Маск ветува многу, главно околу кратење на државните трошоци. Такви ветувања од устата на кој било друг може да звучат утописки и неостварливи, но Маск е познат по многу ефикасно управување со приватни компании.
Кога го презеде Твитер, отпушти 80% од вработените, без сервисот и платформата ни да се закашлаат.
За време на говорот во Медисон Сквер Гарден, запрашан колку може да го намали федералниот буџет, кој во трошковната линија сега изнесува околу 6,4 трилиони долари, Маск одговори:
„Мислам дека можеме да го намалиме за најмалку два трилиона“.
Тој е убеден дека владата се расфрла со пари и ги троши залудно и најави дека ќе ја симне од грбот на луѓето а Америка не само што ќе биде одлична, туку ќе достигне и досега невидени височин.
Во разговор со Такер Карлсон, тој навести дека федералните агенции кои служат како регулатори би можеле да бидат првите кои ќе се најдат под нож.
„Имаме 428 федерални агенции. Тоа е огромна бројка а за многу од овие агенции никогаш немаме слушнато. Многу од нив се преклопуваат во задачите и одговорностите, многу од нив се непотребни. Треба да се намали. Мислам дека може да завршиме со 99 агенции“.
Исто така Маск е убеден дека американската потрошувачка за војска и одбрана е премногу голема и неодржлива на долг рок и дека таму се можни и потребни сериозни кратења.
