Тужбата на Елден заради незапазување на процедура е отфрлена од судот во Калифорнија, а неговите адвокати сега имаат рок до 13 јануари за повторно да ја поднесат.
Освен жртва на експлоатација, Елден тврди дека обвивката исто така е слика со сексуална злоупотреба на дете.
„Обвинетите свесно продуцирале, поседувале и рекламирале комерцијална детска порнографија во која е претставен Спенсер,“ се наведува во тужбата.
Елден тврди дека тоа што го имало на обвивката му предизвикало „екстремен и перманентен емоционален стрес кој физички се манифестирал,“ плус губење на образованието, плати и „уживање во животот“.
Адвокатите што го преставуваат бендот, пак тврдат дека Елден „минал три децении профитирајќи од својата слава како самонареченото ’бебе на Нирвана’“, дека ја репризирал сликата за 15 и 20 годишнината на албумот, и го истетовирал името на албумот на своите гради.
Тие дополнително тврдат дека рокот за оваа жалба истекол пред повеќе од една деценија.
