Истражувачите од Универзитетот во Калифорнија откриле дека шимпанзата што јадат ферментирано овошје во нивните природни живеалишта консумираат еквивалент на два алкохолни пијалоци дневно. Ова ја поткрепува хипотезата по која човечката склоност кон алкохол е наследство од навиките на нашите предци. 

Нашите тела се менуваат како што старееме: од брчки до слабеење на меморијата и способноста за варење одредена храна. Освен ако не сте по јогата, не се случува често да треба да стоите на една нога. Нормално, не сте фламинго. Но, краток тест може да открие доста за вашето физичко здравје. Стоењето на една нога може да биде добар показател колку добро стареете.

Убиството на десничарскиот активист Чарли Кирк, а и политичкото насилство воопшто, драматично ја намалиле довербата на Американците во правецот во кој тргнала нивната земја. Многу повеќе се разочарани републиканците, кај кои оптимизмот е речиси преполовен. Освен атентатот, ги загрижуваат и сигурноста на работните места, зголемените трошоци за живот и криминалот.

Многу видови инсекти, од пеперутки до скакулци, се помасовно исчезнуваат, не само во региони во кои се загрозени од активностите на човекот, туку и во дивина. Нивниот број во изминатите 20 години се намалил и до 70% во региони што не биле допрени од човекот. Тоа сериозно го зголемува ризикот од домино-ефектот, во кој прво страдаат влекачите и птиците, а потоа и цицачите.

Хидраулична дупчалка вчера ги проби последните карпи од тунелот што ќе ги спојува Италија и Австрија 1,5 километар под Алпите. Тунелот Бренер не е само градежно чудо, туку и витален дел од амбициозниот европски проект за потесно сообраќајно вмрежување, скратување на времето на патување меѓу метрополите и пробивање копнен коридор од Хелсинки до Палермо.

Со новите препораки се разбива комбинираната имунизација од варичела, мали сипаници, заушки и рубеола во една вакцина кај деца под четири години. Тоа се поврзува со напади на треска кај децата по првата доза. Оспорена е и досегашната препорака за вакцинирање на сите новороденчиња против хепатитис Б, а не само на оние со ризик дека може да го наследат од мајката.

Четири години по понижувачкото повлекување на американските сили од Авганистан, Доналд Трамп има намера да ги врати назад. Поради стратегиската локација и близината до Кина, фрлил око на базата Баграм, единственото парче земја што САД реално го контролираа во 20-те години окупација. Офицери предупредуваат дека враќањето би било тешко и скапо како нова инвазија.

Кина тестира нова и потенцијално двојно побрза рута за бродски транспорт на стоки до Европа преку северните води. Тој пат повеќе од половина година е непрооден поради мразот, но Пекинг ја има на ум прогнозата дека климатските промени можат да го стопат мразот, па сака рано рано да стекне доминација. Преку Арктикот бродовите ќе патуваат 18 дена. Преку Суец пловат за 40.

Проектилот што погоди куќа во Полска и низ медиумите беше претставуван како доказ за „дрскиот напад на Русија во првиот директен ангажман против членка на НАТО“, всушност била ракета истрелана од борбен авион на Алијансата. Додуша случајно, и немало жртви или повредени, но покрај куќата, уништена е и довербата во веродостојноста на извештаите за судирот со Москва.

Претседателот Емануел Макрон и неговата сопруга Брижит собираат фотографии, вештачења и научни докази за да докажат пред американски суд дека првата дама на Франција е жена. Документите ќе ги претстават во тужбата за клевета против десничарската инфлуенсерка Кендис Овенс, која тврди дека Брижит Макрон е родена како маж. Брижит да беше Бардо, немаше да се влечат по судови.

Левичарската кансел култура со години уништуваше животи и кариери заради објави што твитер толпите ќе го проценеа како навредливи. Сега истите срања ги презема другата страна, барајќи замолчување не само на оние што го слават туку и на оние кои недоволно го оплакуваат убиството на Чарли Кирк. А сите се колнат во слободата на говорот. Додека тоа е нешто со кое тие се согласуваат.  

Телевизиската мрежа ABC го суспендира шоуто на Џими Кимел поради коментари на водителот за убиството на десничарскиот инфлуенсер Чарли Кирк. На денот кога Кирк беше застрелан, Кимел на Инстаграм го осуди нападот и изрази сочувство до неговото семејство, но во понеделникот ја критикуваше МАГА дека настојува да го политизира убиството и ја исмеваше реакцијата на Трамп.

