Трамп ќе ја добие битката за Гренланд. Европејците нема да го сопрат, бидејќи се слаби и поделени. Иронијата е што Европа ја избра оваа воена и геостратешка слабост. Дозволи Гренланд да се отцепи  од ЕУ. Избра да ги остави своите војски без потребните ресурси во корист на социјална помош и поддршка за невладини организации. И не може да се договори за ништо.

Норвешките власти почнаа да ги предупредуваат граѓаните дека армијата можеби ќе мора да им ги заплени домовите и возилата доколку избувне војна со Русија. Во понеделникот биле испратени писма до 13.500 адреси, со предупредување до семејствата дека во период од една година може да им бидат запленети имот, возила, чамци и машини.

Веганската исхрана како „поздрава“ алтернатива на месото пред само неколку години се промовираше како „културна револуција“. Рестораните и супермаркетите сега се откажуваат од продажба на веганска храна поради намалениот интерес на купувачите. Луѓето им се враќаат на свинското и на пилешкото како едноставни и поевтини извори на протеини.

Студенти во Амстердам биле силувани откако биле принудени да живеат во комплекс заедно со 125 бегалци за да „помогнат во интеграцијата“. Социјалниот експеримент за градење соживот завршил со тепачки, сексуални напади, дури и групно силување. Полицијата ги игнорира пријавите. Сириец, обвинет за силување, е казнет со три години затвор. Но, проектот не е запрен.

Се заокружува првата година од вториот претседателски мандат на Доналд Трамп во која тој со решителни потези, од царини за сојузниците до најава за грабнување на Гренланд, успеа во очите на светот една земја да направи поголема отколку што таа во тие очи беше пред него. Не се работи за Соединетите Американски Држави туку за Кина. 

Младиот, 25 годишен Логан Судеит работел како финансов аналитичар за менаџирање инвестициски ризици. Заработувал 75.000 долари годишно. Му здодеала работа со полно работно време и се префрлил на сè попопуларните платформи за предвидување и опклади за сè и сешто, какви што се Полимаркет и Калши. Минатиот месец заработил 100.000 долари.

Ова е време на опсесија со брзи судови и СИГУРНИ знаења. Денес луѓето не смеат да „не знаат“. Алгоритмите и ехо коморите ја наградуваат брзината и убеденоста во донесените оценки и судови. Сите знаат што ќе прави Путин, сите знаат каква е судбината на Гренланд, сите знаат сè. За почеток, да повежбаме воздржаност како лична дисциплина и да научиме да разликуваме впечаток од заклучок а верување од знаење?

Исламската Република го напушта својот традиционален модел на масовна цензура на интернет во корист на нова, многу потемна стратегија за апсолутна дигитална изолација. Во новата строго затворена мрежа, пристапот до надворешниот свет им е даден само на оние со безбедносен сертификат на строга Бела листа. За сите други нема интернет.

Кинески фирми побараа дозвола за поставување на речиси 200.000 сателити во мрежа за обезбедување пристап до интернет што би била седум пати поголема од онаа на Старлинк. Пекинг се жали дека компанијата на Илон Маск веќе ја преоптоварила ниската орбита на Земјата и брза да фати позиции во тесниот и ограничен простор. 

Администрацијата за храна и лекови на САД тивко избриша свои веб-страници на кои пишува дека мобилните телефони не се опасни за здравјето. Во исто време Министерството за здравство почна истрага за потенцијални штетни ефекти од зрачењето на мобилните. Ова е дел од стратегијата МАХА на министерот Кенеди, кој одамна ги поврзува мобилните со канцер.

Политичари и државници во демократски држави се упатени на тоа да чекаат да видат дали идните генерации ќе го ценат нивниот труд и дела и дали нивното влегување во историјата ќе започне со стандардното именување важни работи (булевари, институции) во нивна чест. Трамп нема трпение да ги чека идните генерации да го дадат својот суд па наголемо сам се става во имињата. 

Адвокати што му помагаа на Доналд Трамп во кампањата за поништување на претседателските избори во 2020 година се заинтересирани за изградбата на гасовод од јадранскиот брег до Босна, што би требало да ја ограничи зависноста на Балканот од руски гас. Гасоводот Јужна интерконекција во должина од 232 километри е проценет на 200 милиони долари.

