Вести

Европа бара јунак што ќе седне на маса со Путин

Макрон и Мелони вршат притисок врз ЕУ да назначи специјален преговарач што ќе ги застапува колективните интереси во преговорите со Русија. Турбо-дипломатијата на Трамп и приближувањето кон Москва не само што ја изолира Европа од мировниот процес за Украина, туку и ја остави без глас во поширокото преуредување на односите на сопствениот континент.

Функционер на ЕУ тајно организирал отпор против Орбан

Унгарскиот премиер Виктор Орбан упорно ги блокира напорите на ЕУ да ја продолжат војната во Украина или да ги грабнат замрзнатите руските милијарди. Затоа не се големо изненадување протечените документи што сведочат дека висок функционер во Брисел со години тајно планирал операција за отстранување од власт на Орбан и неговата партија Фидес.

Апликација на денот: Мртов си?

Мобилна апликација со морбидно име се искачи на врвот листите на платени на продавниците на Епл во Кина, нудејќи суров потсетник за тоа колку мрачен може да биде модерниот живот и за младите и за старите. Апликацијата го адресира раширениот страв меѓу самците дека ќе умрат, а тоа никој нема да го забележи. А такви во Кина, за некоја година ќе има 200 милиони. 

Речник

Има ли пестицид што не е ризик за Паркинсонова болест?

Озлогласениот глифосат на Монсанто не е единствениот отров што ги труе земјоделците. Ново истражување покажува дека долготрајна изложеност на вообичаениот пестицид хлорпирифос за повеќе од 2,74 пати го зголемува ризикот од развој на Паркинсонова болест. Пестицидот е забранет во ЕУ, но до неодамна се прскал во САД и денес на големо се користи низ светот.

Кенеди го погоди слабиот нерв на Германија – фијаското со ковидот

Германската министерка за здравство со огорченост реагираше на критиките од нејзиниот американски колега дека Берлин им ги наметнувал на граѓаните вакцинирањето против ковид и носењето маски. Јавноста коментира дека Роберт Кенеди всушност е во право и дека пациентите во Германија практично немаат слобода за медицински одлуки.

За да стигне до нето нула, Британија ќе заглави во дебел минус

Постигнувањето на климатските цели за нето нула емисија на штетни гасови, ќе ја чини Британија многу повеќе од највисокиот проектиран минус од 7.600 милијарди фунти. Проценките за финансиската штета се базирале на „фантастични претпоставки“ за цената на обновливата енергија и технологијата со ниски јаглеродни емисии, покажува нов извештај.

Зошто Таурус е најбараната европска ракета

Украина до сега доби проектили со голем домет од Британија, Франција и САД, но она што украинските вооружени сили навистина го сакаат се германските Таурус системи, а Германија упорно го одбива тоа.

Во 2023 повлечени над 10.000 објавени научни студии

За прв пат во историјата, во 2023 научните журнали повлекоа над 10.000 студии што ги имаа објавено истата година, и тоа е на штета и на науката и на медицината и на развојот на лекови.

Враќањето на Трамп е дело на Демократите

Ако Трамп се врати на власт, тоа и овојпат ќе биде заради Демократите и нивната рамнодушност кон страдањата. Тие знаат дека работничката класа ги има напуштено не не можат да им свртат грб на корпорациите, па ќе играат на картата на страв од враќање на Трамп. Но, тој страв можеби ќе запали во урбаните и образовани енклави, но не и во американската пустелија. Таму го сакаат она што го сака и Трамп - одмазда. 

Нова секирација за мРНК вакцините

Фактчерите го побиваа раширениот страв дека ковид вакцините, со оглед на тоа што не се класични вакцини туку мРНК, можат нешто да поматат во човековиот ДНК и клетките. Неодамна биле правени истражувања дали тоа може да се случи не на здрави, туку на клетки на рак. Може.  

Берлинската техно-сцена стана културно наследство на УНЕСКО

Агенцијата на Обединетите нации одлучи да го признае придонесот што техно сцената го има кон културниот идентитет на Берлин, и како таква ќе ја додаде на својот список на нематеријално културно наследство.

Зошто толку многу млади луѓе закачуваат рак?

Онколози се од оние лекари кои сешто виделе во својата пракса но за многумина од нив, ништо не ги снеможува така како кога ќе видат млад човек на кого ќе му најдат еден од оние ракови кои обично фаќаат луѓе постари од 65 години. Ќе се помисли на дебелина, алкохол, процесирана храна... но не, рак често фаќаат здрави и тотално фит луѓе, без никакви ризични фактори за канцер.

Кога здравиот разум ќе падне во транс

Мат Таиби пишува за една насловна која ја смета за најглупавиот насловен текст на сите времиња. Од транс-автор, во одбрана на малолетната промена на полот а напишано во име на децата и нивното „право на разици кои произлегуваат од нивната слободна волја“. Па што не ги оставаат сами да се возат со кола или да им даваат моторни пили за во школо?   

Нил Јанг се врати на Спотифај

Кога Нил Јанг во знак на протест ја повлече својата музика од Спотифај несакајќи да дели иста платформа со Џо Роган, подкастерот беше ексклузивец под договор од 100 милиони долари. Сега е под договор од 250 милиони, без ексклузивитет. Така можело. Признавајќи дека ја изгубил битката против она што тој го смета за дезинформации, Нил Јанг вели дека следната надеж му е Спотифај бар да го подобри звукот.   

