Бројот на нови случаи на рак во Франција се дуплирал од 1990 година. Најтешко се погодени винарските региони, во кои потрошувачката на пестициди е највисока во Европа. Винското грозје се прска 18 пати годишно. Во тој период концентрацијата на разни отровни состојки во воздухот во околните домови се зголемува понекогаш и стократно. 

Во Франција, Мохамед Бакали е симбол на масакрот во Париз во 2015 година, кога беа убиени 132 луѓе. Тој е единствениот џихадист осуден на долги затворски казни поради два терористички напади. Но, во Белгија, каде што ја отслужува казната, Бакали има третман на обичен затвореник. Редовно добива слободни викенди, наспроти негативните препораки. Наскоро ќе биде ослободен.

Многу работи се фасцинантни и се уште нејасни во врска со египетските пирамиди. Како се градени (и од кого!) тие огромни објекти кои и со денешната технологија би биле чудо, како се толку прецизно изведени, како издржале толку милениуми секакви непогоди... Сеизмолози сега откриваат уште една чудесија на тоа прастаро градежништво.  

Германските даночни обврзници не само што имаат платено над 40 милијарди евра, туку се соочуваат и со повисоки трошоци за домување, поголем сообраќај, преполни болници, подолго чекање за лекарски преглед, повисоки премии за здравствено осигурување и мноштво други проблеми што не се официјално евидентирани во наведената бројка.

Европскиот центар за превенција и контрола на болести предупреди на рекордно зголемување на сексуално преносливите болести во Европа, при што гонорејата и сифилисот достигнале највисоки нивоа во последните десетина години. Ќе беше тоа добра вест за остарениот континент (дека уште се онадат), освен ако не се работи за мигрантски придонес, а таква информација немаме.

Одамна стана јасно дека американската воена супериорност уште еднаш беше демонстрирана во операцијата Епски бес, последната воена авантура на Доналд Трамп, но и дека со тоа американскиот претседател не ја доби војната која се покажа како катастрофална грешка на која беше наведен од Нетанјаху. Меѓутоа, и американската авијација не минала без лузни во нападите врз Иран. 

Откако купи акции во производители на чипови и рударење ретки минерали, администрацијата на Трамп има нова индустрија на радарот: квантните компјутери. Министерството за трговија инвестира повеќе од 2 милијарди долари во девет компании за квантни чипови и пресметувања. На листата е и фирма во која инвестирал Доналд Трамп Јуниор.

Манијата за картичките со ликови на спортисти и суперхерои од 1990-тите ја крена нивната цена на милиони долари. Саемите и берзите за размена привлекуваат илјадници фанатични колекционери, но сè почесто и криминални банди, кои не гледаат подобар начин да спакуваат нечисти пари во парче картон кое не привлекува големо внимание на граничните контроли.

САД откажаа продажба на оружје на Тајван за 14 милијарди долари и сериозно ги исцрпи резервите од најсовремени проектили поради војната во Иран на која инсистираше Израел. Но, муницијата употребена во војната не е распоредена рамномерно. За одбрана на Израел од ракетните напади биле истрелани многу повеќе американски отколку израелски ракети. 

Кинеските училишта и универзитети почнаа да ги укинуваат програмите за групирање на надарените ученици и студенти во елитни школи. Не поради тоа што таквиот пристап не дава резултати, туку поради масовното злоупотребување. Побогатите семејства плаќаат мито и до 130.000 долари за да ги запишат своите деца меѓу идната научна и политичка елита.

Додека Иран трпеше санкции, клучен соработник на режимот изградил тајна мрежа за финансирање на Револуционерната гарда преку глобалната берза за криптовалути Бинанс. Трансакциите продолжиле и откако почна војната во Иран. Затоа Иранците бараат танкерите да плаќаат во криптовалути или јуани за да поминат преку блокадата на Ормускиот проток. 

По посетата на Трамп на Пекинг, Кинеската шпионска агенција објави документ во кој заклучува дека офанзивната фаза на Америка во односите завршила, а Кина ја издржала без големи последици. Прашањето за Кина повеќе не е „како да се преживее“ притисокот од САД, туку како да се развива идна соработка на рамноправна основа, со меѓусебно почитување на „црвените линии“.

