- Кај се, што не доаѓаат? - со векови се прашуваат луѓе во недостаток на недвосмислени докази дека нашата планета е, или била посетена од вонземјани. Една нова хипотеза дава можен одговор кој не е баш охрабрувачки. 

Сенатот го изгласа итниот пакет за помош на Украина од 40 милијарди долари, меѓутоа отпорот што го дадоа некои републиканци покажува дека војната ја изгуби гарантираната меѓупартиска поддршка, пишува уредништвото на Њујорк тајмс.

Зрак надеж за спас од неконтролираната миграција во Британија даваат бегалските центри што земјата ги изнајмува во Руанда, кои се толку застрашувачко решение што фатените бегалци на островот молат да бидат вратени дома, наместо да бидат испратени во нив.

Откако во земјата е потврден четврти случај на мајмунски сипаници Белгија воведе задолжителен 21-дневен карантин за сите пациенти позитивни на болеста.

Соочени со недостаток на пилоти заради што почнаа сериозно да откажуваат летови, авиокомпании од САД планираат мерки за полесен и побрз тренинг за пилоти. Меѓу другото, веќе се бараат дозволи за двојно кратење на потребните часови летање од оние што се бараат сега.

Не сме сигурни дали ја имаме слушнато оваа песна од Битсли (може да, може не) ама сме сигурни дека досега немавме појма дека на неа свири и Брајан Џонс, прерано починатиот гитарист на Ролинг Стонс. И тоа свири - саксофон.

На хорските повици од Европа и Запад да се штеди струја заради енергетската криза генерално и украинската војна посебно, африканските лидери потсетуваат: „Блазе си ви, имате што да штедите“. Еве факт: еден просечен фрижидер во САД годишно троши повеќе од еден просечен човек во дузина земји во светот.

Научна студија на двајца истражувачи од лондонскиот Квин Мери Универзитет резултирала со  импозантна плејлиста од 715 песни за кои се тврди дека го подобруваат расположението и го имаат  оној ефект кога песната „те дига“. Шеренолика е тоа листа пошто кога си сјебан, бадијала е да слушаш „раке пуке, раке шлаке“ па има и такви како Алелеуја на Коен или „Tears in Heaven“ на Клептон.

Само што помислија дека се враќаат во нормала и живот без маски по стивнувањето на короната, пациент во Њујорк се покажал позитивен на тестирање за вирус од истиот род како мајмунските сипаници. Сосема доволно здравствените власти да ги повикаат жителите повторно да стават маски во затворени простории.

Поранешниот шеф на кампањата на Хилари Клинтон сведочеше дека таа лично ја одобрила идејата за доставување до медиуми материјали кои треба да бидат шлагворт за дискредитација на нејзиниот противкандидат Доналд Трамп со наводни руски врски. Во нејзиниот штаб не биле убедени дека е тоа добра идеја.

Мерцедес-Бенц 300 СЛР Уленхаут купе од 1955, едно од највисоките дизајнерски достигнувања што ги имаме остварено како човечки вид, е продаден на аукција за 143 милиони долари.

Администрацијата на Бајден реши да ја помогне борбата за вистината на начин на кој бирократите тоа најдобро знаат да го прават, со воведување на државен контролор на вистина. Министерството за вистина не додржа ни еден месец.

На Калифорнија последниве години ѝ се случува интересен егзодус бидејќи таму сè потешко се живее, што поради трошоците, што поради разбудените малоумности кои и Л.А. прават да заличи на Грчец. Луѓе бегаат, што во Тексас и други американски држави, што фаќаат џенем преку океаните. Не се нешто омилени.

Врските што ја држат глобалната економија и ја овозможуваат испораката на изобилие низ цел свет се пред распаѓање, а пукнатините што се појавија во светската економија ќе ја надживеат и пандемијата и војната, алармира Блумберг.

Франција своевремено храбро најави 1.000 километри пат составен од соларни панели кој требаше да обезбедува струја за дури 5 милиони домаќинства. Шест години подоцна, признаваат дека ептен го имаат утнато. Меѓу другото, не земале предвид дека таму се возат и трактори.

И по речиси 3 месеци војна во Украина политичкото пењавење околу енергетската независност на ЕУ не содејствува со постапките на истата таа Унија, која реши дека сепак не толку проблем што Русите бараат рубљи за своите нафта и гас.

Речиси половина од сметките што го следат официјалниот Твитер на американскиот претседател (@potus) се лажни, открива официјална ревизија на службената сметка на Бајден. Уште повеќе ги има на личниот профил на Бајден, каде од 32 милиони следбеници, 43% или 14,6 милиони се лажни.

За сега сведено на пусти желби на индиски, конзервативни американски медиуми и шпекулации на кинеските социјални мрежи, без официјални изјави, муабетите за заминувањето на Ши Џинпинг почнаа се повеќе да се актуелизираат.

Новообјавени даночни пријави откриваат како ко-основачката на Блек Лајвс Метер со пари од фондацијата плаќала на пријатели и членови на семејството огромни суми за разни „консултантски“ и други услуги. Таткото на нејзиното дете добил речиси милион долари а брат ѝ бил компензиран со преку 800.000 долари.

Како што украинските власти јавно се тешеа дека заробениците од Азостал ќе ги ослободат преку размена за руски заробеници, така руската државна Дума иницираше спречување на каква било размена на нацистите од Азов баталјонот.

Свесни дека разбирачка со Ердоган околу Шведска и Финска нема да има, Си-ен-ен почна да нафрлува топки од типот исклучување на Турција од НАТО или нејзино игнорирање.

Извршниот на Тесла предупреди дека САД наскоро можат да заличат на Венецуела ако државата продолжи да печати пари. Илон Маск се сомнева дека Бајден е главен. По него, човекот кој го мислиме за претседател на САД е под контрола на оние кои му ги пишуваат говорите. А овој чита сè што ќе му биде напишано на телепромптерот. Ко Рон Бургунди.

Под наслов „Сопругите на Азов: Нашите сопрузи беа предадени од украински предавници“ британски Телеграф го пренесува сведочењето на жените чии мажи се бореа во опколената челичарница во Мариопул.

Левичарската склоност на Твитер не е само во однос на „идентитетски прашања“ туку моментално компанијата функционира со такво раскалашено трошење пари и непродуктивност што треба да се среќни што платформата воопшто им работи.