САД завчера ја продадоа првата венецуелска нафта за сума од половина милијарда долари. Но, тие не ги депонираа парите ниту во американски банки ниту ѝ ги вратија на Венецуела, туку ги префрлија на сметка во Катар, каде што се заштитени и недостапни за побарувањата од странските инвеститори, на кои Венецуела им должи 170 милијарди долари.

Дождот не мора секогаш да биде елементарна непогода што ги претвора градските улици во реки и ги поплавува подрумите. Во урбани средини во кои канализацијата не е затната дождот поминува како однесен со вода. Во кинеските градови, дождовницата е благослов – внимателно се собира, се рециклира и се користи за наводнување и тоалети.

Првпат после 10 години откако е во егзил во Германија, кинескиот уметник Аи ВејВеј се врати дома, за со синот да ја посетат неговата 93 годишна мајка. Човекот кој беше симбол на кинеската опозиција на властите во Пекинг, после 10 години поминати во Европа, вели дека секојдевниот живот во Кина е многу похуман и поедноставен за луѓето. Во споредба со тоа, човек во Германија се чувствува несигурно и ограничено.

Администрацијата на Трамп објави глобална иницијатива од 11 милијарди долари за доделување здравствена помош на африкански и други земји во развој низ светот, која треба да ја замени несреќната УСАИД. Новото е што парите нема да се испраќаат преку сомнителни невладини организации, туку директно од Вашингтон до владите. 

Постепеното укинување на нуклеарната енергија во Германија беше сериозна стратешка грешка, оцени канцеларот Фридрих Мерц и најави обновување на атомските централи и изградба на нови реактори. Неразумната „зелена“ стратегија и запирањето на гасот од Русија ја оставија германската индустрија без доволно енергија, а домаќинствата со најскапа струја.

По долга расправа, европските земји ѝ дозволија на Украина да купува и американско оружје со заемот што неодамна ѝ го одобри Европската Унија. Макрон упорно инсистирал парите да се трошат само на европско оружје – што би значело милијардите од буџетот на ЕУ преку Киев да се прелеат во приватни европски компании. Германија и Холандија го разубедиле.

Тајван ја надмина Јужна Кореја како земја во која се раѓаат најмалку деца. Годишната стапка на наталитет паднала на 4,62 новороденчиња на 1.000 луѓе. Секоја жена просечно раѓа по 0,8 бебиња. Земјата важи за „супер-старо“ општество, бидејќи Тајванците на возраст над 65 години надминаа една петтина од вкупната популација.

При симулација на епидемија на птичји грип во Португалија, пациентите кои одбиваат да користат маски се издвоени како „закана“ за напорите за запирање на вирусот. Засилениот интерес за вирусот H5N1 потсетува на сличните симулации што ѝ претходеа на пандемијата на ковид, покрај  истражувањата со стекнување функции кај вируси и развојот на mRNA вакцини.

Српски и руски разузнавачи заеднички спроведувале експерименти за ефекти од моќни децибели од звучници насочени кон кучиња, тврди порталот Политико. Тестовите биле направени две недели откако демонстранти во Белград се пожалија на употреба на „звучни топови“. Руската ФСБ заклучила дека кај кучињата не биле забележани промени во однесувањето.

Не толку одамна, десничарските либерали беа сигурни дека фосилните горива наскоро ќе станат безвредни и светот ќе влезе во светла обновлива иднина. Сепак, како што покажува преземањето на Венецуела од претседателот Трамп, не може да има успешни економии без лесен пристап до нафта и гас. „Империјата на фосилни горива“ го возврати ударот.

Доналд Трамп тврди дека нема никаква врска со семејниот бизнис додека е на претседателска функција, но бодат очи градежните зделки на неговите синови по светот. Организацијата Трамп објави нови проекти за недвижнини во вредност од десетина милијарди долари во Саудиска Арабија - хотел, голф терен и луксузни вили во градот Дирија.

Покрај Венецуела, Доналд Трамп нанишани уште неколку земји во „неговата “западна хемисфера. Колумбија заради производството на дрога, Мексико заради нарко-картелите, Куба заради политичката кауза. Но, на списокот фали една земја која е предводена не од еден, туку од двајца диктатори и во која опозицијата се протерува, затвора или и на друг начин задушува. Станува збор за Никарагва.