Три нови состојби кои се пријавени од мал број луѓе што ги имаат примено вакцините на Фајзер и Модерна ќе бидат истражувани од ЕМА за да се утврди дали се можни нус-појави од вакцинирањето.

Човекот што го напиша филмот „Јас сум легенда“ со Вил Смит деновиве мораше јавно да објасни дека филмот е фантастика а не документарец за луѓе кои по вакцинирање се претвориле во зомбија... ако некој воопшто му верува.

Најдобро платените креаторки на Онлифанс заработуваат 270 пати повеќе пари отколку просечниот Британец кој се решил на потрадиционална професија.

Доживувајќи го како противотров за гротескниот Трамп, фановите на њујоршкиот гувернер Ендру Куомо своeвремено почнаа себе си да се нарекуваат куомосексуалци. Тој деновиве сепак поднесе оставка поради сериозните обвинувања за сексуално вознемирување на жени во негова близина. На фановите веројатно не им е лесно, ама па, ако им е. Кој до толку без усул се ложи на политичари, и не заслужил некоја посебна емпатија.

За да помогнат во намалувањето на загадувањето од автомобили, Гејтс, Безос и Блумберг ќе почнат со ископување на ретки метали неопходни за батериите за електрични возила, а за да почнат со ископување ќе направат рудник сред недопрена природа на Гренланд.

Во рок од 6 дена Талибанците освоија 8 провинциски главни градови, оставени од Американците и НАТО да бидат бранети од локалната војска.

Ако веќе се доживуваш себе како сојузник на жените, време е со дела да застанеш зад своите ставови и да направиш вазектомија, порачува колумнистката на Гардијан, Џил Филипович.

Една од најопасните служби во Србија не се пожарникарите ниту медицинскиот персонал кој е во првиот ред во борбата со ковидот, туку  оние што прскаат за комарци. Излудени од теории на заговор и општ пандемиски хаос, луѓе почнуваат да ги напаѓаат тие екипи сомничејќи ги дека ги трујат со нешто. Со што? Со нешто де.

Зборот што се користи за опишување на повеќе индиски јадења е погрешен и е вкоренет во британскиот колонијализам.

За малку, затоа што прво беа спречени од кордонот полиција пред зградата, второ затоа што Би-би-си пред речиси една деценија речиси целосно се има иселено од зградата во Лондон која сега му се изнајмува на ИТВ за дневните програми.

Германската компанија се провери уште еднаш и излезе во јавност со официјално зголемување на парите што очекува да ги заработи од продажба на вакцини, плус најави дека ќе почне да ја тестира информационата РНК технологија во борба против рак.

Со супер наслов (Rice, Rice, Baby), британски Гардијан пренесува за еден адет од „новотo нормално“ меѓу Јапонците кои добиле бебе. Гордите родители на блиските им праќаат вреќички со ориз кои тежат исто колку новороденчето и доаѓаат со фотографија од него, за пријателите и членовите на пошироката фамилијата да можат да го земат во раце „малото“ и да го „осетат“ во време на пандемија.

Човекот ја дотера работата со климатски промени до таму тие да бидат неизбежни и неповратни, се заклучува во алармантниот нов извештај на Обединетите нации.

Тема на една вечера организирана од група од највлијателните жени на Демократската партија била како да се одбрани Камала Харис од катастрофалниот имиџ во медиумите и како малку од малку да почне да му се допаѓа на народ.

Балтиморската филхармонија ја отпушти својата прва флејтистка. Емили Скала нема утнато ниту една нота и нема пропуштено проба на оркестарот. Ама затоа пишувала постови за потеклото на коронавирусот и се сомневала во ефикасноста на вакцините.

Треј Паркер и Мет Стоун ќе прават нови епизоди и филмови од Саут парк за Комеди централ, а за возврат ќе добијат едно брдо пари од телевизиската мрежа.

Крајот на август или почетокот на септември 2019, е периодот во кој ковид-19 вирусот протекува од Вухан институтот за вирологија. Кога ова им станува јасно на кинеските власти и на научниците тие очајнички се обидуваат да го замаскираат протекувањето, меѓутоа веќе е предоцна за тоа бидејќи вирусот почнува да се шири низ 11-милионскиот град, се наведува во новиот извештај кој доаѓа од американскиот Конгрес.

За разлика од вас, Пејџ не оди во Нов Зеланд со договорена тезга за местење гипс-картон, туку чисто заради „не дај Боже“ да не рокне некоја апокалипса во светот.

27 годишна студентка на американскиот Универзитет Колумбија која преку замрзнати води и пустини има избегано од Северна Кореја, се разочарала кога видела колку во САД денес го има она по кое е озлогласена нејзината татковина замолчување на слободното мислење  и перењето мозоци. 

Планот е скенирање на колекциите слики на Ајфоните во САД во кои ќе се бараат веќе познати педофилски слики. Иако сето ова се тера во име на крајно благородна кауза, стравот е дека истата технологија би можела да биде и злоупотребена.

Ги викаат брејктру случаи и често добиваат големо внимание од медиумите а се работи за оние луѓе кои закачиле ковид-19 иако биле прописно вакцинирани со две дози. Она што често недостасува во сензационалистичкото покривање на овие случаи е контекстот и поголемата слика. 

Владите премногу лесно се дефокусираат со инстантна гратификација за да видат каде лежат вистинските интереси.

Неколку месеци по разводот со Мелинда, и илјадници прозивања за дружењето со педофилот и сексуален злосторник Џефри Епстин, Бил Гејтс одлучи да проговори и јавно да се покае за дружбите.

Пред и за време на пандемијата беа создадени стотици алатки со вештачка интелигенција кои требаше да помогнат во откривање на ковид, дел од нив беа користени и во болници, меѓутоа ниту една не помогна.