Директорот за глобални прашања на Мета јавно признава дека не само што цензурираат туку попат прават и големи грешки во проценка на содржини кои решаваат да ги отстрануваат или да ги етикетираат. Тоа го знае секој кому му била скинато нешто од Фејсбук, а било банално или пак да се чудиш што било спорно. Малку претеравме, вели директорот. Не, многу претеравте.

Палењето новогодишни или какви било миризливи свеќи значително го влошува квалитетот на воздухот во просторијата и во одредени случаи е поштетно за белите дробови отколку пасивното вдишување чад од цигари. Истото ова важи и за миризливи стапчиња.

Доколку Украина ја заврши војната во 2025 тоа најверојатно ќе го направи по цена на жртвување на дел од територијата која изминативе години не можеше да ја ослободи од руската војска. Надежта на Украинците е дека за возврат би добиле „помала, но посреќна и побезбедна Украина.“

Неделава силите требаше да ги одмерат двајца најдобро пласирани романски претседателски кандидати:  ТикТок 'ѕвездата' Калин Георгеску и поранешната тв новинарка Елена Ласцони. Но, само 48 часа пред отворање на гласачките кутии, Уставниот суд реши да го поништи целиот процес заради руска вмешаност. Истовремено се оддржаа и парламентарни избори, ама, види чудо, тие резултати на државата ѝ се чинат неспорни.

„Се кладам во сè што имам дека ОпенАИ ќе банкротира меѓу 2026-та и 2028-ма,“ заклучува една анализа на достапните финансиски податоци за компанијата која поради звучноста нема проблем со инвеститори, ама затоа има долгорочен проблем со приходите. Башка што не се знае како ќе завршат судските процеи кои против неа ги започна Илон Маск.

Американската амбасада во Сирија во 2017 година објавува награда за озлогласениот терорист Абу Мухамед Ал Џавлани, нудејќи 10 милиони долари за негово откривање или ликвидирање. Седум години подоцна, откако Обама рече „Асад мора да замине“, денешен Вашингтон прилично неутрално порачува дека „внимателно го следи развојот на настаните во Сирија.“

Почна со едно симпатично вирално меме, бргу стана популарна и фино ја користеше својата популарност,  изгледајќи ни како многу фина и приземна девојка. Ама, лакомоста не знае за граници па освен капи и маици, се лансираше и крипто токен под нејзиниот бренд кој молскавично постигна фасцинантна пазарна проценка за веднаш потоа да изгуби 95% од вредноста. Тие што купуваа, останаа без пари. Кој им е крив. 

Уште не постои научен консензус за климата и затоплувањето но дека е жешко, жешко е. Во комплицираните климатски модели постојат секакви елементи кои се земаат предвид, но понекогаш тоа се оние на кои најмалку се надеваш. На пример сулфур диоксидот. Штетен за белите дробови, корисен за ладење на планетата.

Два месеца откако влегуваат во брак, Кинез уплаќа животно осигурување на својата нова сопруга, чиј краен корисник е самиот тој. И тоа не е едно, туку неколку. За жал ништо од ова не и е ни најмалку сомнително на жената.

Уште месец и половина останува до стартот на вториот мандат на Доналд Трамп. Веќе се познати имињата на клучните лица во власта и агенциите а најмногу се очекува од новиот оддел DOGE (Оддел за владина ефикасност), кој ќе делува како советодавно тело надвор од самата влада. Ќе го водат Илон Маск (Тесла, Спејс Икс, Икс) и републиканскиот политичар Вивек Рамасвами.

Четири месеци откако основачот на Телеграм беше уапсен во Париз заради немодерирање екстремни содржини, платформата најави пресврт во своите ставови. По апсењето на Павел Дуров компанијата стана невообичaено кооперативна, прво за ИПП адресите и телефонските броеви, а сега и за материјалите со сексуална злоупотреба на деца.

Белата куќа составила стратегија за засилување на Украина која треба да биде испорачана пред доаѓањето на Трамп на власт. Таа вклучува 20 милијарди долари во заеми и дополнителни сеопфатни санкции против Русија.

Бело платно со бела рамка, со димензии 132,1 х 132,1 е ставено на понуда во аукциската куќа Кетерер. Очекувањето на аукциската куќа е дека оваа ставка од каталогот ќе ја продаде за 1,5 милиони евра.

Воената хунта во Нигер која на власт дојде минатата недела, вети дека ќе ги ревидира и поништи сите договори кои претходните власти галантно ги имаат склучено со странски фирми за експлоатација на екстремно богатите рудни наоѓалишта во земјата. Први тоа го почувствуваа Французите кои менаџираа рудници со преку 200.000 тони ураниум.

Само во ноември Украина изгуби повеќе територија отколку територијата на цел Њујорк (градот), што претставува најголема загуба на територија од септември 2022, кога ја организираше својата најуспешна контра-офанзива.

Дел од највисоките украински функционери преговараат со колегите од идната американска администрација во надеж дека ќе ги намалат разликите што ги имаат со Трамп за тоа колку Украина треба да попушти во идните преговори.

За прв пат по 27 години холандското министерство за одбрана размислува за воведување задолжителен воен рок во земјата. Веќе имаат план што треба да се направи и сфатиле дека многу треба да се направи, ама веројатно друго решение нема да има.

Ковид војната трае и во оваа 2024-та година. Само што улогите сега се променети и главниот збор во ерата на вториот Трамп ќе го имаат оние кои во времето на Ентони Фаучи и администрацијата на Џо Бајден беа исмејувани како неодговорни ширачи на завери и недоверба кон институциите. Да видиме што денес се знае за пет клучни ставови околу кои толку жестоко се кршеа копјата во пандемијата. 

Полјаците буквално го сфатија надмениот опис на Жозеп Борел за ЕУ како „градина“ чии луѓе и институции имаат обврска да ја штитат од „варварите“ од надвор. На источната граница поставуваат тн змејски заби, бетонски фортификациски објекти кои се користат уште од Втората светска војна и со нив прават одбрамбен бедем. Колку долг? 800 километри!

Средно училиште од Нирнберг со константни проблеми со доцнење на учениците одлучи проблемот да го реши со пари. Не со давање пари, туку со земање.

Ветерот е добредојден во скопската котлина во зимските месеци, но како извор на енергија има свој табиет: некаде го нема, некаде го има а некаде го има премногу. Кога го има премногу и предолго, ветерниците шишкаат и создаваат електрична енергија која знае да направи проблем во балансот на мрежата. Затоа понекогаш мора да се исклучат а тоа некој треба да го плати. Се знае кој.

Најновиот јавач на неизбежната апокалипса на руската држава е информацијата дека во Русија почнал да се краде путер во супермаркети заради неговата висока цена, а дел од сопствениците почнале и да го заклучуваат.

Виетнамска ултра богаташка која се бави со недвижнини загуби на апелација за преиначување на смртната казна во доживотен затвор, донесена поради еден нејзин огромен финансиски скандал во кој беа ојадени десетици илјади луѓе. Труонг Му Ланг сепак може да си го спаси животот, ако најде и врати барем девет милијарди долари. Ќе бараш по роднини, пријатели, што ќе правиш.

Судот во Делавер одбива да дозволи на Илон Маск да му биде исплатена платата што ја има договорено со Тесла и веќе е прифатена од компанијата. Според судијката Илон не заслужува плата од милијарди долари.