Мечка страв- мене не страв, двајца ентузијасти решаваат еден ден да испијат колку што пиел Черчил. А тој пиел цел ден, секој ден. Едниот од авантуристите завршува со врзан јазик и заблуда дека е смешен, а другиот признава дека утредента се истурил од повраќање.

Во таа склеротична партија веќе нема место за слободномислечки луѓе, пишува Брендан О’Нил за одлуката на Тулси Габард да ја напушти нејзината матична партија. Таа долго ѝ бодеше очи на бањатата елита со богохулења од типот - во женски спортови треба да учествуваат само жени. Ма, свашта! Ја имаме Тулси и на подкаст кај Роган.

Како што украинската војска изјавува дека се надева дека нивната офанзива до зимава ќе стигне до Херсон, така Русија продолжува со подготовките за контра-офанзива која би можела да почне веќе следниот месец. Исходот од таа битка најверојатно ќе биде крвав и разорувачки, ама малку е веројатно дека ќе ја реши војната.

Доколку се појави таму, самитот на Г20 во Индонезија ќе биде првото излегување на Путин од Русија (и екс-СССР) од почетокот на војната, и на страна агендите, главна преокупација на луѓето на Бајден е по никоја цена нивниот претседател да не се сретне со рускиот, ниту да се размине.

Бројките се такви какви што се, но една од поважните пораки што Бил Маер сака да ја пренесе е дека колатералната штета не е од пандемијата, туку од начинот на кој ние се справивме со пандемијата, бидејќи тие протоколи не се напишани во камен.

На Мат Таиби не му се верува дека приглупата герила- акција „со супа против Ван Гог“  е само смешна, кога се случува сред повеќегодишна војна против уметноста, книжевноста, музиката, хуморот, па дури и математиката и науката. Му се чини дека ваквите допрва фаќаат залет и дека нема уште долго да се смееме.

Вашингтон ја губи својата моќ во ОПЕК, Саудијците не се послушни како некогаш, светот влегува во муилтиполарност а војната во Украина е војна на Западниот финансиски сектор против енергетскиот сектор во кој доминираа Истокот. На првите им е јасно дека, енергијата, за жал, не може да се печати како парите.

Американската рецесија е сигурно дека ќе се случи во следните 12 месеци покажале проекциите на Блумберг економикс, според кои, од 65% на последните пресметки, шансите за рецесија сега се зголемиле на 100%.

Унијата може да се пофали со успесите што Украина ги имаше на фронтот благодарејќи на воената помош што и ја испрати. Истото не важи и за битките што Европа ги води против Русија на енергетскиот фронт.

Пред три години, за Њујорк тајмс батаљонот Азов беше „украинска нео-нацистичка парамилитарна единица“. Минатата недела медиумот пишуваше за емотивната средба на Азовци со своите фамилии. Така е уште од 1936 година, кога беа одушевени од Олимписките игри на Хитлер.

Ќе се најде земја која има ресурси кои им требаат на американските корпорации. Ќе се натераат да се задолжат кај ММФ и Светската банка за проекти за кои ќе бидат убедени дека многу ќе им помогнат. За реализација на проектите ќе се ангажираат се-знае-кои компании (Бехтел, добри?). Ако во тоа не успеат економските убијци, доаѓаат шакалите кои рушат влади и убиваат лидери. Мислите туку така паѓаат авиони?

Како што новата британска премиерка не знае дал попрво да ја спасува својата политичка кариера или општо Британија и британската економија, така нејзините сопартијци почнаа со петиција за воскреснување на Борис Џонсон како премиер.

Новото сонце на просперитетот над Европа би можело да остане само тема за авторите на фикција. Стариот континент се соочува со досега невидени состојби при актуелното економско помрачување, и непријатности за чие решавање ќе мора да се напушти шаблонот од поновата историја. Тоа што боли е што во најголем дел, според Шоелхамер, Европејците сами направија од готово-вересија. 

Во месецот на штедењето, ПроКредит започна кампања за промоција на онлајн штедење, еден од уникатните продукти на банката.

Америка да буши и да гради, а Европа да плаќа за гас е проектот кој во моментот Украина сака да го истурка со западните сојузници, како сите би се ослободиле од зависност од рускиот гас.

Советниците на Бајден изминатиов период го изучуваат тајниот договор со кој пред 60 години се избегна катастрофата од Кубанската ракетна криза и дебатираат дали е возможно да се постигне слична спогодба што би ставила крај на војната во Украина.

Ремикси лесно се прават ако секој инструмент го имаш засебно на канал. Но, Битлси за некои рани албуми имале само 4 канална миксета, па на секој канал се ставани по неколку инструменти. Како да треба торта да „отпечеш“ за да дојдеш до нејзините основни состојки.

Во твит кој наликува како повеќе да му е криво што другите компании заработуваат милијарди од помошта за Украина, а тој уште ги плаќа сметките за Старлинк, Илон Маск објави дека интернет сервисот сепак ќе продолжи да функционира во Украина, на негова сметка.

Холандската полиција од Ротердам започна пилот програма во која планираат да конфискуваат скапа облека и накит од млади луѓе кои ќе им изгледаат премногу сиромашно за да го имаат тоа на себе. Ако „осомничените“ не докажат како купиле нешто што го носат, тоа ќе им биде конфискувано. Џамахирија на европски начин.

На изборите за конгресмен од Менхетен, на пат да победи кандидатот на Демократската партија. Неговиот ривал, независниот кандидат Мајк Иткис, прибегна кон радикален потег за да го привлече  вниманието на гласачите: сними порно филм. Се молат локалните политичари да не помислуваат на истото, оти тие, уште порното ни го немаат огадено.

Какви сме ние тоа кукавици со испрани мозоци. Наместо да дигнеме глас за мир ние купуваме јод. Јодот ќе нè спаси од Путин? Што ќе нè спаси од Америка, тоа е клучното прашање на нашиот опстанок.

Од 84-те руски ракети испукани кон Украина, според украинското министерство за одбрана, повеќе од половина се соборени. И по нивни бројки тоа пак остава над 40 ракети кои ја погодиле својата цел.

Се сеќавате на муабетот дека дури и да не ти е гајле за своето здравје, одговорно е да се вакцинираш за да го спречиш ширењето на вирусот и така да ги заштитиш најмилите, особено старите? Сега од Фајзер признаваат дека пред да ја пуштат вакцината меѓу луѓе, воопшто не било тестирано дали таа спречува трансмисија на вирусот.

Сака Пентагон, сака Украина да плати, ама Спејсикс веќе нема да го покрива трошокот за користење на Старлинк интернет сервисот во Украина и испораката на нови терминали, покажуваат документи испратени од Спејсикс до Пентагон.