ама локално кинески, гласови кои беа за тоа Гугл да влезе на нивен пазар, па макар и под условите кои му се наметнати.

За впечатокот да биде комплетен, не е само да работиш 4 дена во неделата, туку и да те плаќаат за 5.

Откако Вселенскиот патријарх Вартоломеј и даде автокефалност на украинската црква од руската, рускиот патријарх најави дека РПЦ ќе преземе мерки против одлуката и цариградската патријаршија.

Изминативе денови неколку жени излегоа со обвиненија против научникот Нил Деграс Тајсон за сексуално малтретирање кои се движат од силување во дрогирана состојба до непосакувано допирање. Обвинувањата се протегаат во период од 30 години, и благодарејќи на #MeToo успеваат да соберат внимание од јавноста иако една од жените го има објавено својот случај уште во 2010.

Активисти за трансродови права успеваат да се изборат во основни училишта во Британија децата да се учат дека „сите родови“ може да имаат месечен циклус.

Легендите на Топ гиар (кои подоцна станаа богаташите од Гранд тур) објавија крај на својата кариера на снимање „студиски автомобилски програми“.