Се маскираат во волонтери или ги чекаат на граница со примамливи дестинации напишани на картони за по неколку дена да исчезнат. „Кога си на дното, без пријатели и пари, лесно можеш да правиш незамисливи работи,“ вели една волонтерка која и самата била намамена на проституција.

Шангај до сега успеваше да ги смири потенцијалните жаришта на ковид-19 со локализирани карантини. Сега цел град од 26 милиони жители е ставен под клуч.

Крис Хеџис информираше дека од Јутјуб е тргната целата архива од неговото шестгодишно шоу „ON Contact“’за кое беше номиниран и за наградата Еми. Ама баш сè. „Поинформирано општество сме сега со ваква цензура?“, прашува 'исчезнатиот' некогашен долгогодишен дописник на Њујорк Тајмс.

Како што Западот почна да им запленува имот и да им наметнува санкции на руските олигарси, така се повеќе јахти и приватни авиони на истите овие олигарси почнаа да се појавуваат во Дубаи, најверојатно на подолго време.

Во Британија најверојатно „падна“ лидерот на Лапсус (Lapsus$) кој до апсењето успеа да изгради завиден список на хакнати компании и изнудени околу 14 милиони долари од истите овие компании, и сето тоа на 16 години.

Руската влада на прес-конференција тврдеше дека Хантер Бајден помогнал да се финансира американска програма за истражување „биолошки оружја“ во Украина. И ова беше очигледен дрзок обид на руска пропаганда против САД и Украина, се додека Дејли меил не го објави истото.

За време на посетата на Европа, Бајден во својство на дарежлив и милозлив спасител објави дека Америка ќе ја снабдува ЕУ со природен гас и со тоа ќе ја извлече од енергетската зависност од Русија.

Светската јавност дозна колку лошо помина канадскиот премиер во Европскиот парламент каде неговата политика беше наречена диктаторска, срамна и опасна за демократијата. Не и Канаѓаните. Ним им беше кажано дека Џастин Трудо добил долготрајни овации. Во салата која беше празна.

Воздушни снимки покажуваат дека ниеден од 750-те корални единици кои го  сочинуваат големиот подводен гребен кај Австралија долг околу 1.200 километри, не ја избегнал топлината. Се работи за вонреден настан, во година во која коралите требаше да се подизладат.

Сите ние по малку сме Македонци, сплетени од љубов, среќа и надеж дека еден ден ќе биде подобро, оти бетер не може. И како што би рекол Влатко откако трипати ќе чукне во дрво за среќа - тоа е тоа, тоа е сè. Вистина ли е така? Ќе видиме во вторник во Порто.

Уште до крајот на годинава Епл би можел да почне да ги продава Ајфон и Ајпад како услуга за која ќе се плаќа месечна претплата, наместо како до сега да го купиш уредот.

Финска има ем долга поморска граница, ем долга граница со Русија, два фактори заради кои често пати на нејзините пристаништа знаат да се појават повеќе сомнителни јахти. Сега тоа веќе е проблем.

Висока британска делегација од неколку партии, предводена од спикерот на Долниот дом на британскиот парламент, во последен момент била вратена од пат за Индија откако им стигнал абер дека џабе ќе тргаат.

За нашите злосторства, ако се објават јавно, се наоѓа жртвено јагне додека главните архитекти на колежот обично завршуваат како „угледни државници.“ Историски гледано, оние кои се гонети за воени злосторства (Нирнберг,  Либерија, Чад, Србија, Босна), се гонат затоа што ја загубиле војната и затоа што биле противници на Америка.

Антируското „групно размислување“ на официјален Вашингтон е толку доминантно што никој кој држи до својата кариера не се осмелува да го оспори, пишува Џонатан Маршал во еден текст од 2015 година, кој следи како од позадина се создаваат услови милијарди долари да се пренасочат во воените буџети.

Членови на литванскиот парламент предложија изедначување на буквата „Z“ и црно-портокаловата лента на Свети Ѓорѓија, со нацистичките и комунистички симболи.

На списокот за „отстрел“ на американската влада од почеток бил еден од најпрепознатливите руски олигарси, Роман Абрамович, се додека Зеленски не му се јавил на Бајден тоа да се коригира, во име на мирот во Украина.

Западот не очекувал толку долга интензивна војна па затоа и со време не ја снабдил Украина со доволни количини оружје и муниција, пишува британски Тајмс.

Месец дена војна, а рускиот гас минува низ украинска територија и гасоводи како во најдобри времиња. Блумберг се исчудува зошто Украина дури и под инвазија го дозволува ова. Разговараат со првиот човек на украинската нафтена компанија Нафтогаз.

Паника се создаде околу едиторијалот на Њујорк тајмс темелен на податоци од ново истражување на јавноста околу слободата на говорот. Самото правање паника околу овој, во суштина разводнет и „никого да не навредиме“ коментар е сигнал дека состојбата е и полоша отколку што се мисли. 

Откако ги игнорираше странските амбасадори во својата земја и одби да ја осуди Русија, колата тргна надолу за владата на пакистанскиот премиер. Закажано му е гласање за недоверба, а во меѓувреме,  дебело „се лобира“ кај неговите пратеници.

Инфлација неизбежно ќе удри, а Блумберг добри вести има само за тие што заработуваат повеќе од 300.000 долари годишно. За другите главно се работи за нијанси околу тоа колку ќе треба да штедат и да се откажуваат.

Сопственикот на Бургер кинг на светско ниво не може ништо да направи за да го повлече својот бренд од Русија, затоа што тамошниот партнер има многу добар договор.

Дебатата дали руските сили имаат застој во својата операција или не многу повеќе се води за потребите на американската внатрешна дебата дали да се продолжи (или зголеми) со испраќање помош на Украина или не.