Претседателот на Комитетот за правосудство на Сенатот, Чак Грасли откри дека истрагата на ФБИ против претседателот Доналд Трамп, започната во 2022 година и поврзана со изборите, опфатила десетици републикански луѓе и движења, вклучувајќи го и Turning Point USA на убиениот активист Чарли Кирк. Истрагата Арктик фрост по природа била партиска.

Во препораките за одржување здрав ментален живот со медитацијата и се попопуларниот mindfulness, тешко дека ќе најдете предупредувања за несаканите ефекти за „совршената техника за ослободување на стресот“, која може да се практикува дома бесплатно. А, ги има многу. Ги забележале во Индија пред 1.500 години, а потврдени се во низа нови научни истражувања.

Урсула фон дер Лајен го преживеа гласањето недоверба поради аферата Фајзергејт, но нема каде да бега од одговорноста дека во трка за профит претворила милиони Европејци во заморчиња. Нејзината комисија сега признава дека вакцините против ковид биле одобрени за користење без да бидат проверени. Целта била да се забрза имунизацијата, а безбедноста била во заден план.

Џери Гринфилд се повлекува од култната американска компанија за сладолед Ben & Jerry’s што ја основаше пред 47 години, поради неиздржлив притисок од корпорацискиот партнер за замолчување на социјалната мисија. Не од Бен, од кого има поддршка. На новиот газда Унилевер му пречи нивното противење против геноцидот на Израел во Газа и американското соучество.

Под силен притисок од Доналд Трамп, претседателката на Европската комисија прифати да го забрза процесот на постепено укинување на увозот на руска нафта и гас. Урсула фон дер Лaјен претходно ги одложи и плановите на Комисијата за воведување на 19-от пакет санкции за Москва. Трамп бара од ЕУ многу поостри санкции, не само за Русија, туку и за Кина и Индија.

Кина ѝ го зеде местото на Германија на листата десет најиновативни нации во светот, а како што тргнала, многу брзо ќе ги загрози и Швајцарија, Шведска и САД, кои се на врвот. Македонија е на 63 место од 139 рангирани земји според Глобалниот индекс и е при дното на Европа. Веќе трета година по ред паѓаме и според рангот и според основните показатели за развој и иновации.

Настрана психопатите кои отворено ликуваа на убиството на конзервативниот активист Чарли Кирк, и угледни личности и медиуми се фатија за орото „сам си го бараше“, при што на човек често му се препишува она што не го кажал или пак е извадено од контекст. Македонската медиумска неписменост, со која се коментираат скриншотови од наслови како во нив да е целата вистина, душа дала за такви манипулации. 

Јавно декларирајќи борба против корупцијата, ЕУ тивко и обилно им плаќа на агенции и медиуми за да ги промовираат агендите на политичката елита во Брисел. Со близу 1 милијарда евра создала финансиска зависност кај медиумите, кои од егзистенцијален страв сами ги шират наративите. Дел од оваа мрежа се и проектите за „поддршка за слободата и плурализмот на медиумите“ во Западен Балкан.

Кирк не беше политичар ниту олигарх. Тој немаше никаква моќ над никого. Тој изнесуваше аргументи и ставови. Дебатираше. Ги изнесуваше своите идеи. Неговиот слоган беше „Докажи ми дека грешам“. Потоа, куршум му го проби грлото додека ја завршуваше реченицата. Неговото убиство е мрачна кулминација на хистеријата маскирана како „грижа“, „љубезност“ и „социјална правда“.

Независна комисија на Обединетите нации прв пат заклучи дека Израел спроведува геноцид врз Палестинците во Газа, по повик од државните лидери. Како докази, во обемниот извештај на 72 страници се наведени бомбардирања цивили, снајперски истрели во деца, атентати, колективно изгладнување, силувања... Геноцидот е поттикнат од израелското раководство, на чело со Нетанјаху.

Уште на првата официјална посета на соседна Германија, новиот полски претседател Навроцки планира на масата во кабинетот на Фридрих Мерц да му ја испорача старата сметка за воени репарации. Сумата воопшто не е мала, околу 1.300 милијарди евра. Владата на Доналд Туск досега свесно ја чуваше во фиока, за да не ги загрози односите со главниот трговски партнер на Полска.

Американскиот претседател Доналд Трамп повторно објави план за санкции врз Русија, но овој пат инсистира заедно со САД тоа да го направат и сите членки од НАТО, за да го засилат партнерски притисокот, исто како и трошоците за финансирање на Алијансата. Од европските сојузници бара итно да се префрлат од руска нафта на американски течен гас и да отворат трговска војна со Кина и Индија.