Американските власти повеќе нема да финансираат развој на вакцини што користат мРНК технологија. Средствата и фокусот ќе бидат префрлени кон традиционалните вакцини, кои се произведуваат побавно, но важат за побезбедни. Министерот за здравство Кенеди најави дека приоритет е производство на универзална вакцина, која ќе штити и од коронавируси и од грип.

Србија во првите шест месеци од оваа година му продала на Израел повеќе муниција отколку во целата 2024 година, која била рекордна. Претседателот Вучиќ прво се пофали со тоа, па потоа се обиде да го скрие од јавноста. Во меѓувреме полни авиони летаат од „Никола Тесла“ за израелските бази. Поддршката за геноцидот во Газа ја наплаќа со напредно оружје и уреди за шпионирање.

Издавачите на реномирани научни списанија се преплавени со лажни научни трудови, нарачани од очајни професори на кои им е загрозена кариерата. Тоа егзистенцијално ги загрозува списанијата, но трпи и науката воопшто, бидејќи алатките со ВИ што се користат за нови студии се повикуваат на научната литература без да прават разлика помеѓу легитимни и лажни истражувања.

Вообичаена реакција е човек да се оддалечи од некој што кашла. Но, уште пред таа свесна постапка, мозокот рефлексно реагирал и превентивно го вклучил имунолошкиот систем, спремајќи го за можна инфекција. Тревогата за одбрана се активира автоматски дури и кога свесно се знае дека заканата не е реална, што укажува дека процесот може да се поттикне и вештачки.

Дарежливите бенефиции од 100% плата стимулираат сè повеќе работници низ Европа да земаат боледување, често пати и кога воопшто не се болни. Трендот зачести поради пандемијата, кога се охрабруваше отсуство од работните места за да не се шири зараза. Сега боледувањата се голем товар за компаниите, за државните економии и секако за оние на кои им останува дупло повеќе работа.

Ставот на САД кон Кина во изминатите две децении еволуираше од економска соработка до отворен антагонизам. Медиумите и политичарите денес шират антикинеска реторика, а владата воведува трговски бариери и санкции. Тврдењата дека Кина претставува закана се чиста пропаганда. Нејзиниот подем навистина ги загрозува интересите на САД, но на сосема друг начин. 

Кинески истражувачи претставија суперкомпјутер од нова генерација, со архитектура слична на човековиот мозок. Вуконг, или „Мајмунот на Дарвин“, содржи милијарди вештачки неврони, кои создаваат стотици милијарди синапси. Капацитетот може да му се спореди со мозок на макаки. Способен е за најсложени пресметки и управување модели со ВИ, а притоа троши 100 пати помалку струја.

Од творците на Спутник V, првата вакцина против ковид во светот, доаѓа ново револуционерно откритие – вакцина против меланома. Во експерименталната фаза првите пациенти ќе ја примат веќе во септември. Ја користи технологијата мРНК и специјално ќе биде прилагодена за потребите на секој пациент, врз основа на генетскиот профил на туморот. Една доза чини околу 2.800 долари.

Израелските сили се спремаат за завршна офанзива за ослободување на преостанатите заложници во Газа. Премиерот Нетанјаху и американскиот мисионер Виткоф заклучиле дека преговорите се изгубено време. Снимката со прегладнетиот заложник само ги забрзала воените планови, за да се најде барем некој жив. Последната понуда ќе биде ултиматум за кој се знае дека Хамас ќе го одбие.

Пластиката е сериозно потценет проблем за здравјето на луѓето и за општо за планетата. Ги загадува воздухот, земјата и морињата и се таложи во сите можни органи. Пластичниот отпад се мери со милијарди тони, а штетата со илјадници милијарди долари годишно. Но петродржавите и моќната индустрија ги блокираат сите глобални обиди за ограничување на производството и инсистираат на рециклирање.

Фановите на Оезис го растурија рекордот за испиено пиво на стадионот Вембли на кој повторно собраната група на браќата Галагер закажа седум - полни ко око - концерти. Вембли го имаат полнето и други, на пример Тејлор Свифт. Нејзините "свифтис“ пиеле по 40.000 пива на концерт. Овие на Оезис - 6, 2 пати повеќе! 

Актуелната германска министерка за економија предупредува дека на долг рок, ситуацијата со пензискиот фонд е неодржлива. Населението старее, сè помалку работоспособни луѓе мора да алиментираат еден пензионер, фондот голта сè повеќе милијарди евра. Решението ѝ звучи скроз германски: да работиме подолго! Само што, лесно е тоа да се каже додека се седи во фотеља во Берлин.

