Закони за исламска бласфемија пристигнаа во Европа. Двајца Британци се уапсени во рок од еден месец поради наводно палење на Коранот. И двајцата го сториле тоа од солидарност со Салван Момика, ирачкиот бегалец и гласен атеист, кој пред еден месец беше убиен во Шведска додека ја палеше светата книга на муслиманите.
Ако толпата не стигнеше прва до него, тој ќе беше на суд поради обвинение за богохулење. И во двата случаи, ќе беше замолчен.
Јасмине Мохамед, поранешна муслиманка и претседателка на групата „Слободни срца, слободни умови“, вели дека таа никогаш не би запалила Коран, но сепак го направила тоа по убиството на Салван Момика. Горда е што и други храбри луѓе го направиле истото.
Најдобриот начин да им се возврати на овие убијци, терористи и насилници е да се направи токму тоа што го испровоцирало нивниот гнев. Ако капитулираме или ако го криминализираме палењето Коран како во Скандинавија, го подгреваме исламизмот. Ги охрабруваме нивното насилство, вели Мохамед за Шоуто на Брендан О'нил.
Со еднаква смелост реагираа и Французите по убиството на Самуел Пати, учителот што беше обвинет дека на деца им покажувал карикатура со пророкот Мухамед. Луѓе ја истакнуваа по згради карикатурата на „Шарли ебдо“, сликата што им беше толку навредлива на оние што го убија Пати.
Мора со слободата на говор и изразување да се спротивставиме на нивното насилство и агресивното терористичко однесување. Мора да им покажеме дека нема да ја наведнеме главата. Нема да се откажеме од нашите вредности за да ги задоволиме, вели Мохамед.
Законот за богохулење полека се враќа во западните општества. Организацијата на исламска соработка (ОИК) со години попусто поттикнувала ширење на законите за бласфемија и за криминализација на критики на исламот. Наместо тоа, ОИК го создала терминот „исламофобија“, за да звучи како ксенофобија или хомофобија - појави на кои прогресивните луѓе инстинктивно им се спротивставуваат.
Тие што се противат на „исламофобијата“ мислат дека ги бранат муслиманите, а всушност ја бранат идеологијата на исламот. Кога овој термин ќе пушти корен, се претвора во закон за богохулење.
Тие не можат да наметнат сурови закони како во Иран, Саудиска Арабија, Пакистан, и Авганистан. На Западот не можат да апсат луѓе. Не можат да ги камшикуваат по улици. Не можат да им сечат глави. Затоа го создадоа овој израз и го пропагираа меѓу корисните идиоти. Тие знаат дека прогресивните на Западот ќе го прифатат изразот и ќе ги ограничат луѓето. За жал, тоа функционира перфектно, тврди активистката.
Како пример, таа го наведува неодамнешниот случај на болничарите од Австралија, кои пред камери рекоа дека „со задоволство би убиле израелски пациенти ако пристигнат во нивната болница“. Луѓето реагираа со згрозување и осуди, но 50-те исламски организации во Австралија јавно ја поддржаа нивната закана.
Мохамад вели дека убиецот на Салван Момика е „капка во океанот, зад која доаѓа цунами“.
Радикалниот ислам е култ. Јас бев дел од тој култ. Тој е менталитет на стадо. Како училиште за риби. Сите мора да се движат заедно. Секој мора да го следи тоа што му е кажано. Ги гасете мозокот, размислувањето, срцето, ги гасете чувствата. Гасете сè зашто доаѓа од ѓаволот. Правите тоа што ќе ви речат. Контрола на умот, заклучува Мохамад.