Руските пари ќе донесат 20 милијарди евра само од камати од ЕУ

Руските средства замрзнати во ЕУ по почетокот на инвазијата на Украина до 2027 ќе генерираат меѓу 15 и 20 милијарди евра, после данок, во зависност од тоа како се движат глобалните камати.

Кога животот ти дава Лемони

Дон Лемон беше избркан од Сиенен. Едно време го немаше па деновиве неочекувано најави ново шоу кое ексклузивно ќе оди на платформата Икс. Обезбеди и интервју со Маск, како најава на новото партнерство. Што направи Лемон после тоа? Отиде во Сиенен, да го олајава Маск како не си ја разбирал одговорноста. Дур си исцедил лимон, Маск му го раскина договорот.

Нов проблем, туширање со прежешка вода

Дневното туширање со жешка вода, што некои го имаат доведено до прлење, ја оштетува и кожата и косата, како што би оштетувало што било друго изложено на топла вода.

Исис се враќа, викаат посилен од кога и да е

Откако ги изгубија своите територии во Ирак и Сирија, озлогласната терористичка групација најде нов рај за свое јакнење и регрупирање. Авганистан, земјата во која Американците оставија куп оружје кога се повлекуваа од таму. Им се прави Калифат, па тоа ти е. Талибанците тврдат дека работат да го разбиваат Исис, но, не сите се убедени во тоа. 

Почнаа да стигаат нарачки до Трамп

Трамп треба да го олабави НАТО и притисокот што му го врши и наместо тоа да ги таргетира Обединетите нации, е нарачката до Трамп за кого се уште не се знае ни дали ќе му дозволат да учествува на претседателските избори.

Каде е оружјето?

Државите во Европа речиси го удвоија увозот на големо оружје во последните 4 години. Во периодот 2019-2023 година, многу поголеми количини на оружје влегоа во Азија и Океанија како и на Блискиот Исток, каде што се наоѓаат девет од 10-те најголеми увозници на оружје. Извозот на САД е зголемен, извозот на Русија е преполовен.

Четирите големи утки на Бајден

Во четири големи и битни области, политиката на Бајден кон војната во Украина не само што потфрли да ги исполни своите цели туку и доведе до контра резултати. Руската економија не колабираше како што се предвидуваше, армијата на Русија не само што не заслабе туку и се зајакна и реално се навежба против западното оружје, порасна популарноста на БРИКС а Украина е пред демографски колапс: од 44 милиони е сведена на 28 милиони луѓе, од кои 10 милиони се пензионери.

Канада ќе казнува онлајн омраза со доживотен затвор

За намалување на ширењето омраза и однесување со омраза канадската влада ќе ја зголеми казната за онлајн омраза од пет години до доживотен затвор за поддржување на геноцид.

Белгиски парламентарец заврши во затвор заради пораки во групен чат

Поранешниот белгиски пратеник и десничарски активист Дрис ван Лангехов ќе лежи 1 година затвор и треба да плати глоба од 16.000 евра заради ширење расизам во групен чат со пријатели.

Свиркачот на Боинг најден мртов пред сведочење

Во Јужна Каролина е најдено телото на Џон Барнет, свиркачот кој по 30 години работа во Боинг објави дека компанијата свесно и намерно кратела на квалитет на компонентите што ги вградувала во авионите. Телото на Барнет е откриено дента кога требало да сведочи пред суд.

Стварно ќе немат љуѓе

Паниката дека планетата е пренаселена и дека веќе нема место за луѓе, последниве години полека се заменува со страв дека нè чека колапс на популацијата, без разлика колку Индија и Африка работеле на нејзино спасување. Кина веќе не може ни сама да си помогне, не на другите.

Жаби ни во Азија не можат да кренат глава од Французи

Ненаситноста на Французите за жабји батаци е деструктивна за природата и ги загрозува водоземците во Азија и југоисточна Европа, алармираа група на научници и ветеринари.

Русија вс. САД и Европа, 3 спрема 1

На секоја една произведена артилериска граната од САД и Европа, Русија произведува три, е сегашниот сооднос на производствените капацитети на воените индустрии на двете страни, објавува Си-ен-ен.

Сопругата на Макрон не е транссексуалец

Францускиот претседател за прв пат јавно проговори против тврдењата дека неговата сопруга Брижит Макрон е родена како маж, отфрлајќи ги како „лажни и измислени“, откако неговата полу-ќерка неодамна ја спомна теоријата на заговор.

На Ердоган му е доста

Претстојните локални избори во Турција, закажани за 31 март, на кои ќе се бираат градоначалници и советници низ целата земја, ќе бидат последни избори на кои ќе учествува турскиот претседател, Реџеп Таип Ердоган.

Залужни прогласен за неспособен за воена служба

Новиот амбасадор на Украина во Велика Британија, а до пред некоја недела командант и херој на целокупните украински вооружени сили, Валери Залужни, зимоска минал медицински испитувања кои покажале дека тој не е способен за служење војска.