Американскиот министер за здравство најави нови упатства што ќе ги охрабрат Американците да внесуваат повеќе заситени масти, спротивно на досегашните препораки за исхрана. Тој тврди дека заситените масти со децении биле демонизирани од кампањите за промоција на маргарин, адитиви, растителни масти и шеќери. Препорачува здраво месо, јогурт и ферментирана храна.

Со децении наназад лекарите ги советуваа родителите да не ги изложуваат бебињата на кикирики за да не развијат алергија. Додека важеше тоа правило стапките на алергии на кикирики кај децата се зголемија повеќе од трипати. Пред една деценија направија радикален пресврт и препорачаа да се воведат во исхраната кај бебиња од рана возраст. Случаите се намалиле за 43%. 

Најпопуларните јазични модели со вештачка интелигенција се обвинети дека се пристрасни и промовираат „санкционирана руска пропаганда“. Нивната вина, всушност, е тоа што на барањето информации за војната во Украина наведувале и податоци од државни руски извори и медиуми, и тоа по една на секои четири од западни извори за кои не се испитувало дали шират пропаганда.

Комитет на Конгресот на САД ја оспори легитимноста на наредбите што не биле своерачно потпишани од поранешниот претседател Џо Бајден и го повика Министерството за правда да спроведе нова истрага за неговиот мандат. За да ја прикријат сенилноста на Бајден, неговите помошници потпишувале документи со автоматско пенкало без знаење на претседателот.

Вакцинацијата е доминантен фактор на ризик за појава на аутизам, покажува нова и досега најсеопфатна анализа на 136 студии. Постојат повеќе фактори за зголемувањето на бројот на случаи на аутизам, од генетика до надворешни влијанија, но вакцинацијата е најзначајниот двигател и еден од ретките што може да се спречи, покажува извештајот од Фондацијата МекКалоу.

Трговијата и дилањето дрога во Белгија повеќе не е класичен криминален проблем. Нарко-бизнисот прерасна во организирана закана што ги поткопува државните институции, предупредува во отворено писмо судијка од Антверпен. По улиците на Брисел се пука, масовно се поткупуваат цариници, дури и судии, а киднапирања и бомбашки напади може да се нарачаат преку Снепчет.

Најголемата онлајн енциклопедија во светот прераснува во бастион на „будноста“. Ова го вели никој друг, туку нејзиниот коосновач Лари Сангер, кој ја критикува Википедија за либерална пристрасност, наместо да ја штити неутралноста и да им нуди енциклопедиски факти на корисниците. Бара укинување на „црните листи“ за извори и темелна ревизија на содржината. 

Британската радиодифузна корпорација им дозволува на вработени жени да работат од дома ако и пречи политиката за заеднички тоалети. Иако уште во април Врховниот суд пресуди дека трансродовите жени не се жени, ББЦ дозволува биолошки мажи да користат женски тоалети, соблекувални и тушеви. Вели дека ќе ја промени политиката само ако добие упатство од владата.

Музиката со векови наназад се користи како терапија за смирување. Ново истражување покажува слушањето музика или свирењето инструмент може значително го намали ризикот од развој на деменција кај луѓе на возраст над 70 години. Не се експериментирало со музички стилови, но се препорачуваат мелодии што асоцираат на моменти од младоста.

Американските судии, во голема мера, се пристојни и совесни. Соочени со кршење на законите од страна на извршната власт, тие се чувствуваат должни да ѝ се спротивстават. Но, тоа бара храброст овие денови. Според Службата за маршали на САД, која го обезбедува судството, 395 судии добиле закани оваа година. Ваквите закани доаѓаат и од левицата и од десницата.

Германија наскоро може да добие Министерство за вистина. Највисокиот граѓански суд во Берлин пресуди дека онлајн платформи имаат право да бришат објави што соодветствуваат на ставовите на меѓународните организации или на владата, без оглед дали се вистинити или не. Државата се прогласува за непогрешлива, а спротивставените мислења се „дезинформации“.

Европската Унија во оваа форма не е способна да се соочи со предизвиците од променетиот светски поредок, предупредува влијателниот банкар и поранешен премиер Марио Драги. Како излез од длабоката криза, тој бара од ЕУ да премине кон „прагматичен федерализам“ – да се реформира од темел и да овозможи внатрешни здружувања на земји околу заеднички интереси.

