Промените се дел од кинеската програма „сончев зрак“, која се обидува да донесе праведност и транспарентност во запишувањето и е насочена кон злоупотреби во врвните училишта.
Со новото правило, учениците ќе бидат распоредени по училишта и одделенија преку лотарија, а не врз основа на резултатите од завршните тестови. И досега имало обиди за спречување на ваквите практики, но властите тврдат дека овој пат законот ќе се спроведува строго, без толерирање на злоупотреби.
За разлика од повеќето земји, каде што богатите родители ги запишуваат своите деца во елитни приватни институции, најдобрите кинески средношколци гравитираат кон елитни државни училишта. Тие се привлечни делумно затоа што родителите можат да се осигурат дека нивните деца ќе бидат во контакт со идната економска и политичка елита на земјата.
Со оглед на големината на Кина, постојат многу регионални групирања на овие елитни училишта, од кои некои биле приватни пред да бидат претворени во државни институции за време на комунизмот.
Во Пекинг, тоа се Четвртата гимназија, средното училиште на Универзитетот Женмин (RDFZ) и Експерименталното средно училиште, кое е филијала на Пекиншкиот нормален универзитет (каде што и Мао Це Тунг и Денг Сјаопинг ги испратија своите ќерки).
Овие училишта имаат на располагање изобилство ресурси, вклучувајќи високообразовани наставници, меѓународни размени и првокласни објекти. RDFZ се гордее со висококвалитетна компјутерска лабораторија донирана од Apple.
Една од највпечатливите разлики со другите училишта е големината на класот. Според најновите податоци, од 2019 година, просечно одделение во Кина има по близу 50 ученици, а во елитните училишта просекот е 20 ученици.
Во теорија, приемот во овие институции се одредува преку резултатите од тестовите и препораките на наставниците. Во пракса, системот е преполн со поткуп и влијание. Многу ученици се запишуваат преку семејни врски. Во редовните училишта во Кина, родителите поткупуваат наставници или службеници за образование за да обезбедат дури и најдобри места во училниците.
Во 2012 година, за запишување на ученик на RDFZ наводно требало да се плати мито од 80.000 и 130.000 долари. Просечниот годишен приход на урбано домаќинство во тоа време бил 4.273 долари.
Од друга страна, кинескиот гаокао - националниот испит за прием на универзитети, се задржа прилично чист, делумно поради кампањата од 2018 година за намалување на одредени „бонус поени“ што учениците би можеле да ги заработат. Овој систем бил преполн со корупција.
