Германија, истата држава која му беше јатак на Навални по обидот за негово труење, побара од јавноста да ги одвои своите емоции за прекршување на човековите права од страна на Русија од бизнис проектите кои Западот ги има со Русија.

Ваков наслов, чисто колку да се залетаат конкубините и вебинарски бројлери кои се ежат на секое спомнување на Русија и Путин. А потоа брзо да треснат на земја кога ќе видат дека извор не ни е Спутник туку Блумберг.

Ослободена од обврските за бескрајни консултации и синхронизации на регулативите со останатите земји од ЕУ, Велика Британија досега вакцинираше 15% од населението. Во 27-те земји членки на блокот, вакцинирани се само 3%.

За првпат во постоењето на католичката црква, во синодот на бискупи ќе има и жена. Поглаварот Франциско оваа чест и ја додели на сестра Наталија Бекар од Франција.  

Карипската комунистичка земја најавува дека ја отвора економијата за приватни бизниси и дека ќе останат само малку сектори кои ќе бидат резервирани исклучиво за државата.

Нова студија покажува дека вакцината на Астра Зенека од која ние за еден месец очекуваме барем 100.000 дози, има ограничен ефект на јужноафриканскиот сој на коронавирусот. Развивачите на вакцината ветуваат дека ќе ја модификуваат за да биде ефикасна и за тоа: некаде на есен.

Со сегашната стапка на вакцинација (значи кај нас сето ова е само бетер) враќањето на „нормален живот“ би требало да се случи некаде за околу 7 години.

ЕУ останува препознатлива само како политичко крило на НАТО (како Шин Фејн на ИРА, како ДУИ на УЧК). На ниво на вредности и принципи,  речиси е невозможно да ѝ се одреди физиономијата бидејќи во унијата се случува еден галиматијас од идеи, од крајно глупи до крајно глупи. Полска на пример, на жените кои ќе мораат да родат деформиран фетус поради драконските забрани за абортус, ќе им помага така што ќе предвиди соба за нив, за да можат на раат да се исплачат.

Рапидното распоредување на единиците на веќе буџетски покриената Национална гарда во Вашингтон го чини буџетот на САД околу половина милијарда долари, и ова е конзервативна проценка.

Дозвола од Светската трговска организација ќе им овозможеше на земјите во развој да почнат да произведуваат генерички верзии на ковид-19 вакцини и лекови. Дозволата не беше дадена заради блокада од богатите членки на СТО, по основа дека таквото укинување на патентите би ја осакатило идната иновација.

Не купувајте Тесла возила сред зголемување на производството е советот што Илон им го дава на своите пријатели, а од пред некој ден и на јавноста.

Во официјален допис кинеското министерство за образование се жали дека кинеските момчиња станале премногу „женствени“, и бара како тоа да го сврти во спротивен правец.

По доаѓањето на Бајден, академици и прогресивни медиуми се погласно се залагаат за контрола на медиумите која би се спроведувала од државата.

Од една страна земјите членки бирократски се ограничени колку можат да трошат државни пари, од друга страна истите тие се во постојана „трка кон дното“ кој ќе обезбеди пониски даноци на приход и пониски плати.

Дури и фотографија од лице и врат на сериозната Окасио-Кортез, алгоритам за автоматско комплетирање слики ја надополнува со женско тело во бикини. Така гледал по интернет, така научил. 

Војната против наркотиците веќе со години се смета за веројатно најголем неуспех на секоја американска (а и светска) влада, затоа што едноставно пари се трошат, луѓе се затвораат и гинат, а дроги (и уживатели) има сè повеќе и повеќе. Стратегијата што последнава деценија станува се попривлечна низ светот се сведува на - остави ги нека се дрогираат ако сакаат, само нека плаќаат данок.

За многумина кои ги примиле таканаречените генетски вакцини на Фајзер и Модерна, првото боцкање поминало без никакви проблеми но затоа после ревакцинацијата, телото реагирало бурно и дошло до нус-појави кои знаат да го уплашат човеек. Познавачите тврдат дека тоа што ви е лошо е само знак дека сè ќе биде добро.

Речиси идентично на германските власти од пред некој ден, шведските здравствени власти објавија дека нема да ја препорачаат АстраЗенека ковид-19 вакцината за лицата над 65 години.

Прелиминарните резултати од анализа на податоците од повеќе од 20.000 учесници се дека руската вакцина има ефикасност од 91,6% против симптоматичен коронавирус, се наведува во студијата објавена во Лансет.

Новата постава на Белата куќа најави дека ќе прави ревизија на досегашниот тек на американско-кинеските трговски односи кои ги физиономираше Доналд Трамп кој Кина ја безецираше како клучен архи-непријател. Според бројките кои и сега се достапни, тешко дека во ќитапите ќе најдат нешто друго освен фијаско.

Откако Кинезите и Самсунг почнаа да се расфрлаат со камери од 100 мегапиксели, какви не екрани, процесори и мемории, Епл одлучи дека главна продажна предност на Ајфонот што ќе ја оправда цената ќе биде заштита на приватноста на своите корисници, па и покрај целиот ризик влезе во отворена војна со Фејсбук. Сега Фејсбук се обидува со јаукање и апели да ги придобие назад корисниците кои радо би гледале како целата компанија гори во незапирлив пожар.

Ви кажавме. Ви кажавме дека ЕУ не е некоја хипиевска, интернационалистичка екипа туку само за себе заинтересиран протекционистички блок. Ви кажавме дека е склеротична бирократија чија централизација на моќта се повеќе и повеќе им отежнува на земјите членки да се однесуваат како демократски нации и соодветно и брзо да одговорат да потребите на сопствениот народ.

Откако не успеаја да го портретираат како екстремист, женомрзец и фашист, онаа врскава менажерија од разбудени љубители на кансел културата, до толку не го можат Питерсон што прибегнаа кон уште еден проверен сталинистички метод, да го направат луд.   

Колку што е Кина неподнослива за класифицирање „држава што има и гулаг и Гап“, толку и нејзиниот лидер е нејаснотија „ем ја враќа земјата назад, ем изгледа како поборник на слободна трговија кој може да ја воодушеви публиката во Давос“. И додека Западот нема некоја прецизна претстава за Кина, за нејзиниот лидер нема па воопшто никаква.