Со едноставен и евтин систем Грција најде решение како да ја смири нервозата во болничките чекални и да им овозможи побрза услуга на пациентите. Им дава алки на кои е втиснат дигитален QR код со информации за сериозноста на медицинскиот проблем. Лекарите имаат увид кој има приоритет, а пациентите знаат колку време и каде треба да чекаат. Ете како за два месеци можело да се воведе ред.

Ништо во историјата на политички глупости во Калифорнија не е близу до проектот за експресна железница од Лос Анџелес до Сан Франциско. Планиран за 33 милијарди долари, може да достигне 250, а сè уште нема пруга. „Возот-куршум“ на Њусом може да послужи како пример дека економските закони постојат со причина и дека оние што ќе ги извртат ќе мора да ги трпат последиците.

Респираторни инфекции лесно може да разбудат заспани клетки на рак на дојка и да активираат метастази. Веднаш по инфекцијата клетките на ракот се размножуваат со драматична брзина, а потоа повторно се смируваат. Новото истражување го објаснува и феноменот зошто само во краток период од раната фаза на пандемијата на ковид двојно се зголемил бројот на смртни случаи од рак.

Оданочувањето на пороците им овозможува на европските политичари да ги задоволат своите големи страсти: да се мешаат во животите на другите луѓе и да ги полнат државните каси. За жал, овие две работи се во конфликт, бидејќи високиот данок на пороци ги десеткуваше пушачите и пијаниците. Затоа се воведуваат нови, за возила на дизел и бензин, за зашеќерени сокови, можеби и за говедско.

Кумовите на вештачката интелигенција долго време се расправаат кога машините ќе го достигнат нивото на човековиот ум. Една од ретките анализи базирани врз конкретни показатели - мерење на способноста на вештачката интелигенција да го владее јазикот подобро од човекот, покажува дека технолошката сингуларност ќе настапи до крајот на оваа деценија, ако не и порано.

Не се во право оние кои тврдат дека Израел нема кого нема нападнато во поблизок или подалечен комшилук: Египет, Сирија, Јордан, Либан, Судан, Тунис, Ирак, Иран... Сепак - има. Северен Кипар. За осомничениот воен злосторник Нетанјаху и злотворите во неговиот кабинет, Смотрич и Бен-Гвир, израелски аналитичари сега почнуваат да ја динстаат и темата за опасноста од Северен Кипар.

Експедиција што се спушти десетина километри под површината на морето откри богат и разигран екосистем на место каде што се сметаше дека не постојат услови за живот. Се знаеше за едноклеточни организми на морското дно, но не и за посложени разновидни животни - морски црви, школки, краставици и лилјани, кои се хранат со метан што извира од пукнатините.

Храмот Шаолин, родното место на зен будизмот и на кунг-фу, повеќе од 1.500 години бил центар на спокојство и телесна дисциплина. Светската слава што му ја донесе кунг-фу филмот на Џет Ли привлече туристи, но ги урна вредностите и му ги отвори апетитите на главниот монах. Чуварот на моралниот компас е сменет поради злоупотреба на парите од храмот, а не му ги простуваат ни љубовниците.

Трговскиот договор на САД и ЕУ буквално е „фантастичен“. Во очајнички обиди да избегне царини од 30% и општа трговска војна со САД, Урсула фон дер Лејен прифати сè што од неа побара Доналд Трамп и вети дека Унијата за три години ќе купи американски енергенси за 750 милијарди долари. Ниту Америка има толку нафта и гас на продажба ниту Европа има капацитет да ја купи и обработи.

Во време кога луѓето привикнаа да ги користат четботовите како интимни пријатели, доверливи психолози или правни советници, многу е ризично да се бара совет како човек да се извлече од незгоден проблем со законот. Автоматски си пресудува. Газдата на Опен АИ како полицаец предупредува: „Сè што ќе кажете пред четботот може да биде употребено против вас на суд“.

Агенцијата за заштита на природата официјално побара поништување на клучниот документ за стакленичките гасови од 2009 година, кој послужи да се воведат строги „зелени“ регулативи и да се оптоварат Американците со стотици милијарди долари годишно. ЕПА тврди дека намерно се манипулирало со научни студии за да се озлогласат фосилните горива и да се исфрлат од употреба.

Две влијателни израелски групи за човекови права се охрабрија да ја наречат со вистинското име  - Нашиот геноцид - израелската операција за изгладнување на Палестинците и за уништување на Газа. Свесно ризикуваат екстремни реакции од властите и од јавноста поради изразот што ги отвора раните од холокаустот. И предупредуваат дека геноцидот врз Палестинците нема да запре во Газа.