Темелна анализа на десетици илјади наслови од мејнстрим медиумите во САД потврдува дека тие биле изразено пристрасни против Палестинците и систематски го фаворизирале Израел. Разни нијанси и стапици ја заматуваат сликата, но двојните стандарди се присутни насекаде – од изборот на темите на насловите, до користење изрази што поттикнуваат чувства.

Британските власти со специјална одлука им наложија на трансродовите лица, во јавни објекти во кои немаат специјални простории, да ги користат тоалетите или соблекувалните согласно својот биолошки пол, а не врз основа како што се идентификуваат. Сепак, на персоналот му се препорачува да не ги испрашува сомнителните лица што користат женско ВЦ.

Занесена од документарци кои ги гледала на Јутјуб, Хрватката Ива Ханзен решила не само да се пресели на село, туку и да живее автентичен и самоодржлив живот па одбила да плати за приклучок за вода. На почеток ѝ се чинело романтично да оди до изворот и да се бања во каца за грозје, но на крај се расплакала кога првпат влегла под туш. А нејзиниот натурален сетап ја фатил ѓавол ипол.

Извештајот дека Трамп и Нетанјаху планирале да го инсталираат Махмуд Ахмадинеџад за лидер на Иран всушност говори дека војната што ја почнаа САД и Израел никогаш не била за „ослободување“ на Иранците. Никој повеќе од Ахмадинеџад не му предизвикал поголема штета на Иран на домашната и на меѓународната сцена. Токму затоа бил идеален избор за Израел.

По војната во Украина, Европа се реши да се ослободи од енергетската зависност од Русија и постепено забрани купување нафта и гас, префрлајќи се на увоз од САД. Војната во Иран и затворањето на Ормускиот проток ја направи ЕУ уште позависна и ранлива од администрацијата на Трамп, која ја користи својата позиција за да врши политички притисок врз Брисел.

Му се чудеа на Мексико кога вложи милијарди долари за нова железничка пруга што ќе ги поврзе Атлантикот и Пацификот. Зошто брод би се претоварал на воз кога може да помине преку Панамскиот канал? Блокадата во Ормускиот проток покажа зошто е потребна алтернативна инфраструктура во тесните глобални грла, особено ако овозможува поевтин и побрз транспорт.

Кога кон средината на јуни Спејс Икс ќе се појави на берзата со проценета вредност од околу 1.500 милијарди долари, Илон Маск ќе стане првиот билионер на планетата. Но, тој го крева многу повисоко плафонот. На инвеститорите им најавува дека вкупната вредност на акциите на технолошкиот гигант ќе скокне до 28 билиони долари.

Најпознатиот советски дисидент своевремено (јуни,1978 година) одржа говор пред 20.000 луѓе на Харвард. Со оглед на неговата биографија, гулази и страдања, публиката очекуваше да распали по тиранијата во својата матична земја. Но, Солженицин пред нив си го постави прашањето: Дали би ја препорачал американската слобода за својата татковина? Одговорот му беше: Не.

Иран, земја со длабоки традиции, поминал 200 години заробен помеѓу притисок однадвор и неуспех одвнатре. Странците постојано барале влијание и контрола. Иранските владетели, без разлика дали се кралеви или револуционери, одговарале со заострување на авторитетот. Тоа доведе и до актуелниот ќорсокак: не само за Ормускиот проток, туку и за иранскиот суверенитет.

Биотехнолошката компанија Колосал успеала да изведе здрави пилиња од ембриони инкубирани во вештачка капсула наместо во јајце. Ова е прв чекор од амбициозните планови на „Колосал“ да ја врати во живот изумрената гигантска птица моа, за која нема соодветен сурогат. Сè уште нема такви планови, ама да потсетиме: и диносаурусите доаѓаат на свет од јајце.

Министерството за правда на САД му одобри на Доналд Трамп целосен имунитет од даночни проверки за него лично, за неговите бизниси и за неговото семејство. Оваа наредба тивко е додадена на спогодбата со која Трамп се согласи да ја повлече тужбата против Даночната служба, а за возврат доби 1,8 милијарди долари за фонд за „жртвите на администрацијата на Бајден“.

Поранешна директорка на вести на БиБиСи го потврдува она што јавноста и критичарите подолго време го насетува: таа редакција е заложник на бучни воук активисти и таквото заробување одвнатре го има претворено британскиот јавен радиодифузен сервис во алатка и оружје на контроверзни идеолошки агенди. Од вработување до детски емисии во кои ликови за петгодишни деца користат they/them.