Кока-кола ќе се прилагоди на извршната одредба од Трамп со која се бара да ги укинат ДЕИ програмите (Diversity, Equity, Inclusion), за да добијат владини проекти.
Пепси ќе ги исфрли референците до „диверзитетна работна сила“ и повеќе нема да ги следи ДЕИ квотите при вработувањето. Позицијата „главен офицер за ДЕИ“ ќе се трансформира кон развој на вработени.
Гугл нема да ги обележува почетокот на културните манифестации како Месецот на гордоста или Месецот на црнечката историја. Ќе разгледа и дали да ги продолжи другите програми за ДЕИ.
Мета укина неколку програми за засилено вработување врз основа на диверзитет. Одделението за човечки ресурси објасни дека „се менува правниот и политичкиот пејзаж за ДЕИ во земјата“.
Амазон од завршниот глобален извештај за 2024 година ја исфрли секцијата посветена на „фокус кон инклузивноста и диверзитетот при вработувањата“.
Дизни го укинува ДЕИ од вреднувањето на вработени во „стратегија за таленти“. Од предупредувањата за содржина прикачени на некои од постарите филмови на Дизни+ ќе бидат исфрлени референците за диверзитет и култура.
Боинг го укина одделението за глобален диверзитет, правичност и инклузија. Службениците ги префрли во Кадрово, а во иднина ќе вработуваат луѓе врз основа на вештини, талент и искуство.
Делоит им порача на вработените во Америка да го тргнат посакуваното ословување (he, she, it, they...) од своите мејлови. Филијалата во Британија дава отпор.
Харли Дејвидсон уште лани ги отфрли сите ДЕИ функции и повеќе нема квоти за вработувања. Компанијата нема да склучува партнерства со спонзори што не се фокусираат на „лојалната моторџиска заедница“.
Голдман Сакс ќе го исфрли барањето да има барем една жена и еден „малцински“ член во управните одбори на на компаниите со кои ќе соработува.
Таргет го укина рекламирањето на производи со LGBTQ Pride. На вработените им е објаснето дека одлуката е донесена врз основа на повеќегодишни податоци и „во чекор со надворешниот пејзаж“.
ПБС (јавниот радиодифузер), за кој Трамп бараше да им се укине финансирањето од државата, целосно го размонтира својот ДЕИ сектор. Тие што работеа тами ја напуштија компанијата.
Во оваа група се и Ситигруп, Џеј Пи Морган Чејс, Морган Стенли, Смитсониан, Волмарт, Форд, произведителот на „Џек Даниелс“...
Контра се Костко, Дојче Банк, Циско и Епл, чии акционери го отфрлија предлогот да бидат укинати иницијативите за ДЕИ.