Песимистичките сценарија на климатските активисти заради влијание врз политиката не ги поштедија ни шумите. Истражување во кое се тврди дека се двојно се зголемил бројот на екстремни пожари предизвика лавина од статии дека „планета е во пламен“ или дека „се движиме кон глобален пекол“. Сега се покажува дека студијата била погрешна. Дивите пожари всушност се намалиле.

САД ги отвораат резервите на критични материјали за да поттикнат изградба на повеќе нуклеарни реактори. Бајден лани забрани увоз на руски ураниум, па администрацијата на Трамп сега ги отвора државните нуклеарни отпади, во кои има 19 тони плутониум од стари атомски бомби. Меѓу заинтересираните е и компанија на Сем Алтман. Мега-центрите за ВИ мора да се хранат со струја.

Според доктрината на Трамп, безбедноста започнува дома. Кога корумпирани лидери ја загрозуваат стабилноста на САД, тие мора да бидат принудени или да го променат своето однесување или да бидат сменети. Која е поентата да се биде суперсила ако не можете да ги спречите соседите да внесуваат смртоносни дроги и нелегални мигранти преку вашите граници?

Властите во Делхи почнаа да сеат облаци за да предизвикаат вештачки дожд што би го прочистил воздухот во најзагадениот град во светот. Првото прскање било вчера, а дождот се очекува до среда. Експерти предупредуваат дека оваа техника нема да го расчисти воздухот, а никој сè уште не знае каква штета може да направат хемикалиите кога ќе паднат од облаците.

Колку и да се трудеше да биде сериозен, како што му личи на претседател што коментира санкции против неговата земја, Путин не издржа да не ја трола Европската Унија, која во новите санкции за Русија забрани и увоз на ВЦ шољи. Да потсетиме, ако заборавил Брисел, целта на санкциите беше да се притисне руската воена и економска машина за да запре војната во Украина.

Во декември, Емануел Брунишолц од Швајцарија ќе замине на отслужување на затворската казна. Неговиот злостор? Споделил една научна вистина дека скелетите не можат да бидат трансродови. Му било кажано дека тоа е говор на омраза. 

Придобивките од инјекциите за слабеење Вегови и Оземпик се многу поголеми од нивната оригинална намена. Според ново истражување, тие значително го намалуваат ризикот од срцев или мозочен удар кај корисниците, без оглед дали воопшто ќе им ја намалат тежината. Најголем позитивен ефект врз здравјето на срцето имало топењето на маснотиите во стомакот.

Лидерите на ЕУ беа наострени да ги запленат 140-те милијарди евра што ѝ ги замрзнаа на Русија за да ѝ ги дадат на Украина. На Киев му ветија многу пари, а немаат доволно свои. Белгискиот премиер сам го спречи овој луд грабеж. Руските пари се чуваат во неговата земја. Ако Москва си ги побара милијардите, ЕУ може да се прави наудрена, па Белгија ќе мора да ги врати.

Разните геоинженерски проекти за спречување на глобалното затоплување се многу поризични во реалноста отколку што покажуваат компјутерските моделирања. Тие се само теорија. Во практика постои голема веројатност да излезат од контрола, па не само што Земјата нема значително да се олади, туку може да претрпи катастрофа поголема од климатските промени.

Побелената коса е белег на стареење, но не е само тоа. Може да биде и поволен знак за биолошки процес во телото кој го намалува ризикот од развој на рак. Јапонски истражувачи забележале врска помеѓу седите влакна и меланоми. И едните и другите ги создаваат матични клетки, кои на различен начин реагираат на оштетувања на ДНК под влијание на стрес.

Магазинот „Економист“ побара легализација на кокаинот како најефикасен начин да се намалат криминалот, убиствата и корупцијата. Тоа би ги смирило пресметките за профит меѓу нарко-бандите, кои на корисниците им го продаваат кокаинот по цена 120 пати повисока од производствената. Потрошувачите би добиле побезбедна дрога со строго контролиран квалитет.

Нетфликс таман да го прогласи последниот квартал за рекорден по приход од претплати и реклами и да се пофали дека ги надминал и најоптимистичките прогнози за раст, стигна есапот од даночниот спор што го имаат со бразилските даночни власти - 619 милиони долари. По објавувањето на оваа вест, акциите на Нетфликс паднаа додека си стиснал „Skip Intro.“